што да се прави,мора нешто да се чепка

ВО СЦ "БОРИС ТРАЈКОВСКИ" ИНТЕНЗИВНО СЕ ГРАДИ


Спремајте ги купаќите, во јули на тобоган во Аквапарк


Според најавите од спортскиот центар, влезницата за аквапаркот ќе чини околу 350 денари за дневен билет, а водениот парк се очекува да започне со работа уште летово

На изградбата на Аквапаркот во состав на спортскиот центар "Борис Трајковски" се работи со полна пареа. По неколкумесечните проблеми со дозволата за градба која Спортскиот центар ги имаше со општина Карпош, за краток период беше завршена целата постапка за започнување на работите и склучен договорот со групата изведувачи.

Во моментов, и покрај тоа што временските услови не се најпогодни за градење, на изградбата на долгоочекуваната водена атракција се работи на големо. Засега, завршена е првата кула од светски познатиот мултислајд реквизит, а завршен е и целиот ископ и тампонирањето на објектот. Изградени се околу 40 проценти и од втората кула, а со завршувањето на базенот со бранови и административната зграда каде што ќе бидат лоцирани ресторанот, соблекувалните и собата за прва помош, целиот проект се очекува да се заврши до почетокот на летото.

Директорот на Спортскиот центар "Борис Трајковски", Ратко Капушевски, вели дека Аквапаркот ќе биде една од главните содржини на центарот и дека на граѓаните ќе им обезбеди нешто ново и возбудливо што досега главниот град го немал.
- Со оваа содржина сакаме да им обезбедиме на граѓаните на Скопје за време на летните денови да имаат место каде да го поминуваат своето слободно време. Овој објект има рекреативна форма и пред се забавен карактер. Во градот функционираат само 3 базени, каде што граѓаните може да се разладуваат за време на летото, па оваа опција навистина ќе понуди нешто ново, вели тој.
- Таргет-група ни се децата на школска возраст, кои за време на летниот период се на распуст и очекуваме тие да бидат најчести посетители. За време на викендите кога повеќето граѓани се слободни, може да имаме семејни посети како од граѓаните на Скопје така и од оние од внатрешноста, додава Капушевски.

Аквапаркот ќе има 10 тобогани, светски познатиот мултислајд, ќе има турбо-ленс и бумеранг-тобогани, како и спејс-боул тобоган со ноќни ефекти. Придружни објекти, покрај тобоганите, ќе бидат базенот со бранови, мрзливата река и базен за дечиња до 7 години, кој е опремен со тематски реквизити од познатиот филм "Пиратите од Карибите".

Планирано е тој да работи во два дела од денот. Да биде отворен од 11 часот претпладне до 17 часот попладне, по завршувањето на првата смена ќе следува половина час пауза каде што ќе се грижи персоналот, пред се, за хигиената. Потоа, од 18 часот па до полноќ да функционира втората смена.

Првиот човек на спортскиот центар најави дека цената на влезницата нема да биде еквивалента на објектите од ваков тип во другите држави, бидејќи целта е да биде достапна за секој џеб. Таа ќе чини околу 350 денари за дневен билет, па така повеќе граѓани ќе можат да си го дозволат задоволство што ќе го пружи аквапаркот. Со неговата изградба ќе отвори можност за 35 сезонски вработувања, а предност ќе имаат лица со завршен факултет за физичка култура, кои имаат лиценци за спасување.

Според очекувањата од спортскиот центар, објектот би бил посетуван од 500 до 1000 граѓани во текот на денот. Градежните работи ги изведува група понудувачи што се пријавиле на тендерот кој беше распишан од страна на спортскиот центар. Станува збор за градежната фирма "Жикол" од Струмица, турската фирма "Полин" која зад себе има околу 2000 проекти од ваков тип ширум светот, како и фирмата "Електро унион-Скопје".

Висината на инвестицијата за изградбата на аквапаркот е околу 4,2 милиони евра, а средствата се обезбедени од страна на Владата. Тој се гради на парцела од 12 илјади метри квадратни и се наоѓа на северната страна од спортскиот центар, односно веднаш до хотелот "Александар Палас".
(С.Тр. - Гр.З.)

Четири нови тениски терени
Освен изградбата на водениот парк, спортскиот центар ќе се поднови и со нови спортски терени, а ќе понуди и уште нови содржини и спортски школи. Пред почетокот на летото готови ќе бидат 4-те нови тениски игралишта кои се лоцирани веднаш до базенот. Веќе се работи на две од нив, а изградбата на останатите две ќе започне во март. Планирано е сите да бидат финализирани до почетокот на јули, а овие 4 терени се дел од проектот на Владата "100 теренски игралишта" и се реализизираат во соработка со Агенцијата за млади и спорт. Тие ќе добијат сертификат од Интернационалната тениска федерација, а со поставувањето на рефлектори за осветлување, ќе можат да се користат и во вечерните часови. Тениските игралишта беа неопходни за националниот спортски комплекс да ја добие вистинската слика за комплетен урбан спортски центар кои ги нуди сите можни спортски услуги на едно место.

Мото-патека за едукација на децата до 12 години
Покрај големиот број на спортови што центарот можеше да ги понуди досега, во лето ќе биде отворена мини едукативна мото-патека, која ќе се наоѓа меѓу игротеката и хокеј-игралиштето. Станува збор за мала патека каде што децата до 12 години ќе можат да научат како треба да се однесуваат во сообраќајот доколку возат моторцикл, веспа или мопед. Во зависност од категоријата на моторот, ќе има претставник од моторџиската федерација, кој ќе им дава вовед и ќе ги обучува младите како треба да управуваат со едно вакво моторно возило. Во прва фаза од курсот, моторчињата ќе бидат на 4 тркала, пред младите да стапат во контакт со возило кое е на две тркала.

Исто така од септември спортскиот центар ќе се поднови и со сала за гимнастика, за која реквизитите ќе бидат донирани од Агенцијата за млади и спорт, а ќе биде ангажиран и тренер од Русија кој зад себе има учество на олимпијада.
http://www.vecer.com.mk/?ItemID=870E12C594F79D47BEEB513C3A83437F

КОШАРКАРОТ ПЕЦЕ НАУМОВСКИ ЈА СТОПИРА ГРАДБАТА ВО АЕ­РОД­РОМ

Аквапаркот ќе го изградам кога Општината ќе ми направи улица

"Не сакам да ризикувам и да вложувам пари во аквапарк, кога нема прис­тап за граѓаните. Ќе продолжам да градам само кога Општината ќе из­гра­ди инфраструктура", вели Наумовски

Ак­ва­пар­кот во Аеродром не се гради оти нема пристапна улица до него. По­ра­неш­ни­от кошаркар Петар Наумовски најави дека нема да инвестира во водниот парк, додека Општината не изгради сервисна улица и пар­кин­зи.
"Не сакам да ризикувам и да вложувам пари во аквапарк, кога нема прис­тап за граѓаните. Јас почнав да градам, но ќе продолжам кога ќе се обез­бе­ди инфраструктура. Во моментот повеќе сум сконцентриран на из­град­ба­та на спортската сала, бидејќи се работи за поголем објект и мора по­бр­зо да се работи. Но ниту водниот парк ниту салата нема да бидат готови до­де­ка не се направат улица и паркинзи до нив, како што има од другата стра­на на салата на МЗТ", вели Наумовски.
Тој нагласи дека ќе продолжи да гради во истиот момент кога Општината ќе ја изгради сервисната улица, која е предвидена со деталниот ур­ба­нис­тич­ки план за оваа локација.
Гра­до­на­чал­ни­кот на Општина Аеродром Ивица Коневски вели дека ули­ца­та досега не е изградена за да не се уништи додека се гради аквапаркот.
"Во текот на овој месец објавивме тендер за изградба на инфраструктура за целиот тој спортски комплекс, и нашата работа целосно ќе ја завршиме до јуни. Секаде прво се градат објекти, па потоа се инвестира во сервисни ули­ци и во пристапни патеки", рече Коневски.
Тој нагласи дека нема потреба да се стопира изградбата на водниот парк по­ра­ди изградбата на улицата, која ќе биде готова наскоро.
На­у­мов­ски неодамна се откажа од изградба на голем аквапрак поради из­град­ба­та на аквапаркот во СЦ "Борис Трајковски".
Тој сега планира да гради само само два базена, мрзлива река и спортска са­ла. На поголемата парцела, пак, останува изградбата на по­ве­ќе­на­мен­ска спортска сала и на отворени спортски терени.
(М.Ѓ.)

http://www.vest.com.mk/default.asp?ItemID=1AF70C950EFA13499138B0E35CD64311&utm_source=daily.mk

МАКЕДОНИЈА | 6. JANUARY 2013 - 15:35

Поставен камен-темелникот на Градскиот аква парк во СРЦ „Биорис Трајковски“



Премиерот Никола Груевски и директорот на СРЦ „Борис Трајковски“ Ратко Капушевски денеска го означија почетокот на градбата на Градскиот аква парк, објект кој ќе биде во состав на Спорсткиот центар. Пректот вреден 4,2 милиони евра, кој е дел од Програмата на Владата на Република Македонија, треба да биде завршен до почетокот на летово.

На површина од 12.000 метри квадратни треба да се изградат 10 тобогани, базен за деца, базен со бранови, мрзлива река, административна зграда со ресторан, кафе бар, санитарни јазли, соблекувални и прва помош. Под објектот ќе има стандардизирани машински сали и современ систем за филтрација на водата.

Аква паркот е проект на фирмата Темон, а изведувачи на градежните работи ќе бидат Полин од Турција, компанија која има реализирано преку 2.000 аква паркови ширум светот, како и Жикол од Струмица и Електроунион од Скопје.

- Ние создаваме и градиме и ќе продолжиме да градиме. Делата се она по што се мериме, тие остануваат, се вреднуваат и се гледаат. Од нашите дела корист имаат сите граѓани на Република Македонија. На ова место, непосредно до Спортскиот центар „Борис Трајковски“ за неколку месеци ќе биде изграден уште еден уникатен објект за забава и релаксација со културни, трговски, едукативни и спортски содржини. Аква паркот ќе претставува вистинска атракција за жителите на Карпош и на Скопје, но и пошироко за сите домашни и странски туристи, рече премиерот Груевски во своето обраќање.

Владата, додаде, продолжува со реализација на сите капитални проекти кои се од големо значење за граѓаните. Продолжуваме да инвестираме во спортските капацитети во кои се вбројуваат и изградбата на 185 спортски сали, 50 фудбалски игралишта, 100 тениски терени, 100 повеќенамеснки игралишта, во здравството, образованието, инфраструктурата, земјоделството,...

- За жал има и такви кои ги оспоруваат овие објекти, но тоа нема да не поколеба, бидејќи тоа се објекти и проекти кои илјадници граѓани ги користат. Нашиот патоказ и мотив се граѓаните и нивните потреби, потенцира Груевски.

Директорот Капушевски истакна дека се очекува инвестицијата од 4,2 милиони евра потребна за изградба на Аква паркот, објект, кој како што кажа, дваесетина години му недостасуваше на Скопје да се врати назад за шест до 10 години.

- Иако е светска економска криза и време кога се крати на трошоци успеавме да обезбедиме средства за изградбата на оваа капитална инвестиција која не е луксуз, туку има повеќе позитивни аспекти меѓу кои и фактот дека во неговата изградба ќе бидат вклучени преку 200 работници и бројни компании кои ќе имаат пласман на своите производи. Најважно од се е рекреативната форма на ова јавно добро кое е достапно во летната сезона кога децата се на распуст и кое ќе претставува социолошка бариера во ова време на пороци во форма на рекреација и забава, рече Капушевски.

Додаде дека Аква паркот ќе биде летна атракција во Скопје достапна за сите граѓани и оти ќе биде директен импут за развој на туризмот и локалниот економски развој на општина Карпош, а ќе овозможи и сезонско вработување за 35 лица со лиценци за спасување.

http://sitel.com.mk/node/53290

Edited by HugoGoulding - 06-Jan-2013 at 16:47

ми се чини дека овој простор беше најзанемарен во цело Скопје

Во Аеродром...

navecer go zatvaraat i od sabjle e zatvoren popladne kaj 5 go otvaraat za tie sto treniraat tuka i posle pak go zatvaraat a maliot bazen ke raboti preku cela zima ama zabe zosto prostoriata e mnogu ladna.a inace negde na 10 dekemvri ke go ispraznat i posle mesec dena nema da raboti.
xnx ne si vo pravo za kartite sekoj den se prodavaat mn kaarti i za koga e otvoreno plivanje a i site sto se vo klubovite moraat da plakaat.

pocna zimskata sema vo olimiski a za brzo vreme i vo bazenot vo karpus,sto znaci vo skopje pak nema da ima bazen preku zimata

Се гради покривот на затворениот базен

Се поставува кровната конструкција на затворениот базе, кој повеќе од 10 месеци се гради покрај спортската сала во Куманово.

 Градоначалниот Зоран Дамјановски денеска го обиколи градилиштето, за присуствува на подигање на чатијата и лично да се увери како се одвиваат градежните работи.

- Се надевам дека до крај на годината ќе биде завршена кровната конструкција, ќе се оформи карабината и ќе се отпочне со поставување на фасадата, машинските делови и решавање на автоматиката. Тука се советниците, општинската администрација, сите кои на некој начин придонесоа овој проект да го види светлото на денот. До сега беа присутни и претставници од нашите братски градови, идејата и проектот за Затворениот  базен се пресликани, иницирани од Бања Лука и Сарајево, а градоначалникот пријател од Бања Лука, дојде да даде сугестии и евентуална поддршка во однос на она што е непознато во обработка на водата и тоа ќе го користиме, нивното искуство, нивните технологии како најадекватно решение за овој наш објект - изјави Дамјановски.

Досега за базенот се потрошени околу 50 милиони денари, а тоа е третина од средствата кои ќе се вложат. Дамјановски рече дека во услови на криза ова е голема инвестиција за градот. Целта на локалната самоуправа е во состав на комплексот да има и Аква парк.

Izvor: Kumanovo news, http://www.kumanovonews.com/vesti/ekonomija/se-gradi-pokrivot-na-zatvoreniot-bazen.html

Аква паркот во Скопје готов до април 2013 година

Скопје ќе добие голем аква- парк до година кој ќе се изгради во рамките на спортскиот центар `Борис Трајковски`.

Изградбата ќе биде финансира од државниот буџет и ќе чини околу 4,3 милиони евра.

`Аква паркот ќе се гради на површина од 12.000 квадрати, ќе има 10 тобогани, „спејс бол“ бумеранг, „мулти слајд“. Ќе има и  ресторан „Мекдоналдс“ или „Бургер кинг“. Идејното решение за аквапаркот е на „Темон инженеринг“, рече директорот на СЦ `Борис Трајковски`, Ратко Капушевск

Договорот за изведба е веќе склучен и со него се предвидува градбата да биде готова до април 2013 година, а само еден месец подоцна ќе биде отворен за посетителите.

http://sky.mk/republika/32489-%D0%90%D0%BA%D0%B2%D0%B0-%D0%BF%D0%B0%D1%80%D0%BA%D0%BE%D1%82-%D0%B2%D0%BE-%D0%A1%D0%BA%D0%BE%D0%BF%D1%98%D0%B5-%D0%B3%D0%BE%D1%82%D0%BE%D0%B2-%D0%B4%D0%BE-%D0%B0%D0%BF%D1%80%D0%B8%D0%BB-2013-%D0%B3%D0%BE%D0%B4%D0%B8%D0%BD%D0%B0.html