Сончев Град

Општина Сопиште - Градежно земјиште  

Во февруари 2007 Советот на општина Сопиште го усвои нацрт - урбанистичкиот план за локалитетот Сончев град. Следна етапа беше објавување на тендер на кој победник беше израелската компанија Industrial Buildings Corporation (IBC).
Вредноста на овој проект чија градба би требало да трае четири години изнесува 125 милиони евра и претставува еден од најкрупните инвестициски зафати и тоа на државно ниво. Околу 80% од содржините во нацрт- планот отпаѓаат на стамбени објекти, од кои повеќето се индивидуални. Останатиот дел се јавни објекти и делови останати како градежни парцели.
Урбанистичкиот план е поделен во четири блока:
- Блок 1 - исклучиво наменет за домување
- Блок 2 - објекти за домување и објекти за јавни функции
- Блок 3 - објекти за домување и спортски објекти
- Блок 4 - објекти за домување и спортско- рекреативни објекти.
Самиот локалитет се простира на југоисточната страна на планината Водно над селото Сопиште. Една од идеите е и изградба на сончева колекторска мрежа за дополнително снабдување на месноста со електрична енергија.
Во рамките на локалитетот има над 770 локалитети. Формата на парцелите е правоаголна или квадратна и дава можност за дуплекси и самостојни објекти. Големината на парцелите во просек е од 500 до 700 м2 а најмногу до 1.000 м2. Локалитетот Сончев град зафаќа површина од околу 130 хектари. Од аспект на урбанизмот ова практично ќе биде високо урбанизирана населба.