Нова ограда на мост Гоце Делчев

Јас се сложувам дека тогаш не требало да се срушат објектите Официрски дом, Театарот и Народна Банка. Но сите овие објекти биле изградени во доцните 20 и 30ти години од минатиот век, далеку од тоа дека биле најстарите објекти во Скопје. Патем била срушена и еврејската синагога која што била постара од сите 3 претходно споменати објекти, и целото Еврејско маало. Но да го споредуваме предземјотресно Скопје ос Дрезден или Берлин после втората светска војна е бесмислица. Па кој и малку ја читал и проучувал историјата на Скопје знае дека градот бил обична турска касаба до почетокот на 20тиот век. За ова говори и Крлежа во своите хроники од Скопје кој во тоа време бил пограничен град во Отоманската империја полн со воени гарнизони и проститутки. Градот кој некогаш бил еден од најголемите на балканот бил запален и десеткуван од Пиколомини во 17 век и од тогаш па се до крајот на 1 светска војна во него немало никакви значајни објекти какви што вие се обидувате да му наметнете. Значи оној романтизам по предземјотресно Скопје се темели на 4-5 срушени објекти кои биле изградени во 20тите години на претходниот век, и тогаш биле стари максимум 40 години. Ајде побијте ме со објекти и година на изградба ако грешам.