„Владата за реализација на овој проект веќе обезбеди средства во висина од 3 милиони евра. Изградбата ќе се реализира преку Спортскиот Центар Борис Трајковски. Основниот и изведбениот проект е веќе подготвен, а јавната набавка е во тек. Изборот на најповолен понудувач на градежните работи ќе биде на 15 Мај. Проектот го изработи Темон инженеринг. Доколку се обезбеди одобрението за градење очекуваме да Аква Паркот биде готов на 15-ти Август оваа година“ - беше соопштено на презентацијата денес.

„Процедурата за промена на Детален урбанистички план чии ингиренции се на општина Карпош ги помина скоро сите процедури. Помина јавната анкета која ја распиша советот на општина Карпош, а позитивно мислење дадоа сите релевантни институции како град Скопје, министерството за животна средина и министерството за транспорт и врски. Ветено ни беше дека на следната седница на советот на општина Карпош која е закажана за петок 27-ми Април, деталниот урбанистички план ќе биде на дневен ред, но имаме информација дека планот за проширување на гредежната парцела на СЦ Борис Трајковски каде ќе треба да се градат 4 тениски игралишта од проектот 100 тениски игралишта на Агенцијата за млади и спорт и градскиот Аква Пaрк не се на дневен ред“, изјави Ратко Карпушевски, директорот на спортскиот центар Борис Трајковски.

„Сакам да ја информирам јавноста дека сите дејствија за реализација на оваа капитална инвестиција се спроведени и дека истата нема да се реализира доколку Општината Карпош нема волја за спроведување на овој проект... Аква паркот ќе биде на задоволство за дечињата од Центар, од Карпош, од Ѓорче, Гази Баба, Аеродром, за граѓаните од внатрешноста на државата како и за сите странски посетители на Македонија. Ова јавно добро ќе биде придонес за развој на нашите деца со корисни социјални тенденции и ќе биде придонес да нашите млади бидат на страна од пороците. Аква паркот, доколку се изгради, ќе биде за луѓето на Македонија и ќе постои долги години кога нема ниту јас да бидам директор на Спортскиот центар Борис Трајовски, ниту советот на општина Карпош ќе биде во постоечкиот состав“, додаде Карпушевски.

http://www.time.mk/read/de1feb0e9c/ee804fd2fa/index.html