[А1] Табановце - Богородица

Од автопатот Александар Велики само името е велико

Мишко Иванов	Коментари (15)

Дупки и крпеници - ова е сликата со најголем дел од магистралните патишта низ земјата. Инвестиции во инфраструктурата речиси и да нема, иако беа најавени.

Автопатот Велес - Скопје, се наоѓа во очајна состојба.

„Гледај дупки, катастрофа, џабе пари ни земаат“, вели граѓанин.

Оваа магистарала, ја снимивме и во 2008 година. Денес затекнавме уште полоша слика. Дупките се претвораат во кратери.

За овој автопат граѓаните плаќаат патарина, но се револтирани велат како да возиме по црн пат.

„Катастрофа е, треба да се реновира, дупки има многу“,

- Никако ги искршивме возилата, а патарините скапи“,

- Ако се рачуна ова дека е автопат и што плаќаме патарини мислам дека е џабе што плаќаме“, рекоа граѓани.

5 нивоа имаат критериумите на Светска банка за состојбата на патиштата. Многу добра, ако на патиштата има од 0 до 1 ударна дупка на 1 км, добра од 1 до 3 дупки, средна од 3 - 4, лоша од 4 - 5 дупки и многу лоша, ако на патиштата има над 5 ударни дупки на 1км. Според овие критериуми автопатот Велес - Скопје е во многу лоша состојба.

Автопатот Велес - Скопје сепак е дел од коридорот 10, ја поврзува Македонија со Европа. Има големо име, Александар Велики. Но, изгледа на оваа магистрала само името е големо. Се друго, особено патот само што не заличел од времето на Александар Македонски.

На магистралата Битола - Ресен зимава, свлечиште овде однесе две коловозни ленти. Пропаднаа до еден метар длабочина.

„5 души да застанат за една недела ќе го направат“,

- Таму не е чепнато ништо, како што стоеше така и остана“, велат граѓани.

Делницата Битола - Ресен се уште не се користи, освен на сопствен ризик. Сега сообраќајот е пренасочен по стариот пат. Екипи на терен за да го санираат овој магистрален пат, не регистриравме. Во ваква состојба оваа делница стои уште од февруари.