Зграда за јавна администрација и ФДУ

Дејв премногу некако идеологизирано разговараш со мене како да незнам што ти реков, некако оптеретен си, настапуваш со априори став дека сум рекол нешто што не сум само зашто се обидуваш да ме сметиш во еден од кошевите што си ги имаш зацртано.

Баш истото што го кажа и се случува, административните објекти се групираат. Македонија после којзнае колку години прв пат дби некакво природно групирање на објекти по дејност со она мало комплексче од неколку управи на банки на Максим Горки. Добро има и три комплекси факултети низ Скопје, збориме за формирани од поново време.

Значи аман никој не фрлил бомба, збор е. Затоа и го стаив во наводници кога го употребив. Знаеме на што се мисли немор така да се реагира. Ниту требаше да има навредлива намена ниту да биде дел од спамерски пост. Баш и ме зачуди што реагираше, особено што во некој позитивен контекст ги спомнав тие згради.


Edited by lslcrew - 07-Oct-2011 at 15:08

Па уствари незнам што има разлика од досегашните коκтели. Однодно коктелите и не се толку проблем и бројноста на иституциите што се во нив, проблем може да биде, односно може да дискутираме за мешовитоста колку е можна на инσтитуции од различен тип, на пример образовни со оние на системот за прогон. Институциите особено во вакви мали и често променливи системи во држави како Македонија до сега има те вакви те онакви инстуитуции, едни се формираат други се распуштат, така да треба зградите да си ги планираме за подалекусежни намени. Тоа јас порано и го критикував зашто "комунистичките" згради па беа целосно од тој еден исти тип ходник од страна канцеларии некој атриум и така на лента, вака од дистанца кога ќе видам и бил практичен ама па претеран. Институции на кој може да им се дадело зграда која ќе ги одбележи не им се дало, така да ниедна крајност не е добра. Затоа кога станува збор за ваков сплет од треторазредни институции и не треба нешто особено да се води сметка освен да се добие деловен простор, нормално за функционалното решение збориме не за естетското кое друга приказна, мене ме збунува ова за секоја посебен влез, што ќе правиме утре со нив, како ќе ги уклопиме.

Да бидеме објективни и директни уште додека не сме почнале со жестока дискусија, фасадата што е во план нема да се смени (за тие што би сакале да се смени) ако сега оспоруваме зашто се 13 или колку и да се институции под иста капа, да дебатираме за она што може и треба да се дебатира зашто идејќи на квантитет "контра" аргументи само ги деградираме дискусиите, а и легитимитет се губи. Прво, се е подобро од оваа ситуација барака-држава, и второ прашањето е што бара Драмски Факултет меѓу ваков склоп од институции. Како и прашањето што погоре го наметнав, зашто се гради според една привремена распределба на иснтитуции која за кратко време ќе се модификува барем во делот на една од тие институции.


Edited by lslcrew - 07-Oct-2011 at 03:44

до краЈот на октомври темелник за ОСУМKАТНИЦА KАЈ ХРАМОТ „ПРЕСВЕТА БОГОРОДИЦА“

Актерите ќе се селат од бараки во зграда

ФДУ ќе биде дел од административната зграда, чија изградба ќе почне до крајот на октомври, и во која ќе се преселат уште 10 државни институции како УЈП, Агенцијата за планирање на просторот, Дирекцијата за спречување перење пари, Државниот девизен инспекторат и други

Покрај Вардар, во околината на црквата „Пресвета Богородица“ до крајот на октомври ќе почне изградбата на административната зграда во која ќе бидат сместени 10 државни институции, како и новите простории на Факултетот за драмски уметности (ФДУ). Студентите на овој факултет, а и вработените, со децении функционираат во привремени бараки, подарени по земјотресот, а и расфрлани на неколку локации во Скопје.

Објектот готов за 20 месеци

Kога објектот ќе биде готов, во него ќе се преселат Бирото за судско вештачење, дел од Управата за јавни приходи, Агенцијата за планирање на просторот, Дирекцијата за спречување перење пари, Државен девизен инспекторат, Државниот завод за индустриска сопственост, Националната агенција за европски образовни проблеми, Бирото за регионален развој, Технолошки индустриски зони, како и Агенцијата за цивилна воздушна пловидба. Секоја од институциите ќе има посебен влез.

Службата за општи и заеднички работи во Владата на Македонија веќе распиша оглас за избор на фирма која ќе го гради објектот.

- Изборот е во тек, а најповолната понуда се очекува да биде избрана за две недели, а наскоро треба да добиеме и одобрение за градба од Општина Центар - изјави Васе Доневски, директор на Службата за општи и заеднички работи.

Околу деталите за објектот, информираше дека ќе биде со површина од 24.000 квадратни метри, на седум ката плус потпокрив, а паркирањето ќе биде решено со подземна гаража на две нивоа со капацитет за 130 возила. Инвеститорот, според договорот, има обврска да ја заврши градбата во рок од 20 месеци.

Плоштад пред црквата „Пресвета Богородица“

Директорот Доневски не откри колку ќе чини изградбата на објектот, со образложение дека тоа ќе биде познато откако ќе заврши тендерот за избор на најповолен изведувач.

Урбанистичкиот план за локалитетот „Пресвета Богородица“ ги решава и барањата на Македонската православна црква, за содржините околу православниот комплекс. Па така, зад храмот се предвидени библиотеката на МПЦ во која ќе се чуваат нивните вредни книги, крстилница и простории за богослужителите на црквата. Во предниот дел, кон реката Вардар ќе биде седиштето на МПЦ и официјалната резиденција на архиепископот охридско-македонски.

Пред самата црква, како што објаснија надлежните од Општината Центар, се подготвува проект за плоштад, кој ќе се простира до самата река Вардар. Kомуникацијата со другата страна на реката ќе биде решен со пешачки мост.

http://www.dnevnik.com.mk/?ItemID=83C4A3B0CA667644ABC23B12B4EE759F

Скопје 2014-та се шири

петок, 01 април 2011, 17:41

Барокот низ Скопје и дефинитивно се шири надвор од проектот 2014-та. Службата за општи и заеднички работи на Владата распиша тендер за изградба на новата зграда за Јавна администрација и Факултетот за драмска уметност. Парцелата, според Деталниот Урбанистички План на о. Центар, се наоѓа во опкружувањето на црквата Св. Богородица- локација која ја немаше во 3д анимацијата на проектот Скопје 2014-та.

Одлуката да се гради на локацијата значи дека ќе мора да се урнат и старите куќи на парцелата, што според првиот човек на СОЗР Васе Доневски е завршена работа.

- „ Што се однесува до старите објекти извршени се сите процедури за експропријација. Имаме согласност од сите засегнати.“- изјави меѓу другото Доневски.

Според објавата и ДУП- от, објектот ќе гледа кон зградите на Македонската Опера и Балет и новото МНР. Неговата максимална висина е 29 метри односно 7 ката со поткровје, на основа од 2126 метри квадратни.

Според Деталниот урбанистички план, покрај црквата Св. Богородица има место уште за неколку згради. Дали и тие ќе бидат во барок стил, засега не се знае. Но како и за остатокот на проектот 2014-та, има место за споменици и фонтани.

Зградата за Јавна администрација и Драмскиот Факултет беше проблематична за дел од архитектите уште за време на изработката на идејното решение. Нејзината намена според ДУП-от е за државни институции, што според правилникот за стандардите и нормативите за урбанистичко планирање не дозволува во неа да има и образовни институции. Од Владата сметаат дека тоа не е пречка.

http://vesti.alfa.mk/default.aspx?mId=36&eventId=35527

Едвај една поширока вест..

... Деканот Кирил Ристевски, истакна дека веќе се работи на изградба на нов објект каде ќе биде префрлен факултетот. http://www.kurir.mk/makedonija/kultura/3914-Dramski-ke-sozdava-magistri