Capitol Mall & Residence - Аеродром

http://vecer.com.mk/?ItemID=389739FC12256E419D5EE81F72DAF672

СПРОТИ ТЦ БИСЕР

Наместо скали - модерен трговски центар

Вкупната површина на локацијата е околу 60.000 метри квадратни. Површината за градење, пак изнесува околу 30.000 метри квадратни, додека на останатиот дел се планира да има и зеленило и паркинг

На просторот спроти Трговскиот центар Бисер во населбата Јане Сандански ќе се гради нов деловно-комерцијален објект, со површина од 30.000 квадратни метри и висина од 25 метри. Според надлежните во Општина Аеродром ваков објект е предвиден согласно Деталниот урбанистички план за оваа населба кој е пред усвојување во Советот на Општина Аеродром. Од вчера започна и уривањето на скалите и платформата кои се наоѓаат на постојната локација.

-Според маркичката во ДУП-от вкупната површина на локацијата е околу 60.000 метри квадратни. Површината за градење, пак изнесува околу 30.000 метри квадратни, додека на останатиот дел се планира да има и зеленило и паркинг. Инаку, урбанистичкиот план предвидува објектот да има максимална висина од 25 метри, објаснуваат во Општина Аеродром. Оттаму додаваат дека нивната обврска е овој простор во наредните десетина дена да го расчистат.

Во Министерството за транспорт и врски, пак, потврдуваат дека веднаш по расчистувањето на локацијата ќе биде распишан и тендер за најповолен понудувач, кој ќе се избере со јавно наддавање.
-Тој ќе предложи и проект за изгледот на објектот. Инаку, во договорот што ќе биде склучен со новиот сопственик ќе биде утврден и точниот рок за отпочнување на негова изградба, велат во Министерството.
Инаку, според општинските власти, со ДУП е предвидено преку булеварот "Јане Сандански" да се изгради пешачки премин, надземен или подземен, со кој би се решил проблемот со густиот сообраќај и преминувањето на пешаците.



Edited by Cloverstack - 16-Feb-2008 at 02:51

Се слагам со Clover i lslcrew. Надземен, пограндиозен премин. Ако не се лажам едно време од другава страна требаше да се прави нешто симетрично на Бисер, значи пак во форма на полукруг. Надземниот премин требаше да биде "дупли" т.е. да ги спои полукруговите од двете страни. Во средина требаше да има и некаква кула со обзервациона платформа. Идејново решение циркулираше пред 7-8 години, веројатно можам да го ископам од некаде (имав мало рендерче) ама 100% до сега 100 пати им се смениле плановите. 

Абе да, дефинитивно треба нешто поопфатно, ако ништо друго за подобро да ги поврзува сите работи што реално треба да ги поврзе. Јас дури мислам дека и Бисер е глупо изграден во тој поглед, затоа што најдобро би било тој премин да оди директно од едниот до другиот комплекс, со „излези“ за на тротоар и за на средина (каде би имало ЛРТ станица). Ама како што е направен Бисер, не верувам дека може да се изведе една таква варијанта... За жал изгледа дека тоа ќе треба да е расцепкано.

Патем кажано не ми е јасно каде брзаат со рушењето... Мислам дека за Бисер ништо не се рушеше, туку истиот тој дел влезе во проектот. Е сега ако има измена на оргиналните планови, тогаш е во ред, ама сепак прво нека најдат инвеститор, па после нека рушат, тоа не е некоја филозофија.

Тоа е Бул. Јане Сандански. И мислам нема никаква потреба да се спушта за да се прави пешачка зона (плус би било проблематично зашто сегментот е краток, па на семафор сосема непотребно би се чекало на угорница).

Во секој случај „проблематичноста е второстепена, сепак мислам дека нема потреба од такво нешто. Надземен премин би бил сосема задоволително решение (ама ништо слично на Влајко )

Јако ќе биде тука еден опасен голем премин кој ќе ги поврзува двата трговски. Нешто како влајко може да се уклопи. Само напред.