Сончев Град

шпиц ја отвори темата со патот на водно, таму јасно стои дека патот тргнува од средно Водно, нема зошто да се сомневаме во искажаните факти....мене само ме мачи мислата које е во право Грчев или Агенцијата за планирање на просторот, односно дали повторно се случува дивоградба?????

ГРАДОТ СЕ ПРОТИВи НА НАЈАВИте ЗА СООБРАЌАЈНИЦА ВО ПАРК-ШУМАТА

Новиот пат до Сончев град ќе го уништи Водно

Изградбата на овој пат, кој треба да ја поврзува идната населба Сончев град со Скопје, ќе ја зголеми опасноста од пожари, аерозагадување и од порои, а ќе се зголеми и бучавата

Градот Скопје и претпријатието „Паркови и зеленило“ жестоко се противат да се уништи дел од заштитениот појас на Водно за да се изгради нова сообраќајница што треба да ја поврзува идната населба Сончев град со градот. Ако во заштитениот појас на Водно се исечат дрвја за да се изгради нова улица, тоа ќе значи влошување на состојбата на парк-шумата и нејзино загадување, сметаат од јавното претпријатие. Улицата треба да биде долга 2,5 километра, ќе се надоврзе на постојниот пат на Водно, а ќе се гради со 700.000 евра од Фондот за патишта. Од Министерството за транспорт и врски велат дека теренот во шумата веќе се снима, по што се очекува да биде одредена точната траса што треба да ги спои северната и јужната падина на планината. Од Градот потенцираат дека градоначалникот Костовски својот став за заштитата на Водно од нови сообраќајници го потврдил на две работни средби, кои биле организирани по повод изградбата на патот.

- Со Одлука на Советот на Град Скопје, Водно е прогласено за парк-шума и заштитено подрачје, што е уште еден аргумент повеќе за негативниот став на Градот за  изградба на патот - велат во градското Одделение за односи со јавноста.Од „Паркови и зеленило“ се децидни дека изградбата на овој пат навлегува во заштитениот простор на парк-шумата Водно, која е од големо значење за граѓаните на Скопје.

- Со изградбата на овој пат ќе се влоши еколошката состојба на паркот Водно, а со тоа и во самото Скопје. Ќе се зголеми опасноста од шумски пожари и аерозагадувањето во парк-шумата, ќе порасне нивото на бучава и ќе се зголеми опасноста од порои од источната страна на Водно - велат во „Паркови“.Од Министерството за транспорт и врски информираат дека патот ќе се гради согласно со Годишната програма за изградба и реконструкција на магистралните и регионалните патишта во Македонија за 2008 година на Фондот за магистрални и регионални патишта.

- Станува збор за регионалниот патен правец Р-303 со вкупна должина од 2,5 километра, кој е предвиден да ги поврзува улицата Салвадоре Алјенде и регионалниот патен правец Р-302. Со тоа ќе се овозможи поврзување на градот Скопје со населените места Сопиште и Долно Соње - изјавија од Министерството.Населбата Сончев град треба да ја гради израелската компанија ИБЦ на површина од 640.000 квадратни метри. Предвидено е да се изградат 600 куќи и 11 згради за околу 6.000 луѓе. Нејзината изградба требаше да почне пред шест месеци, но се' уште е закочена, бидејќи жителите од Патишка Река не го даваат локалниот извор за изградба на водоводен систем за новата населба.

Јорданка Ивановска