ZEMJI SO NAJGOLEM OBEM NA RAZMENA SO REPUBLIKA MAKEDONIJA, JANUARI-JUNI 2011 GODINA
COUNTRIES WITH THE HIGHEST VOLUME OF COMMODITY EXCHANGE WITH THE
REPUBLIC OF MACEDONIA, JANUARY-JUNE 2011
- Prethodni podatoci / Preliminary data -
po tekoven kurs daily exchange rate
Zemja
Obem vo
000 SAD $
Volume in
000 US $
Struktura
Structure
Izvoz vo
000 SAD$
Export in
000 US $
Struktura
Structure
Uvoz vo
000 SAD$
Import in
000 US $
Struktura
Structure
Pokrienost na
uvozot so izvoz
Import coverage
by export
Country
VKUPNO 5 498 509 100.0 2 099 505 100.0 3 399 004 100.0 61.8 TOTAL
Germanija 973 881 17.7 611 482 29.1 362 399 10.7 168.7 Germany
Srbija 391 342 7.1 155 004 7.4 236 338 7.0 65.6 Serbia
Velika Britanija 376 691 6.9 23 855 1.1 352 835 10.4 6.8 Great Britain
Rusija 374 297 6.8 22 468 1.1 351 828 10.4 6.4 Russia
Bugarija 364 819 6.6 156 206 7.4 208 614 6.1 74.9 Bulgaria
Grcija 362 633 6.6 102 463 4.9 260 170 7.7 39.4 Greece
Italija 335 123 6.1 133 673 6.4 201 450 5.9 66.4 Italy
Kosovo1) 261 553 4.8 243 262 11.6 18 291 0.5 1330.0 Kosovo1)
Kina 204 060 3.7 44 175 2.1 159 886 4.7 27.6 China
Turcija 203 840 3.7 37 553 1.8 166 286 4.9 22.6 Turkey
Hrvatska 139 713 2.5 76 439 3.6 63 273 1.9 120.8 Croatia
Slovenija 138 546 2.5 48 568 2.3 89 978 2.6 54.0 Slovenia
Ukraina 134 355 2.4 51 245 2.4 83 110 2.4 61.7 Ukraine
[vajcarija 94 134 1.7 15 794 0.8 78 340 2.3 20.2 Switzerland
Bosna i Hercegovina 84 876 1.5 43 325 2.1 41 551 1.2 104.3 Bosnia and Herzegovina
Avstrija 81 358 1.5 19 314 0.9 62 043 1.8 31.1 Austria
Holandija 77 913 1.4 44 316 2.1 33 597 1.0 131.9 Netherlands
Romanija 74 753 1.4 22 595 1.1 52 158 1.5 43.3 Romania
[panija 65 941 1.2 34 666 1.7 31 274 0.9 110.8 Spain
Francija 57 373 1.0 7 833 0.4 49 540 1.5 15.8 France

Fala
http://www.sitel.com.mk/dnevnik/biznis/embargoto-srbija-kosovo-nosi-kar-za-makedonija

Соопштението е од областа: Индустрија


Индекси на индустриското производство

петок, 29 јули 2011

Според податоците на Државниот завод за статистика, индексот на индустриското производство во јуни 2011 година, во однос на јуни 2010 година, изнесува 98.2.

 

Гледано по сектори, индустриското производство во секторот Рударство и вадење на камен во јуни 2011 година, во однос на јуни 2010 година, бележи опаѓање од 2.8%, во секторот Преработувачка индустрија бележи пораст од 3.4%, а во секторот Снабдување со електрична енергија, гас, пареа и климатизација опаѓање од 33.5%.

 

Според главните индустриски групи, производството во јуни 2011 година, во однос на јуни 2010 година, бележи пораст кај Капитални производи за 17.6%, Трајни производи за широкапотрошувачка за 139.8% и Нетрајни производи за широка потрошувачка за 11.4%, додека кај Енергија бележи опаѓање за 45.7% и кај Интермедијарни производи, освен енергија опаѓање за 3.6%.

 

Индексот на индустриското производство во периодот јануари - јуни 2011 година, во однос на периодот јануари - јуни 2010 година, изнесува 109.2.

http://www.stat.gov.mk/PrikaziSoopstenie.aspx?rbrtxt=1

Здравје Радово отвора трета млекарница во Македонија

Маја Бајалска-Георгиевска

Јован Дабевски, генерален директор и сопственик на Здравје Радово

За околу еден месец компанијата Здравје Радово ќе отвори трета млекарница во Македонија, инвестирале 3 милиони евра и ќе вработат 20 луѓе. Генералниот директор на Здравје Радово, Јован Дабевски, во интервју кое во целост ќе биде објавено во најновиот број на магазинот “Капитал“ зборува за новата инвестиција и за состојбите во македонската млечна индустрија

За околу еден месец компанијата Здравје Радово ќе отвори трета млекарница во Македонија, во која ќе се произведуваат трајно млеко, пудинзи, сутлијаши и млечни напитоци со различни вкусови. Во новиот производен погон сопствениците инвестирале 3 милиони евра и ќе вработат 20 луѓе. За три години оваа фабрика на Здравје Радово треба да преработува 50.000 литри млеко дневно, што ќе биде 55% раст на вкупната количина млеко од 90.000 литри дневно, која сега двете фабрики ја преработуваат.

Здравје Радово, која е втора по големина млекарница во Македонија, минатата година ја завршила со вкупни приходи од 15 милиони евра и повеќе од 2 милиони евра добивка. Генералниот директор, Јован Дабевски, во интервјуто за изданијата на Капитал Медиа Груп, кое во целост ќе биде објавено во петок вели дека секоја година производството на компанијата расте во просек околу 15% и така планираат да продолжат и понатаму. Од вкупната продажба 20% се извезува на пазарите во Србија, Косово, Црна Гора, Босна и Херцеговина и Хрватска. Иако, како што вели Дабевски, производите на Здравје Радово во Белград, Подгорица и Приштина добро ги знаат, желбата на менаџментот е компанијата да продолжи да се шири на балканските пазари, затоа што македонскиот пазар е мал и нема доволно суровина за преработка. Дабевски не крие дека размислува за аквизиција или инвестиција во нова млекарница на соседните пазари, со цел посилно позиционирање на Балканот.

“Не се носиме од идејата дека мора да извезуваме на американскиот пазар или во Канада и да прескокнеме една цела низа пазари, туку дека пред се треба да извезуваме во нашето опкружување. Во моментот кога ќе ги освоиме овие пазари од Југоисточна Европа, ако имаме уште количини би оделе еден чекор понатаму - во ЕУ, а дури потоа на подалечните пазари. Сметаме дека сега с$ уште можеме да растеме на пазарите во соседството, а ако анализираме по држави, во Србија, Црна Гора и Косово сме навистина препознатлив бренд”, вели Дабевски.

Тој вели дека Сведмилк предизвикал вистинска дисторзија во македонската млечна индустрија пазарот.

“Мислам дека случајот премногу се експонираше и се искористуваше и во политички цели. Јас никогаш не би убедувал фармер да земе кредит и да му потпишам договор дека ќе му го плаќам млекото по цена двапати поголема од светските цени. Тоа беше “суперприказна”. Но, кога ги натераа луѓето да влезат во тој бизнис, престанаа да им го плаќаат млекото. Ако се анализира случајот Сведмилк, мислам дека целата работа премногу се третираше медиумски, пред сe, поради тоа што се очекуваше дека со нејзиното доаѓање многу ќе се подобри млекопроизводството. Но, тие очекувања беа погрешни”, смета Дабевски објаснувајќи дека е голема заблуда верувањето кое постои во Македонија дека зголемената конкуренција со нови млекарници по дефиниција ќе ги подобри состојбите во млечната индустрија.

“Најважно е секоја млекарница да гради здрави односи со фармерите. Тогаш ќе има општ раст на производството”, вели Дабевски.

http://www.kapital.com.mk/mk/dneven_vesnik.aspx/71740/zdravje_radovo_otvora_treta_mlekarnica_vo_makedonija.aspx?iId=2294

Намалена невработеноста во Куманово

Заклучно со месец јуни годинава во Куманово се регистрирани 25 597 невработени лица, од кои 17 031 живејат во градот,  а 8 566 во селските средини. Во истиот месец минатат година во Агенцијата за вработување биле регистрирани вкупно 27 136 невработени лица.

Според податоците на Агенцијата во јуни бројот на невработени лица во земјава изнесувал 311.374 лица.

http://www.kumanovonews.com/vesti/dnevni-vesti/namalena-nevrabotenosta-vo-kumanovo.html

Мети прави 19% од македонскиот извоз

Извозот расте побрзо од увозот

Во првите пет месеци годинава вкупната трговската размена на Македонија со странство достигна 4,568 милијарди долари, што е раст од 43,6% во споредба со првите пет месеци минатата година. Извозот кој во првите пет месеци изнесуваше 372 милиони долари е за 47,4% поголем од извозот направцен во истиот период минатата година. За првпат после подолго време извозот расте повеќе од увозот, кој во првите пет месеци е зголемен за 41,5%.Растот на извозот главно се должи на зголемениот извоз на хемиски производи, во кои главно влегуваа катализаторите произведени од Џонсон Мети, кој за само една година работење создава 19% од македонскиот извоз.

http://www.kapital.com.mk/MK/magazin.aspx/71302/meti_pravi_19_od_makedonskiot_izvoz.aspx?iId=2279

Се менува структурата на надворешната трговиЈа

Платината го потисна црното злато

Две фирми ја испревртеа досегашната монотона слика за трговската размена на Македонија со странство. Доволно беше „Џонсон Мети“ и „Џонсон контрол“ да почнат да работат под полна пареа и нивното производство да влезе во статистичките обработки, па извозот на катализатори и увозот на платина и легури на овој благороден метал неопходен за производство на автомобилските делови, да се искачат на врвот на скалата на најтргувани производи, наместо нафтата, металите, автомобилите... Истовремено, Велика Британија стана еден од трите наши најзначајни надворешно-трговски партнери, за разлика од досега, кога котираше прилично пониско. Ваквите показатели во размена за првите пет месеци од една страна покажуваат колку нашето стопанство е неразвиено, но од друга, дека полека се менува структурата кон производи со повисока додадена вредност.



Дефицитот стара болка

Меѓутоа, и натаму останува старата болка трговскиот дефицит да е голем, дури 1,1 милијарда долари за петте месеци од годинава, со тенденција до крајот на годинава да достигне рекордни 2,5 милијарди долари. Радува зголемениот обем на размена, кој во овој период изнесуваше над 4,5 милијарди долари, но во тој износ извозот изнесува 1,7 милијарди, а увозот 2,8 милијарди долари, односно покриеноста на увозот со извоз е 60,7 отсто.

- Кога една или две фирми можат да ја нарушат целата статистика, тоа покажува колку е кревко македонското стопанство и дека треба уште многу да се зајакнат конкурентските капацитети на постојните компании - вели еден економист.

Во Стопанската комора на Македонија велат дека ваквите резултати во надворешно трговската размена се должат на првите станари во слободната економска зона Бунарџик, фирмите „Џонсон Мети“ и „Џонсон контрол“ кои произведуваат катализатори за автомобилската индустрија. Првата целото свое производство го извезува во Велика Британија, што покажува зошто оваа земја наеднаш се најде меѓу најзначајните наши трговски партнери, велат во Комората.



Нема чуда

Од таму додаваат дека и на други носечки сектори на македонското стопанство им оди добро, пред се на металскиот комплекс, но и на текстилците.

Според неофицијални информации, лани додека беше во пробно производство, британската „Џонсон Мети“ извезла производи во вредност од околу 130 милиони евра, додека сега нивното производство просечно месечно вреди 40 милиони евра, што значи дека доколку продолжи да работи со истото темпо во три смени, вкупно годинава ќе достигне импресивни 500 милиони евра. Под претпоставка додадената вредност која тие ја вградуваат во нивните производи да е десет отсто (како разлика на увезените репроматеријали и извезените готови производи), произлегува дека нивниот удел во зајакнување на македонскиот нето-извоз годинава би можел да биде педесетина милиони евра, односно за толку да го зголемат домашниот бруто општествен производ. Слично е и со „Џонсон контрол“, каде исто како и во „Џонсон Мети“ се вработени околу 280-290 лица.

Но, според економистите, Македонија е уште далеку да направи целосен пресврт, па дефицитот во размената да го трансформира во суфицит.

Во Агенцијата за привлекување на странски инвестиции очекуваат и најавените инвестиции на неколку странски фирми да придонесат за такво нешто, но како што вели првиот човек Виктор Мизо, за мала земја со ограничени природни ресурси, акцентот треба да се стави кон намалување на јазот во покриеноста на увозот со извоз, и да настојуваме во сопственото производство да се преориентираме кон производи со поголема додадена вредност, наместо како што до сега доминираа суровините и репроматеријалите.

http://www.dnevnik.com.mk/?ItemID=01FF4E2A8F71C1459976685977359D6A

НБРМ: 131 милион долари странски инвестиции во март

Свето Николовски

Нивото на странските нвестиции во земјава во првиот квартал од 2011  надмина 282 милина долари, што е износ скоро идентичен со целата 2010-та година. Народна банка објави дека март бил најдобриот месец кога странските компании инвестирале  дури 131 милион долари.

Најголем износ на инвестиции, 129 милиони американски долари, пристигнал од холандски компании, следуваат британските со 38, австриските со 26, турските со 20 и словенечките со вложени 7 милиони долари.

Само во последниве 30 дена официјалниот почеток на своите инвестиции го објавија три компании :италијанската Витек, германската Кромберг и Шуберт и американската Кемет електроникс, додека во последниве 2 месеца вкупно 8 компании започнаа или пак финишираат  со своите инвестиции во земјава, меѓу кои и турски ТАВ кој што наскоро завршува со модернизацијата на аеродромската зграда  на Александар Велики.

Сите странски менаџери без исклучок нагласуваат дека Македонија е избрана како бизнис дестинација пред се поради добрата бизнис клима,квалификуваната и ефтина работна сила ,ниските даноци, солидниот образовен систем.

“Јас верувам во оваа земја и затоа инвестираме во неа“ изјави  неодамна Андреа Витило сопственик на компанијата“ Витек” од Италија.

Американскиот Кемет електроникс ја избра Македонија во најтесна конкуренција од неколку земји.
“Македонија е конкурентна земја и сметаме дека донесовме добра одлука, затоа што планираме од оваа фабрика  со електронски компоненти да ги снабдуваме нашите европски комитенти“-  вели  Пер Олоф Луф, генерален извршен директор на американскиот Кемет електроникс.

Условите што ги нуди Македонија се на нивото ,односно се подобри од јужноазиските економии и токму затоа Кемет ја лоцира својата прва европска фабрика во Македонија, објаснува Луф.

Следниве 5-6 месеци очекуваме да започнат уште најмалку 3 до 4 нови инвестиции, најави премиерот Никола Груевски. Доколку ваквиот инвестициски тренд  продолжи  се очекува  рекордно ниво  на странски вложувања, а планот за следниот  четири годишен период е привлекување на  инвестиции вредни 2 милијарди евра.

http://daily.mk/cluster3/dd4df29f88bb261df07f4596cf1eb37b/806052

Индустриското производство во април порасна за 11,8 отсто

Скопје, 27 мај 2011 (МИА) - Индустриското производство во април годинава во однос на април лани забележа пораст од 11,8 отсто, соопшти Државниот завод за статистика.

Идустриското производство во секторот рударство и вадење камен бележи пораст од 20 отсто, во секторот преработувачка индустрија од 14,7 отсто, а во секторот снабдување со електрична енергија, гас, пареа и климатизација опаѓање од 6,3 проценти.

Според главните индустриски групи, пораст на производството има кај енергијата за 12,9 отсто, интермедијарни производи, освен енергија за 4,7 проценти, капитални производи за 44,8 отсто, трајни производи за широка потрошувачка за 107 проценти и нетрајните производи за широка потрошувачка за 7,3 отсто.

Индустриското производство во периодот јануари - април 2011 година, во однос на истиот период лани, е поголемо за 13,2 проценти

http://www.mia.com.mk/default.aspx?vId=84076419&lId=1&pmId=504

Originally posted by гитардемон Како девалвацијата е алат за решавање на проблеми? Девалвацијата е најчесто последица на испуштање на уздите врз курсот. Види Аргентина во 90-тите за еден класичен пример. Девалвацијата евентуално да е корисна за Кина за да извезува многу поевтино и да ги зафркава Американците, но и тоа полека полека им се удира од глава, и затоа ренминбито ќе расте во однос на доларот. Тоа за извозни земји е алатка, ама не се многу такви земји во светот.

Да не мешаме работи: Кинеската валута не девалвирала, туку е подценета (две различни нешта). Девалвацијата, како и имањето на потценета валута, најчесто резултира со инфлација. Ова е поизразено кај девалвациите, каде знае да има и астрономски инфлации кои се погубни за економиите на самите земји (србија, зимбабве, итн.).