Мост на цивилизациите во Македонија (Мост Око)

готова е конструкцијата,ја гледав одблизу пред некоја недела,ама џабе е кога си стои така мостот недовршен.вака ни за украс не го бива,да не правиме муабет за функционалност

денес се вадеа оние жолти потпори од под мостот.дали ќе се продолжи со работа господ знае(и секако инволвираните во бизнисот)

Добро бе плаќаат некакви казни овие фирмиве кои не ги почитуваат договорите или..???

http://www.vesti.alfa.mk/default.aspx?mId=36&eventId=54926
 

Мостот „Око“ никако да види работници

 

среда, 12 септември 2012, 18:55   На пешачкиот мост „Око“ веќе со недели не може да се види работник. По бетонирањето на почетокот на летото, нема видлив напредок на објектот, кој оддамна требаше да биде готов. Првиот човек на Центар, општината која го финансира проектот вреден 1,5 милиони евра, вели вината е пред се кај изведувачот, хрватски „ Конструктор инженеринг“. Трпение за доцнењето има, вели Тодоровиќ, но уште малку.   - „ Повеќе проблеми доаѓаат од изведувачот, мислиме дека ќе ги надминеме тие проблеми, се работи за некои дополнителни договори. Од наша страна не е проблем да се потпишат, мислам дека сепак се работи за проблеми кои ги има изведувачот ... Се надевам дека истиот изведувач ќе го заврши мостот, имаме трпение уште малку и мислам дека таа шанса што ја даваме дополнително ќе ја искористат изведувачите. “    Зошто доцни „Око“, го прашавме изведувачот- „Конструктор Инженеринг“. На контакт телефонот од нивното скопско претставништво, објавен на официјалната интернет страница на компанијата, може да се добие само еден одговор- телефонскиот број е исклучен.   Во контакт со централата во Сплит добивме електронска адреса каде може да ги поставиме прашањата. До почетокот на вестите одговор не стигна.   Доцнењето со мостот „Око“ доаѓа во период кога за само три месеци македонската влада раскина два договори со „Конструктор“ вредни 19 милиони евра. Дополнително, хрватскиот суд неодамна го осуди на шест месеци затвор еден од сопствениците на компанијата, Жељко Ждерич, за незаконитости во приватизацијата.   Темелите за „Око“ беа удрени пред точно три години. Најавено беше дека ќе биде готов за 17 месеци. За споредба „Мостот на уметноста“, кој е втор пешачки премин над Вардар меѓу Камениот Мост и мостот кај хотелот Холидеј Ин, почна да се гради минатото лето, а веќе следниот месец се очекува да биде пуштен во употреба.   Александар Димитриевски

ако правиме аналогија со жалните врби,би требало овие кади да се рушат по завршувањето на градбата на мостот

Originally posted by makonix Со оглед тоа каде е сега поставен археолошкиот музеј, мостот е и те како потребен за да има непречен проток.

Тргнувам од тоа дека една грешка не се исправа со друга грешка. За музејот требаше навреме да мислат дека нема да има добар пристап... Сега е подобро да се обезбеди било каков пристап кој ќе биде од истата страна на Вардар, отколку по секоја цена да се форсира пристап преку овој чир од мост.

Originally posted by makonix А уште пофутуристичка идеја би било да се иде со широко појасен мост, цела подлога да биде од стакло со метална конструкција.

Убава идеја, иако веројатно многу скапа...

Originally posted by makonix Инаку не знам зошто се замарате со рушење на новиве објекти, колку што знам јас попрво комерцијална ќе се пресели во нова и тие згради позади ќе се предизајнираат, отколку овие новиве да земе некој да ги руши.

Комерцијална воопшто не ја земам за релевантна во дискусијава. Мислам дека она карикатурално објектче на АЕК по сите основи секако треба да се руши, па Комерцијална ако сака нека се редизајнира и во рококо стил, тоа ништо не менува.

Originally posted by makonix Што се однесува за пешачните оски моментално се зависи од кејот како ќе се редизајнира, сега засега тој дел изгледа безнадежно од аспект на проток на луѓе, премногу тесни грла.

Тоа и ми беше една од идеите, односно со најмал можен трошок (преместување на мостот на уметноста со искористување на металната конструкција, рушење на непотребниот мост „око“ и рушење на чирот од објект АЕК) би се поправиле навистина многу работи, вклучувајќи и овозможување на природен проток на луѓе.

И фала за објаснувањето со Конструктор, заборавив дека тие бе авовлечени и тука.

Работава е значи далеку поголема и со оглед на историјата, очекувам во секое време дека ќе се бара некој начин да се раскине договорот.

Го прочитал ли некој текстот во Вест? Има нешто поконкретно или само шпекулации?

Originally posted by makonix дефинитивно овој проект е заглавен некаде

Се согласувам. Освен муабетов со темеливе кој сеуште не е потврден, проблем веројатно се и самите односи помеѓу власта и фирмата „Конструктор“. Најпрвин (ако не се лажам пред околу пола година) изби скандал дека Конструктор не ги подмирува обврските кон подизведувачите и снабдувачите, за што од Конструктор тврдеа дека ни ним владата не им плаќа за извршените работи, а од владата тоа го демантираа. Потоа работата пукна со раскинување на договорот за изградба на свети климентовиот универзитет, а нецел месец подоцна беше раскинат и договор со агенцијата за млади и спорт, за изградба на 100 повеќенаменски игралишта. Повеќе од јасно е дека нешто ептен шкрипи на релација Конструктор - власт. Дали некој видел како течат работите на катната гаража „Беко“, уште еден проект на кој беше ангажирана оваа хрватска фирма?

Инаку искрено верувам дека доколку е вистина ова со темелите, тоа е можеби најдобар исход во ситуацијава. Мостот око и мостот на уметноста се комплетни утки и кога го велам тоа зборувам од урбанистички и функционален аспект и воопшто не навлегувам во други аспекти. Наместо тие два моста, потребен е еден, на средина помеѓу нив, кој што би лежел на вистинска пешачка оска. Е сега ако за мостов око нема оправање, а со оглед дека мостот на уметноста е метална конструкција, може со релативно мал трошок да се урне мостот око, а мостот на уметноста да се дислоцира на адекватната локација, кај првично планираниот мост на цвеќето (узпат таман може да се ослободиме и од оние скулптури поставени на мостот кои изгледаат благо речено безвезно, а би можеле добро да легнат во некој парк или слично). Оваа рокада подразбира и рушење на објектчето на АЕК кој е еден невиден чир и ругло во секој поглед, а лежи токму на логичната пешачка оска каде што навистина треба да има мост. Со оглед дека објектчето на АЕК е смешно мало, а метална конструкција за новиот мост веќе имаме од мостот на уметноста, на овој начин за релативно мал трошок би се исправила прилично голема штета. Ова се разбира не го очекувам од моменталната гарнитура, но останува отворено како опција за во иднина.