Булевар Митрополит Теодосиј Гологанов

Реконструкцијата на „Гологанов“ во завршна фаза

Градот нема конкретен датум за целосно пуштање на улицата во сообраќај

Бојан Шашевски


Граѓаните ќе мора да почекаат уште некое време за да можат лесно и непречено да се движат по булеварот „Метрополит Теодосиј Гологанов“. Барем додека заврши првата фаза од реконструкцијата на оваа улица, по која дневно циркулираат илјадници автомобили, градски автобуси, пешаци. Од Градот најавуваат дека работите се при крај, но кога сообраќајницата ќе биде официјално пуштена во употреба, не кажуваат.

Потегот на улицата „Гологанов“ од спојот со улицата „Мито Хаџивасилев-Јасмин“ до „Рузвелтова“ во летниот период интензивно се раскопуваше, се инсталираа цевки, се изгради кружен тек, потоа се асфалтираше, а на делови од сообраќајницата се' уште траат привремени сообраќајни режими, па граѓаните имаа големи проблеми да стасаат до посакуваните дестинации. Автобусите на ЈСП се' уште се принудени да кружат и да превезуваат патници по „Партизанска“, а велосипедистите практично минуваат „невозможна мисија“ за да стигнат до центарот на градот или обратно, кон Ѓорче Петров.

Иако претходната недела беше најавено завршување на проектот, сепак, градските власти не даваат конкретен датум за официјалното и целосно пуштање на реконструираниот булевар „Митрополит Теодосиј Гологанов“. Од таму велат дека работите за реализацијата на првата фаза од проширувањето се во самата завршница.

„Изведена е целата сообраќајница, изградена е првата кружна суперкрстосница кај нас, усогласена е целосно подземната инфраструктура, а се реконструирани и каналите за атмосферски води, па сега по целата траса има соодветна атмосферска канализација. Останува да се уредат тротоарите, да заврши бележењето и некои поситни зафати. По завршувањето на работите, повторно ќе биде воспоставен истиот режим на сообраќај, а дотогаш учесниците во сообраќајот ќе треба да се придржуваат според привремениот режим. За секоја промена на трасата и за движењето на автобусите, Градот Скопје и ЈСП благовремено ќе ја информираат јавноста“, соопштуваат од Одделението за односи со јавност на Градот.

http://utrinski.com.mk/?ItemID=6A46C43432A5AB46B154F1C00AC3836A

Републичкиот совет за безбедност во сообраќајот со маркетинг кампања планира да им помогне на сите оние кои имаат проблем со снаоѓањето на кружниот тек

Отварањето на кружните текови на неколку крстосници во Скопје, ги збунија скопските возачи. Иако се направени за да го растеретат сообраќајниот метеж, тие се повеќе главоболка за невештите, а сликата едно возило да се движи од една во друга лента или вртејќи се во круг колку е смешна толку е и опасна.

Вакви ситоации има и на турбо кружниот тек кај Католичка црква веќе неколку дена е неофицијално пуштен во употреба. Тој, модерен како во светските метрополи со неколку правци на движење, па уште и обележен со гумени препреки на асфалтот кои поредупредуваат дека не смее да се влегува од една во друга линија за многумина се шпанско селоо. Снаоѓањето со возачката азбука не им оди добро ни со поставените сообраќајни знаци, на кои јасно се гледа како треба да се движат возачите, кој има предност...

Дел од нив велат дека лесно се снаоѓаат, но дел од нив мислам дека е многу тешко да се вози по кружен тек.
- Ова е новина е за мене, но се трудам да ги следам поставените знаци. Бидејќи по крстосницава минувам двапати на ден, на почетокот имав голем проблем, но полека учам. И покрај тоа, сметам дека е подобро да има некоја дополнителна обука, сметаат возачите.

Новата сосотојба на градските улици, будно ја следат од Републичкиот совет за безбедност во сообраќајот чија цел е подигање на јавната за културата во сообраќајот кои сметаат дека кржните текови, особено турбо кружниот тек е посложен за возење од останатите, па затоа подготвуваат да им помогнат на возачите.
- Ние веќе имаме едукативна кампања и преку спотови и флаери им помагааме на граѓаните полесно да ги научат правилата за возење по кружен тек. Но, наскоро се планира и маркетинг кампања во која ќе се едуцираат возачите за возењето по кружните текови. Но, факт е дека возачите имаат проблем со снаоѓањето на кружниот тек, но се надеваме дека со информирање преку оваа кампања тие набрзо ќе научат да возат по него, изјави Тоше Јанев од РСБСП.

http://vecer.com.mk/default.asp?ItemID=2716516877826344B2F9D3889AA08207