Базени и водени паркови

ВИСОКИТЕ ЦЕНИ ГИ ОДВРАЌААТ СКОПЈАНИ ОД БАЗЕНИТЕ

И капењето стана луксуз

Управителите на трите пливачки објекти „Младост“, „Олимписки“ и „Бисер“ објаснуваат дека интересот за рекреативно пливање засега, како и во текот на ланското лето, е многу мал и дека тоа е причина што атрактивните термини им се даваат на професионалните пливачи, а не на граѓаните

Пред летните жеги и високи температури во Скопје сега-засега сигурно е дека ќе работат само три базени со летни тераси: новиот „Младост, кој е целосно реновиран, Олимпискиот базен во Центар, како и оној во Аеродром, попознат како воен базен. Во време на немаштија и беспарица, на оние што нема да заминат никаде на одмор тие им се единствената опција за разладување во текот на летото.

Езерото Треска, како и во изминативе 15 години, ќе биде отворено за кампување и рекреација, но не и за капење поради водата која е загадена.

Проблемот со трите базени е што термините за пливање, исто како и години наназад, ќе бидат поделени меѓу спортистите и граѓаните.

Граѓаните одвикнати од желбата за пливање

Управителите на затворените базени сметаат дека има доволно термини за граѓаните. Објаснуваат дека интересот за рекреативно пливање засега, а и во текот на ланското лето, е многу мал. Тоа е причината што поголем дел од денот е определен за задоволување на потребите на професионалните пливачи и ватерполисти, а не за граѓаните.

- С` уште не сме се договориле со Пливачката и Ватерполо-федерацијата околу термините за тренинзите. Базенот само што е пуштен во употреба. Но, сигурно е дека ќе има доволно време и за рекреативците. Ватерполистите и пливачите не го користат базенот повеќе од пет часа, што значи дека за граѓаните на располагање остануваат 12 часа - изјави директорот на центарот „Борис Трајковски“, Ратко Капушевски, задолжен за стопанисување на овој објект.

Отворениот базен „Бисер“ во населбата Јане Сандански за капачи е отворен од минатата недела, но според управителот на објектот, Александар Маниќ, досега не продале ниту една карта.

- Нема интерес иако цената на картата е намалена. Луѓето немаат пари. Не знам што ќе се прави. И минатата година заинтересираноста на рекреативците беше слаба. Затоа, базенот повеќе ќе биде во функција на професионалните пливачи и ватерполисти, кои овде ќе ги одржуваат своите тренинзи - рече Маниќ.

И Олимпискиот базен од истите причини ќе работи со преполовен капацитет. Само половина летна тераса, со околу 200 лежалки, ќе им биде на располагање на посетителите.

Според Билјана Антиќ, технички раководител, во јануари е извршен вообичаениот ремонт на објектот, во чии рамки исто така има и шанк каде можат да се купат пијалаци и храна.

Половина милион евра за реновирање од корен

По неколкумесечно реновирање, завчера официјално беше предаден во употреба реновираниот базен „Карпош“, и тоа со нова фасада, соблекувални, систем за ладење, филтрација на водата, санитарни јазли и друго. За реновирање на ентериерот, информираше Капушевски, потрошени се 380.000 евра, од кои 150.000 вложи Владата, а остатокот ги обезбеди спортскиот центар „Борис Трајковски“. Вкупната инвестиција, со обнова и на надворешноста, изнесува околу половина милион евра.

- Посетителите на овој базен ќе имаат можност да го користат и игралиштето за одбојка на песок, ќе има и хала за бокс, но и за аква-аеробик, игротека, а исто така пицерија и кафуле - објасни директорот.

За безбедноста, исто како и во другите базени, ангажирани се спасувачи, како и луѓе задолжени за одржување на хигиената. Изградена е и котлара, со цел да не се плаќаат високи сметки на „Топлификација“.

Граѓаните објаснуваат дека претходно не го посетувале базенот поради катастрофалната состојба во која се наоѓаше. Други пак предлагаат дека редно е да се воведат билети по час, а не да се наплатуваат по полна цена за цел ден.

- Од вецињата се ширеше реа. Син ми, кој одеше во пливачки клуб, ми беше страв да го праќам за да не се разболи од инфекции. Тушевите немаа топла вода и с` внатре пропаѓаше, почнувајќи од седиштата, плочките, терасата - раскажува Соња М., мајка на малолетно дете.

Анела Петрова

„Бисер“ најевтин за капење, а „Младост“ ганц нов

Работното време на базенот „Младост“ во Карпош 4 месецов ќе биде ограничено, односно од 12 до 19 часот. А од јули од 8 наутро до 1 по полноќ, но с` уште, како што кажа директорот Ратко Капушевски, не се определени докрај термините за граѓани и за спортисти. Дневниот билет чини 150 денари, а месечниот 2.500 денари, со тоа што секој ден ќе можат да ги користат сите активности во рамки на објектот.

Работното време на базенот „Бисер“ е од 10 наутро до еден по полноќ. Тренинзите за пливачи и ватерполисти се од 8 до 10 часот и од 18 до 21 часот. Картата е 100 денари, а за ноќно капење 50 денари. За деца до четиригодишна возраст влезот е бесплатен.

Олимпискиот базен е отворен од 10 часот до полноќ. Но раководството изјави дека с` уште не знае кои термини ќе ги намени за граѓани, а кои за ватерополисти.

Билетот за влез чини 200 денари, со тоа што во текот на летото ќе нема временско ограничување на користењето на базенот.

http://www.dnevnik.com.mk/default.asp?ItemID=E5BEE70A9691AC409B14F59B5AEAD828

Стаклото блокира добар дел од УВ зрачењето, така да излегува дека е подобро да седиш цел ден во застаклен базен, отколку во Олимписки на пример и да се сончаш пола саат на терасата горе.

Originally posted by zabegan мислам дека е можно да се изведе базен со стаклена обвивка, значи целосно да биде отворен на сонце и светлина ...

Мислам дека изградбата на ваков базен и не е така добра идеја - особено ако знаеме дека сонцето денес се повеќе и извор на штетно УВЕ зрачење кое за жал оштетениот озон не го одбива (последици се болести на кожа, па дури и рак)
Затоа јас преферирам пливање во затворен базен - под сенка во загрена вода - за потполно уживање. Потоа може изложување на сонце - но само во одредени периоди од денот и секако со соодветна заштита.

Затоа најдобар избор за ова ето повторно ќе бидат Олимписки и Карпош.

Кога веќе сме кај тоа знае некој колку ќе чини билет за рекреативци?

Edited by vlatko.mk - 07-Jun-2011 at 23:48

прекрасно го извеле, вакво нешто им е потребно на многу објекти во Македонија 
(многу е битно да продолжат да го одржуваат, бидејќи објект со тие бои и материјали, брзо ќе пропадне)

инаку, што се однесува до базените најчесто користени за рекреација, мислам дека е можно да се изведе базен со стаклена обвивка, значи целосно да биде отворен на сонце и светлина и да може просторот летни времиња да се отвори кон некаква летна тераса или вештачка плажа (како што е оваа на базенот Карпош)... а половина од објектот да биде затворен за другите потреби на објектот, па и некои додатни содржини
не знам колку ќе ја прифатите идејава, ама мислам дека кај нас е прифатлива и изводлива, а базенот ќе биде посетен во текот на целата година

Originally posted by UrbanFreak Прекрасно е реновиран базенот! И јас се надевам на итно реновирање и на Олимпискиот.

Убаво е среден базенот - единствено што ми падна во очи е тоа што сеуште не се сменети плочките во голениот базен (или барем префарбани) Знае некој зошто е тоа така и дали ќе се среди?

Прекрасно е реновиран базенот! И јас се надевам на итно реновирање и на Олимпискиот.

Бомбона, ептен ми се свиѓа како го суредило и од какво ругло направија убав базен. Уште Олимписки да го средат по овој терк и комотно ќе може Скопје да има два репрезентативни базени за европски натпреварувања во водени спортови.

Претседателот на Владата на Република Македонија Никола Груевски денеска ќе присуствува на свечено пуштање во употреба на целосно реконструираниот пливачки базен во Карпош.
Просторот околу базенот во Карпош полека стнува еден од главните спортски центри во главниот град. Пред неколку месеци во близина беше оворена хокеј арената и патеката за картинг, а пред тоа во склоп на спортската сала Борис Трајковски пуштена е во употреба кугланата, теретаната, фитнес центарот како и просториите наменети за други спортови.

kurir.mk

Аква-парк за 3,5 милиони транзитни туристи Градски аква-парк ќе се гради и во рамките на СЦ "Борис Трајковски", самостојно или со јавно-приватно партнерство Со помош на домашни и странски приватни инвеститори ќе се градат нови хотели, мотели, модерни бензински станици и туристички атракции, како аква-парк, што ќе бидат наменети за 3,5 милиони патници кои годишно транзитираат низ Македонија преку Коридорот 10. На овие локации туристите ќе можат да се одмораат и разладуваат за време на летната сезона, а со тоа ќе се овозможи коридорите 8 и 10 до 2013 година да станат атрактивни за транзитните посетители . Градски аква-парк ќе се гради и во рамките на Спортскиот центар "Борис Трајковски", самостојно или со јавно-приватно партнерство, кој ќе располага со забавни содржини на вода, во кој ќе се овозможи забава за сите генерации и во текот на летниот период. Овој парк ќе биде лоциран до обновениот базен Карпош и заедно ќе претставуваат една целина. Ова се само дел од новините што треба да го поттикнат развојот на современиот туризам во земјава, а се составен дел на Манифестот за реформи и развој што ВМРО- ДПМНЕ го подготви за периодот од 2011 до 2015 година. Манифестот се фокусира на подобрување на инфраструктурата и на подигање на квалитетот на услугите на аеродромите и на граничните премини, но и подобрување на состојбата на магистралните, регионалните и на локалните патишта. На општо задоволство на туристичките работници, агенции и асоцијации, до крајот на годинава треба да се намали стапката на ДДВ за туристички услуги од 18% на 5%. Според Манифестот ова ќе претставува директна поддршка и за развојот на туризмот. Со тоа ќе поевтинат услугите за туристичко сместување (ноќевање), сместување со појадок, полупансион или полн пансион во сите комерцијални објекти за туристички услуги: хотели, туристички апартмани, пансиони, камп-населби, одморалишта, планинарски и ловечки домови и гостилници. Ќе се интензивира и партнерството на државата со бизнис-заедницата, за чија цел до средината на јуни идната година да се реорганизира Агенцијата за промоција и за поддршка на туризмот во Македонска национална туристичка организација. Во план е и да се формира интегриран туристички информативен портал со што ќе може да се реализираат резервации преку интернет за домашните и странските туристи, како и соодветна презентација на македонските туристички капацитети. Преку ниска почетна цена за земјиштето од 1 евро за квадратен метар, како и намалувањето на комуналиите за 95% од почетната вредност, ќе се настојува да се привлечат инвеститори за изградба на хотели во Скопје, Охрид, Струга, Преспа и Дојран за езерскиот туризам и во Гевгелија, Битола, Крушево, Тетово и Пониква за зимскиот туризам. На брегот на Охридското, Преспанското и на Дојранското Езеро, ќе има туристички развојни зони, каде по примерот на слободните економски зони ќе се овозможи градење на нови хотели и хотелски комплекси. Ќе се стартува и со активности за доделување концесии за истражување на извори со топла вода. Во план е и реставрација на Старата скопска чаршија и промоцијата на Охрид како Балкански Ерусалим во земјите каде што живеат словенски народи. http://vecer.com.mk/?ItemID=AC410596DC651C44B32086C0B1F05C49