SKOPJE (Macedonia), December 28 (SeeNews) - Germany's Babcock Borsig Steinmueller said on Wednesday it has signed a deal to upgrade the three 225-megawatt units of Macedonia's TE Bitola thermal power station.

http://www.seenews.com/news/latestnews/germany_sbabcockborsigsteinmuellertoupgradethermalpowerstationsin-162724/

На Македонија и е потребен сериозен енергетски објект. Со обновливи извори на енергија не може да се прозиведе доволно струја, велат експертите.

• Печати
• Испрати на е-маил
• Оставете коментар
• Размена:

Струјата догодина поскапа

Скопје, 13 декември 2011 (МИА) - Македонскиот електроенергетски сектор е во исклучително сложена ситуација, има сериозни проблеми и ќе крахира ако не се намалат загубите во производството и потрошувачката на струја. Искористувањето на лигнитот, гасот и обновливите извори на енергија, пак, треба да биде приоритет.

Ова е заклучокот од денешната седница на Македонската енергетска асоцијација (МЕА) чии членови го разгледуваа Енергетскиот биланс за 2012 година.

Според прогнозите на МЕА, побарувачката и увозот на електрична енергија догодина ќе се зголемат, а ќе пораснат и цените на сите енергенси поради лошата хидролошка состојба. Неопходно е, беше потенцирано, итно формирање берза на струја, како и дефинирање и почитување на пазарните правила.

- Производството е речиси непроменето, инвестиции нема, а и ако има, за нивна реализација се потребни најмалку четири години, рече директорот на ЕЛЕМ Влатко Чинговски.

Учеството на електричната енергија, согласно Енергетскиот биланс, останува доминантно со преку 40 отсто што генерално, рече Чинговски, не е добра насока бидејќи значителен дел од неа тешко се добива и многу чини. Воедно, најголем број потрошувачи сакаат да се префрлат од топлинска, огревно дрво, биомаса и топлификација, на струја, што ќе претставува сериозен удар врз производството, но и врз преносот и дистрибуцијата.

Примарната енергија во 2012 година ќе биде поголема од онаа во 2011 за 7,6 отсто што е сериозен пораст на енергенсите и не може да помине без соодветен импакт врз цените.

- Би апелирал разумно да се зголемува потрошувачката на сите примарни енергенси, не само на електричната енергија, зашто нејзиното зголемување за 2,2 отсто годишно како што се предвидува, ќе има сериозно влијание врз производителите, истакна Чинговски.

Како што истакна Димитар Хаџимишев, директор на Топлификација и претседател на МЕА, допрва ќе се видат реперкусиите врз цената на струјата и доколку профункционира термоелектраната-топлана „Те-то“ АД Скопје. Проблемите кога има увоз, а нема домашно производство, нагласи, се страшни.

- Увозот во 2012 ќе биде близу 3 милијaрди мегавати, а во овој момент е над 600. Увозот е проблем и во соседството, а тоа значи дека цената расте, посочи Хаџимишев.

Дали „Те- то“ АД Скопје ќе почне со работа зависи од пазарните услови. Најпрво, беше речено на седницата, е планирано да завршат тестовите и предкомерцијалното, пробно производство, по што економската оправданост треба да покаже дали капацитетот ќе стартува.

За експертите, лигнитот треба да има приоритет над сите други активности во секторот.

- Обезбедувањето лигнит е најслаба и најлабава карика во Енергетскиот биланс. Ревитализацијата и модернизацијата на опремата во капацитетите ќе се направи зашто за тоа се потребни само пари, но лигнитот зависи од состојбата на самото место, не може да ни го испорача никој во толкави количини. На него отпаѓаат околу 40 отсто од целиот енергетски сектор, а преку 70 проценти од електроенергетиката, напомена академик Томе Бошевски.

Произнесувајќи се по Билансот, најголемите производители посочија дека изнесените бројки за 2012 година се далеку од можната реализација.

- Количините гас обезбедени за 2012 од „Гаспром“ се на ниво на потрошувачката што очекуваме да се реализира до крајот на годината, 150 милиони метри кубни. Со оглед дека финансискиот пазар трпи сериозни турбуленции, одредени трошоци се речиси двојно зголемени, истакна Зоран Доневски од „Макпетрол“.

Според „Макептрол - Промгас“, снабдувањето со природен гас на тарифните потрошувачи ќе зависи од постигнувањето договори со Регулаторната комисија околу тарифниот систем и формирањето на цената на природниот гас.

- Состојбата со снабдувањето за идната година е неизвесна зашто постои неусогласеност меѓу законската и подзаконската регулатива. Ако не изнајдеме решение, односно не се договориме со Регулаторната комисија во кое ниту една од страните не изгуби ќе успееме да потпишеме довор со тарифните потрошувачи и да ги изреализираме количините зацртани во Енергетскиот биланс, рече Милан Сотировски од  „Макептрол - Промгас“.

„ОКТА“ ќе се прилагодува според потребите на пазарот кој сигурно, како што рече претставникот од компанијата, ќе биде снабден со нафтени деривати.

- Наместо да биде појасен, почитлив и да даде подобри насоки, Билансот содржи цифри извлечени од нечии планови и размислувања, кои не базираат на фактичката состојба во земјата, забележа Чинговски. Тој сугерираше поточно да се планира за да се избегнат непотребни увози и набавки кои резултираат со поголеми трошоци и кои, за жал, се рефлектираат врз крајните потрошувачи.

Енергетскиот биланс, освен за 2012 година, опфаќа проекции за потребите од сите видови енергија и можностите за нивно задоволување, до 2016 година.

- Финалната потрошувачка во 2012 година ќе бележи зголемување за четири отсто, а во наредните, до 2016, просечното зголемување е предвидено да биде 2,2 отсто. Во делот на примарната енргија идната година е предвидено зголемување од 7,6 отсто, а до 2016 просечно 2,3 проценти, рече Виолета Кецкаровска од Министерството за економија, презентирајќи го Билансот.

Во 2012 увозот незначително ќе се зголеми. Од увоз ќе се обезбедат 46 отсто од потребите, а од домашно производство 54 проценти. Учеството на обнвовливите извори енергија во финанлната потрошувачка, пак, до 2016 година е проектирано на 16,2 отсто што значи дека до 2020 година Македонија ќе ја исполни обврската за 21 отстотно учество на обновливите извори енергија во финалната потрошувачка.

На седницата беше укажана и потребата од независни лаборатории за контрола  на квалитетот на горивото, домашно и увезено. Засега функционираат две, на Макпетрол и ОКТА, кои се акредитирани и чии податоци се релевантни.

Од Министерството за економија инфомираа дека до крајот на февруари 2012 година во рамки на Правилникот за квалитет, треба да се донесе уредба која ќе овозможи мониторирање на квалитетот на сите учесници во нафтениот бизнис.

http://www.idividi.com.mk/biznis/makbiznis/732802/index.html