ВИДEO: Возачите „се заглавија“ на турбо кружниот тек

Иако неофицијално, турбо кружниот тек кај Католичка црква од вчера е веќе пуштен во употреба.

Првиот впечаток е дека возачите не ги познаваат правилата за возење по ваков тип на раскрсници.

И покрај тоа што се поставени сообраќајни знаци, тие не се снаоѓаат баш најдобро, но со оглед на тоа дека е нов возачите набрзо ќе научат да возат по кружниот тек.

Но дали скопјани навистина знаат да возат по кружен тек? Мислењата се поделени.

-Јас се снаоѓам, но мислам дека за другите е многу тешко. Ќе има проблем бидејќи возачите се уште незнаат на која страна да се движат.

- Ова е нешто ново и се уште незнаат да возат сите по кружниот тек, но ќе научат, не е тешко.

- Сметам дека треба да има дополнителна обука, бидејќи ова е нешто ново за главниот град на Македонија.

Ова се само дел од коментарите на возачите и граѓаните.

Турбо кружниот тек е посложен за возење од останатите, но правилата се исти и треба да се почитуваат. Возењето треба само да се усогласи со сообраќајната сигнализација.

Веќе подолго време од Републичкиот совет за безбедност во сообраќајот работат на кампања за едукација на возачите.

Кампањата е веќе започната во облик на прилози преку печатените и електронските медиуми.

Од Републичкиот совет за безбедност во сообраќајот информираат дека се планира и маркетинг кампања во која ќе се едуцираат возачите за возењето по кружните текови.

-Факт е дека возачите имаат проблем со снаоѓањето на кружниот тек, но набрзо ќе научат да возат по него, изјави за Курир, Тоше Јанев портпарол на Републичкиот совет за безбедност во сообраќајот.