Хотели, преноќишта и одморалишта (општо)

Originally posted by jyvation Хотелот беше отворен на 22 јули, во моментов е затворен оти интерно се работат обуки за вработените, се прават завршните подгоовки за претстојната сезона и веќе во претстојниот период ќе биде повторно отворен и ќе почне да работи 365 дена. целото интервју на линкот: http://lider.mk/2015/01/16/so-hotel-izgrev-voveduvame-profesionalizam-vo-hotelierstvoi/

ummm....како може тоа хотел да биде отворен на 22ри Јули па веднаш да биде затворен за обука на вработените?

На крајот на август бев случајно во Охридско, па отидов до хотелот сакајќи да останам неколку дена. За жал сеуште не беше отворен, влезот беше кал/вода и работници работеа наоколу. Местото е супер, и не се кајам што возев до таму без да се јавам, пошто баш и убава вожња беше. Искрено мислам дека ќе биде прекрасно место за одмарање.

Бил некој? Отворен е сега?

Со хотел Изгрев воведуваме професионализам во хотелиерството

Првиот човек на Фибула Ер Травел, Асим Меџедовиќ во интевју за ТВ Лидер, ни ја открива својата успешна приказна, ги оценува владините политики за развој на туризмот, одговара дали македонците патуваат. Меџедовиќ за хотелот Изгрев вели дека ќе се зголеми понудата на Македонија како атрактивна туристичка дестинација.

Сопственик сте на ФибулаkЕр Травел. Може ли да ни кажете која е вашата успешна приказна?

Фибула како компанија овде во Македонија е формирана 2000 година под името Фибула Ер Травел и работи веќе 15 години. Работи со аранжмани,закуп на чартер летови, продажба на авионски карти и работи на извоз и увоз на туристи, што домашни тоа и странски. Компанијата е со добро искуство и веќе на пазарот е една од водечките, според податоците кои што се официјални, нашата агенција е на врвот и во однос на извозот на туристи и во однос на увозот на туристи. Од самиот старт во 2000 година имавме една чартер дестинација, први почнавме да работиме чартери во цсерија кои траеја повеќе од два месеци, понатаму годините како што следеа ја проширувавме нашата понуда, додадовме дополнителни чартер дестинации, додадовме исто автобуски дестинации , индивидуални пакет аранжмани итн.

Како ги оценувате владините политики за развој на туризмот?

Во последно време владините политики допринесуваат да туризмот во Македонија се развива со субвенционирањето на странските туристи и на воспоставувањето на летови од Македонија кон европските дестинации. Добиваме позитивни сигнали, а тоа значи дека се олеснува работата на туристичките агенции, во смисла на тоа дека можеме да ги привлечеме странските тур оператори и да склучиме договори со нив и да направиме поголема програма за Македонија како туристичка дестинација. Воведувањето пак на чартер линии и редовни линии кон европските дестинации значат многу за населението во Македонија, претежно за луѓето кои се со помал буџет авионските карти се поевтини, комуникацијата и размената на искуства станува поголема. Во таа насока владините мерки ги поддржуваме и се надеваме дека се повеќе и повеќе ќе опстојуваат.

Што дополнително треба да се превземе за да се подобрат состојбите во туризмот. Вие долго време сте во оваа област сигурно ги знаете и проблемите и дел од решенијата?

Мислам дека може да се интервенира повеќе во проширување на листата на земји кои што би се субвенционирале. Пред се мислам на земјите од Источна Европа , на земјите од сосетството , од нашиот регион , а веќе некои такви иницијативи има, но не е доволно само тука да се застане, таа листа секогаш е добро да се проширува. Други мерки кои би помогнале за туризмот да заживее се во областа на дојдовниот туризам каде што на странските туристи треба да им се овозможи лесна комуникација, лесно движење, достапност до сите културно историски места, да се направи една убава туристичка понуда. Заштитата би ја издвоил на странските туристи од нелојалната конкуренција , од тур операторите кои што имаат свои програми кои што работат по сите прописи . Во последно време се јавуваа таа нелојална конкуренција во смисла на тоа да човек – агенција се отвараат , тие склучуваат договори со некои транспортни компании и нудат неквалитетна услуга со екстремно ниски цени и така го рушат пазарот, што на крајот на краиштата и нашата држава губи и истото искуство се пренесува и на странските туристи кои се вракаат во своите земји и го кажуваат тоа свое лошо искуство.

Кои се генерално коментарите на странските туристи кои престојуваат овде?

Секоја година Фубула како туристичка агенција која што го менаџира не само овој дел туку и цел Балкан работи активно на зголемување на туристичката понуда, на збогатување и професионално менаџирање на Балканот како туристичка дестинација се со цел да привлечеме поголем број странски туристи кои би доаѓале во Македонија и нормално би се враќале задоволни и би носеле нови туристи. Исто така нашата мрежа на партнери која што ја имаме низ светот ни овозможува да контактираме, да правиме презентации за Македонија како туристичка дестинација и да го продаваме тој производ. Веќе во последно време имаме очекувања за отварање на уште некоја дестинација, пред се мислам на западно европските земји и можеби на некоја земја од Источна Европа. Тоа сега во овој момент не би го откривал и би го оставил за некој нареден период. Секако дека тука очекуваме поддршка од нашите хотелиери, партнери со кои што соработуваме и ресорните институции во полето на туризмот. Со нивна поддршка мислам дека успехот може да се постигне

Дали македонците патуваат?

Да, секако, патуваат на различни дестинации. Во последно време дали за економската ситуација во цела Европа која што е присутна повеќе се оди на класични проверени дестинации , како Турција, Грција , Бугарија Можеби во овој период немаме нови туристички дестинации за домашните патници, меѓутоа имаме зголемвање на дестинациите кои што се веќе познати. Тоа се дестинации кои се испробани, докажани и секоја година се повеќе и повеќе се зголемува интересот и се напредува во однос на понудата која ја добиваат нашите туристи.

Влеговте во хотел Изгрев. Кажете ни повеќе за инвестицијата?

Оваа година нашата компанија го отвори хотелот Изгрев, хотел со 5 звезди, над 200 соби, со огромен аква парк и конгресна хала, спа центар,со сите можни модерни содржини кои што еден гостин треба да ги добие во нашата земја. И со гордост можеме да кажеме дека хотел Изгрев е бисер на Балканот, со гордост можеме да кажеме дека воведуваме професионализам во делот на хотелиерството, ја збогатуваме понудата за Македонија како туристичка дестинација, додаваме нови содржини, таргетираме туристи кои што сме ги немале досега, значи тоа се туристи кои бараат повеќе содржини, бараат “All inclusive“, аква паркови, затворени спа центри, семејни луѓе. Мислам дека хотелот Изгрев со следниот период ќе донесе многу повеќе туристи и ќе влијае на состојбата во туризмот позитивно. Бидејќи инвестицијата е на Фибула и Фибула Анталија, кој што веќе е бренд и кој што има свој хотел во Турција, кој што има искуство во менаџирањето на вакви хотелски комплекси и сигурен сум дека хотел Изгрев ќе почне да функционира во најубаво светло.

Кога ги очекувате првите туристи и какви ќе бидат цените?

Хотелот беше отворен на 22 јули, во моментов е затворен оти интерно се работат обуки за вработените, се прават завршните подгоовки за претстојната сезона и веќе во претстојниот период ќе биде повторно отворен и ќе почне да работи 365 дена.

целото интервју на линкот: http://lider.mk/2015/01/16/so-hotel-izgrev-voveduvame-profesionalizam-vo-hotelierstvoi/

за хотелот кој ни беше енигма кога и кој го изгради


Најбогатиот гостиварец Арслани ја градел империјата со лихва



Луксузен хотел од стотици илјади евра со поглед на Мавровското Езеро, дискотеки и ноќни клубови, висококатници и други скапи недвижности, како и десетици спортски автомобили од по 100.000 евра, се само дел од имотот што го контролира можеби најбогатиот гостиварец Фадиљ Арслани (49) кого полицијата го бара како главен осомничен во акцијата „Чекан“. МВР се сомнева дека целата империја Арслани ја градел од криминални активности, односно од лихва и од перење пари, а засега, според полицијата, има сомнежи дека најмалку два милиона евра биле заработени на овој начин.

http://dnevnik.mk/?ItemID=A68EF21F5141E447A01B5D8CE0445A14

Насловот е „малку“ сензационалистички, но сепак...

ГЕВГЕЛИЈА СТАНУВА ЛАС ВЕГАС, ЌЕ НИКНЕ УШТЕ ЕДНО НОВО ЛУКСУЗНО КАЗИНО

Во близина на граничниот премин „Богородица“ ќе никне уште едно ново луксузно казино. Од Општина Гевгелија информираат дека градежната парцела е веќе продадена и дека наскоро ќе започнат градежните активности. Со отворањето на новото казино се очекува градот со најниска стапка на невработеност да обезбеди голем број нови работни места и со тоа уште повеќе да ја намали невработеноста. Во близина на граничниот премин „Богородица“ веќе работат три големи казина: „Аполонија“, „Фламинго“, и „Принцес“.

http://www.utrinski.mk/?ItemID=561DC2F608F8E44BA9FDFB308E8AACBE

не 10, туку 20 ката нека ја направат, море ако треба и 30

Едниот од мангупите одпогоре ви го `извезовме` од Кичево откако ваму направи ршум и ограби све што можеше да се ограби,па му останаа пари да продолжи и во Охрид со истиот `бизнис`

А во чија сопственост е хотелот „Палас“ во моментов? Убаво што Општина Охрид помислила на ова, но ако проблемите со сопственост се решени сигурно дека на некого веќе би му текнало за оваа „златна кокошка“ во центарот на Охрид. Во секој случај, вреди да се обидат да направат нешто на ова поле.

МАЛА ОПШТИНА СО ГОЛЕМИ ПРИРОДНИ УБАВИНИ

KОНЧЕ ЧЕКА ТУРИСТИ И ВО КУЌИ НА ДРВЈА


Неодамна беа завршени трите дрвени колиби изградени во стар стил и првата од десетте планирани куќи на крошни од дрвја, а уредени се и делови од бреговите на Мантово и на помалите езера

Со уникатна понуда малата рурална општина Kонче прави напори да се презентира како интересна туристичка дестинација, да привлече гости и туристи на досега малку познатите интересни локалитети во овој крај, како планината и езерата. Во последните два-три месеци беа завршени неколку значајни проекти, како изградбата на три дрвени влашки колиби, изградбата на првата од десетте планирани куќи на дрво и уредувањето на големата вештачка акумулација Мантово и на двете помали езерца Kонче 1 и Kонче 3, покрај чии брегови се поставени клупи, летниковци, дрвени мовчиња, платформи за ловење риба...

- Трите влашки колиби беа дел од проектот „Kултурното наследство на Власите во регионите Kонче и Серес“, прекуграничен проект на Македонија и Грција, финансиран од фондовите на ЕУ преку ИПА-програмата. Во секоја од колибите, кои се наоѓаат покрај Мантово кај село Долна Враштица, има кревет, маса, дрвени клупи. С` е градено во стар стил. Денес во нашата општина нема Власи, но некогаш во определени периоди од годината ги имало многу, зашто со стадата овци живееле номадски, одовде до Сереско, а често и до Шара - вели градоначалникот на Kонче, Благој Јованов.



Првата куќичка на дрво, пак, е изградена самоиницијативно од група ентузијасти, со поддршка на локалната самоуправа, градоначалникот и на ловечкото друштво „Студенец“ од Kонче. Опремена е со кревет, печка на дрва, маси, столови. Следната година се планира изградба на уште четири куќички на дрво, за што веќе се избрани четири буки со широки крошни, а вкупно во планината се планира изградба на десет такви куќички за туристи и ловџии. За тоа ќе се изготви проект, со кој ќе се конкурира за средства, а локалната самоуправа до куќичките на дрва ќе донесе вода од блиските природни чешми.

Овие зафати следуваат откако неодамна беа решени неколку крупни инфраструктурни проблеми, поради кои општината Kонче, во која населението живее од земјоделство, главно тутунопроизводство, и од сточарство, беше како отсечена од светот, со само еден тесен асфалтен пат долг дваесетина километри до магистралата Штип - Струмица, кај Радовиш. Лани беше донесена струја до последните неелектрифицирани села, а пред неколку месеци беа асфалтирани и последните километри од патот кон Штип, со што на жителите на Kонче за многу им се скратува патувањето до сите други краишта на Македонија.

- Има уште за работа, но сега е многу полесно и за нас и за гостите и туристите што ќе решат да н` посетат. А, нивниот број е с` поголем, зашто имаме одлични услови за алтернативен, планински, археолошки и за ловно-риболовен туризам. Има голем интерес и за изградба на викендички, а се надеваме дека наскоро овде ќе никнат и првите хотели. Една од двете локации за хотел е веќе земена од домашен, а за втората е заинтересиран инвеститор од Швајцарија – истакнува Јованов.

За полесно да се снаоѓаат, за гостите и туристите неодамна покрај патиштата беа поставени патокази за сите поважни туристички локалитети во општината.

Љупчо Шатевски
http://dnevnik.mk/?ItemID=414EB467F57D4C49B01EF717473D0562

Охрид: Авто кампот „Андон Дуков“ ќе прерасне во елитна населба
Руинираниот авто камп „Андон Дуков“ во Охрид ќе прерасне во елитна населба. На местото од распаднатите стари камп приколки ќе се градат ексклузивни резиденцијални туристички објекти, објави Канал 5.

Како што соопштува телевизијата, првичниот план бил да се изградат објекти за здравствен туризам, но после инспекцијата на општинските и државните власти на сите кампови вдолж брегот на Охридското езеро се донела одлука за изградба на резиденцијална населба.

- Дел до земјиштето е приватизрано, сметавме дека ќе биде тешко изводливо во таа зона државата да превзема активности односно градот да превзема акривности во кои можат да се реализираат некои големи зафати од типот на здравствен туризам и хотелско угостителски објекти кои што би биле од локално или државно значење за кои што ние во иднина би нашле инвеститори, изјави градоначалникот на Охрид Никола Бакрачески.

Инаку се планира ексклузивните резиденцијални објекти да се градат на провршина од триесетина хектари, со што атрактивната локација ќе добие современ лик. Засега за изградбата има интерес и е покрената постапката за урбанизирање на тој простор од 30 хектари, во тек е постапката пред Министерството за земјиоделство од каде се чека пренамена на земјиштето од земјоделско во градежно.

Авто кампот „Андон Дуков“ е оставен на забот на времето. Поголем дел од камп приколките се уништени, а распаднат е и објекот на некогашниот хотел „Меркур“.
http://netpress.com.mk/ohrid-avto-kampot-andon-dukov-kje-prerasne-vo-elitna-naselba/

Уште една Турска инвестиција..?

Edited by jyvation - 06-Oct-2014 at 08:18