Битолски сообраќај (општо)

Битолските семафори не работат Среда, 21 Април 2010 17:37 Битола веќе два недели сообраќајно функционира без семафори.Три фреквентни крстосници во градот не располагаат со светлечка сигнализација. „ Па причината е дефект најнормален дефект на старата инсталација вие знаете од кога се поставени овие раскрсници кои се регулирани со светлосна сигрализација."- вели Зора Симјановска раководител на Комунално одделение Тендерски избраната фирма е од Скопје, па потребно е време за да дојде и да го отстрани дефектот.Тендерот за избор на нова фирма која ќе ја одржува светлосната сигнализација е во тек дотогаш на повик скопјаните ќе ни ги поправаат семафорите, но и на овој тендер битолска фирма нема да ја земе работата за годишно одржување. „ Битолските фирми немаат лиценца за софтеврот, софтеврот е на Еурософт од Скопје и општината ја откупи за градот."- вели Зора Симјановска раководител на Комунално одделение. За да се избегнат проблемите од овој вид Општината во размислување. „ Ние планираме кај Безистенот тука раскрсницата да ја решиме со кружен тек но тоа зависи од урбанистичко идејно решение."- вели Зора Симјановска раководител на Комунално одделение. Трајно решение базирано врз идеи имало и за други крстосници низ градот, но сеуште се трагало по најдобриот проект.На улицата Железничка не била предвидена светлосна сигнализација таму состојбата ќе се решавала со сообраќајни знаци, кои денес чекаат да ги добијат и да почнат со поставување , или со правец на движење, еднонасочен или двонасочен.

TEPA TB


Edited by гитардемон - 21-Apr-2010 at 18:34

Денес во 16 часот беше миниран дел од ридот кај населбата “Стрелиште“ во Битола, за вкопување на двете цевки со голем пречник за канализација и водовод. Градежната сезона во Битола денес беше започната, како рече градоначалникот Талески, бучно со минирање, а во таа насока ќе се одвива и целата оваа градежна сезона. Минирањето го направи специјализирана минерска фирма која сосема безбедно го минира местото, а потоа и го активира експлозивот. Целата работа беше успешно завршена, а поради карпестите места каде треба да поминува новиот булевар, кај црквата “Св. Недела“, се предвидува дека ќе бидат потребни уште две минирања. На самото место беше и градоначалникот на Битола, Владимир Талески, кој по безбедно завршената работа рече: -Денеска дел од ридот на патот кај светонеделските гробишта, беше миниран поради тоа што градежните машини не можат да го копаат каменестиот дел. Овде како се работи проектот за уредување, односно модернизирање на влезот на Битола од страната на Прилеп, со поддршка на Министерството за транспорт и врски, како дел од патот М-5. Сообраќајот и целокупното движење на пешаците беше запрено со помош на сообраќајната полиција, а возилата и пешаците беа препраќани по ново изградената улица “Кукуш“ кај населбата “Ушици“. Поради специфичноста на работите на новиот булеварски влез, денес не се кажа до кога ќе траат работите и кога овој дел на Битола ќе биде комплетно завршен. Текст и фото: Сашо Ристевски

http://www.informator.ws/novosti-od-bitola/12104-2010-03-19-22-04-42.html

---

Видео со минирањето.



---

BONUS:

Originally posted by lslcrew гитар ти озбилен си за динамитов?! Многу гледаш Brainiac!

И Двојче изгледа гледа Braniac

Edited by гитардемон - 20-Mar-2010 at 06:47

Е сега да кажам јас што мислам. Уште од мало дете сум се мислел зошто има паркинг во најнајцентралниот дел од центарот на градот, а никој не се решил да направи подземен паркинг (ама како мал не знаев што се тоа вреќи пари) Јас како идеја го поддржувам во целост, но убеден сум дека тука политиката има замешано прсти премногу, поради неколку причини.

1) Има подземна гаража на само 100 метри оттука со капацитет за барем 200 возила која не се користи веќе 10 години откако е изградена.
2) и 3) Успеаја да добијат фондови од државата и од ЕУ за булеварски влезови (иако теоретски тоа беше поради тоа што се дел од Е-65), а не можеле за паркингот да извадат некоја илјадарка па запнале да има полно дуќани. Значи некој тука ќе има голем профит од дуќаните.
4) Изгорени се да го тргнат споменикот на борците од 2СВ и на Манаки, и во центарот да си изградат фонтана и да го закачат Филип некаде таму.

Јас си го замислувам ова на сосем поинаков начин.
Таа катната гаража веднаш до пионерскиот дом и во летната бавча на киното Македонија не само што е непотребна, туку таа е веројатно најголемата глупост на светот. До неа ќе води само еден чикмак кој е широк одвај 3 метри и е вечно окупиран со возила на жителите на таа улица кои немаат гаража, а нормално никој од нив нема да сака да плаќа за паркинг во катната гаража.
Од друга страна ако е бесплатен паркингот, никогаш нема да има место само станарите на околните згради се доволни да ја пополнат.
Тоа дека децата ќе немало каде да им играат, или дека ќе се загаделе е смешно, ама тоа е македонскиот народ јебига (назад зад зградата на ЈАТ има само кал, трња и паркирани возила)

За подземниот паркинг под плоштадот Гоце Делчев (да, тоа се смета за плоштад, иако е паркинг), можам да кажам само дека како што се гледа на петтата слика од горните рендери, планирано е да биде на две нивоа, арно ама нивото -1 ќе биде со 20 паркинг места и сè друго ќе биде дуќани. Оправдувањето, како што веќе реков, е дека немало пари, а вака ќе дојделе пари (демек ќе има навала за да си купат дуќани уште пред да се изгради паркингот).

Исто така, денивелацијата на патот воопшто не ми се допаѓа бидејќи почнува уште одма пред хотел Епинал. Може да се направи некои 50-тина метри потаму кон Пелагонка. Навистина корзото во тој дел ќе се сведи на само еден пешачки мост над денивелирана сообраќајница, и наместо да имаме широк простор (пример во форма на некое плато пред хотел Епинал сè до домот на културата и хотел Македонија).

За споменикот нема потреба да коментирам, не е сигурно, ама јас сум убеден дека сакаат да наместат нешто такво таму. Јас викам ако мора да биде патриотско нека биде некој убав јарбол (не како оние на владата), барем ќе се вклопува некаде во центарот.

Исто така, мислам дека подземната гаража под ТЦ Пелагонка 2 би била многу корисна, има 2 влеза/излеза еден спроти друг, поврзана е со лифт и скали со надземниот дел од ТЦ Пелагонка, а е во строгото централно градско подрачје. Капацитетот ќе да е некаде околу 150 места ми се чини (тоа што е дел станбена зграда, дел деловни канцеларии мислам дека не е проблем, ако сака општината ќе најде чаре).

Сè на сè, еве како го замислувам тоа, и мислам дека е многу попрактично вака. Подземна гаража под Пелагонка 2 со 2 влезоизлези, подземна гаража под плоштадот исто така со 2 влезоизлези (еден надземен, еден подземен), а денивелирањето да почнува уште од кај крстосницата кај гроздот од источната страна, а да завршува кај крајот на домот на културата, блиску до Пелагонка 2 на западната страна. Малце набрзинка, вака:

Во толку дискусија за Скопје 2014 никој не се потруди да искоментира нешто за гаражите во Битола. Во моментов немам време, ама утре ќе се потрудам да искажам еден поопсежен став зошто треба да се градат некои, а зошто не треба некои делови од ова. Сепак би сакал да слушнам и мислење од другите членови на форумот, сепак ова ако се реализира ќе биде еден од најголемите градежни зафати во Битола во последните 20-30 години, а и богами најважен.

Edited by гитардемон - 11-Feb-2010 at 16:56

Originally posted by гитардемон Многу сум горд што го најдов ова: http://www.kristibombol.com/uploads/proekti/Elaborat.pdf Сепак некој направил многу детална студија за ова. Браво. Sирнете ја, интересно е кој не видел како тоа изгледа.

Во студијава е наведено влезот/излезот да биде улица како што е и сега само реконструирана ама општината сепак се реши за Булевар. Што за мене мислам дека правилно постапи

Само за инфо, таа неизградената железничка е веќе изградена (таа е таа што беше толку помпезно градена до пред 6-7 месеци).

Многу сум горд што го најдов ова:

http://www.kristibombol.com/uploads/proekti/Elaborat.pdf

Сепак некој направил многу детална студија за ова. Браво. Sирнете ја, интересно е кој не видел како тоа изгледа.

Хотелот е баш тој, а подземниот паркинг се планира на местото каде што има многу паркирани коли (тоа е веднаш спроти хотелот) ако ги видиш координатите во google earth.

Ова се планира подолго време, имавме еден пријател од Хрватска кој е официјален претставник за Балканот на една јапонска фирма која гради катни гаражи со лифт и колите се редат како во библиотека подземја, кој дојде да разговара пред 3 години со локалната самоуправа, но не дојдоа до договор. Баш ќе побарам нешто повеќе за тие подземни гаражи, кои што надземно зафаќаат место колку за една кола.

Edited by гитардемон - 28-Dec-2009 at 01:24

Сето тоа што е покриено со натписот Манаки е всушност хотел Македонија. Не знам најточно, но мислам дека е заробен во некои денационализациони постапки, и абер нема од решавање. Бил денационализиран но не сака едниот да му го продаде својот дел на другиот, а заедно да работат не доаѓа во предвид, и такви глупости.

А што се однесува на влезот од кај Прилеп, се надевам ќе можам да сликнам бидејќи времето многу ме зафркава. Таму се гради уште една бензинска на Лукоил (треба да се регистрира), се премести бензинската на Макпетрол и се гради бензинска од новиот тип, а рушен е и пола рид и изгледа интересно, барем за битолски услови.

По асфалтирањето на кружниот тек, сега се дислоцираат објектите наспроти црквата “Св. Недела“ заради пробивањето на булеварскиот влез кај Дулието. Иако е крај на градежната сезона градежните работи кај Дулието, не намалуваат туку продолжуваат со несмален интензитет. По асфалтирањето на кружниот тек, поставувањето на осветлувањето, одбележувањето на хоризонталната и вертикалната сигнализација, работите продолжуваат на влезот во Битола од страната на Прилеп. Сега се работи на дислокацијата на неколките објекти, а на нивно место да се пробие булеварот од кружниот тек до Горно Оризари. Се дислоцира бензинската пумпа на “Макпетрол“ и таа ќе оди дваесетина метри во ридот. Иако оваа реконтрукција на бензинската пумпа беше планирана да се случи наредната година, сепак раководството на “Макпетрол“ донесе одлука поради завршувањето на градежните работи во Битола, предвидените пари да ги пренамени од источна Македонија за оваа пумпа. Исто така и сервисот на поранешен “Авторемонт“ ќе се реконструира, а паркингот кој е пред сервисот сега ќе се префрли зад сервисот во ридот, а целиот овој простор ќе добие нов модерен урбан лик. Неколкуте ресторани кои се на оваа локација на истата страна ќе се рушат, а нема да можат да се дислоцираат во ридот, туку ќе мора сопствениците да бараат друга локација. До населбата “Стрелиште“ ќе се “сечи“ ридот за да се направи простор за новиот булеварски влез. Напоредно со овои рушења и дислокации се работи на поместување на водоводната цевка која е дел од регионалниот водовод Битола-Могила-Новаци, а наместо старата која поминува под патот, ќе се дислоцира десетина метри покрај патот согласно проектот за овој дел од Битола. Не е прецизирано кој е крајниот рок за завршување на овој проект, а како одат работите за брзо време битолчани ќе имаат убав влез во градот, како што и наликува на Битола. Инаку околу финансирањето на овој проект, кружниот тек е финансиран од страна на локалната самоуправа, а булеварскиот тек се гради со средвста на Фондот за патишта, и е дел од регионалниот пат М-5. Со завршувањето на овој проект ќе се реши едеб горлив проблем, а од клучката кај село Кукуречани па се до село Кравари возилата ќе се движат по комплетно нови коловози, без разлика дали поминуваа низ Битола или по новоотворената улица “Железничка“.

http://wwww.informator.ws/novosti-od-bitola/6939-2009-10-13-20-56-39.html