Црна хроника

Повреден патник при каменување на воз

	Коментари (0)

Еден патник е повреден при каменување на патнички воз кој сообраќај на патниот правец Скопје - Битола.

Двајца непознати сторители вчера околу 15 часот го каменувале возот од железничката станица Зелениково кон Велес, кај железничкиот мост кај Кадина река.

Од каменувањето со повреди се здобил М.И. (62) од Битола, а бил скршен и еден прозорец од вагон. Полицијата трага по напаѓачите.

Машиновозач повреден во каменуван воз

Возот Кичево - Скопје нема да сообраќа

Возот до Кичево нема да сообраќа. Машиновозачите се заканија дека ќе престанат да возат на релацијата оти возовите секојдневно се каменувани, а и на пругите се поставувале препреки.

Со ова е загрозена безбедноста и на патниците и на машиновозачите.

„И понатаму ништо ако не се преземе, ние ќе мораме да прекинеме на тој дел на пругата да не патуваме, поради наша безбедна причина и безбедност на патниците“, вели Латко Јовановски, претседател на синдикат на машиновозачи.

Десет машиновозачи писмено се изјасниле и веќе не возат кон Кичево. Се откажуваат и контролорите. Избегнати се неколку сериозни несреќи, имало и повредени патници.

„Последниот пат имаше кај виканото место Кисела Вода наместено големи камења. Среќа што возот не беше полн со патници. Апелираме до месното население, до месните градоначалници на Радуша, Тетово, Гостивар. Последниот пат во Гостивар е повреден патник, со камен мавнат од надвор. секој ден прозорци ни кршат“, рече Јовановски.

Вработените се сомневаат дека зад ова стојат бизнис интереси на диви превозници, кои во трката за сопствена заработувачка, се обидуваат возот да го прикажат како небезбеден и луѓето да патуваат со нив.

Сето ова само ја надополнува и онака лошата слика за железницата. Нечистотијата почнува од влезната врата - лифтовите кои дури не работат се прва слика.

Ѓубре и пајажини, како со години никој да не поминал. Ништо подобра не е ниту сликата кога ќе влезете во старите, дотраени вагони.

Сето ова, заедно со нарушената безбедност како на кичевската релација ја води железницата во уште понезавидна позиција.

КАЈ НАДВОЗНИКОТ ВО СКОПСКА ШУТКА

Повреден патник во ка­ме­ну­ван воз

Зав­че­ра бил каменуван патнички воз, кој сообраќал на релацијата Ѓор­че Петров - Скопје Север, во близина на надвозникот во скопска Шутка, при што бил пов­ре­ден Н.М. (53) од Тетово, кој бил патник во возот.
Вед­наш по инцидентот, повредениот патник бил пренесен во болница заради ука­жу­ва­ње лекарска помош. За овој најнов инцидент била известена и полицијата која из­вр­ши­ла увид. Засега сe уште не е познато кој и зошто фрлал камења по возот.
Ова не е прв случај да биде каменува патнички воз. На удар претежно се патничките во­зо­ви кои сообраќаат на релацијата Скопје - Кичево.
По­ра­ди небезбедност на патничките возови, машиновозачите пред неколку дена се за­ка­ни­ја дека нема да превезуваат патници на оваа релација. (П.А.Л.)

Извор: дневен весник Вест