Битолски сообраќај (општо)

Денеска градоначалникот на Битола работно ги прослави првите сто дена од неговиот втор мандат. И во неговиот нов мандат продолжи со асфалтирање на битолскиот улици. Денеска механизацијата беше во центарот на Bитола кај Гроздот.

„ Завршена е целата процедура, тендерот е завршен, договорите се потпишани, значи неколку улици меѓу кои прва денеска е Ѓуро Ѓаковиќ ќе се асфалтира. Значи 100-те дена активностите на терен главно се со подготовка и асфалтирање на улицата Ѓуро Ѓаковик" изјави градоначалникот Владимир Талески.

Го прашавме колку очекува дека новиот заменик министер за транспорт и врски ќе помогне во лобирањето за повеќе средства од буџетот на траснпорт и врски за инфраструктурни проекти во Битола.

„ Многу ми е мило што во Владата на Македонија има уште еден човек битолчанец, посебно што е тоа нашиот советник Горан Михајловски, со кој што имавме доста успешна соработка и убеден сум дека тој ќе ни ги динамизира сите активности со министерството за транспорт и врски" вели Талески.

Градското шеталиште кое беше негов најголем проект во претходниот мандат сега е во темница.

„ Значи во почетокот имавме ден прекрасен проект за градското шеталиште, тој го финиширавме, го завршивме, меѓутоа како што знаете, на повеќе места низ градот урбаната опрема се уништуваше. Ние секоја пролет или лето имаме една програма за санирање на оштетените делови од нашата урбана опрема. Овој пат се случи еден голем дел од сите канделабри кои што ни беа на некој начин подарок или донација, да бидат уништени. Сега е во тек тендер, распишавме тендер за друг вид на канделабри поинакви поцрврсти со подруг материјал, јас сум убеден дека штом заврши целата процедура ќе ги добиеме тие над 100 канделабри и сите ќе бидат поставени на градското шеталиште" вели тој.

Ќе применат словенечко искуство за да си ја спасат урбаната опрема.

„ Видете полицијата во неколку наврати интервенираше, фати неколку групи, но изгледа дека тоа не е доволно и покрај тоа што се обидуваме со разни чуварски служби, сепак факт е дека она што беше поставено на градското шеталиште е уништено. Значи ќе го засилиме делот на чување на нашата урбана опрема, а да ви кажам искрено сега скоро се вратив од Словенија. Мислам дека е тој добар пример иако многу ни забележуваа и велеа дека не е коректно тоа да го направиме, ќе поставиме видео камери во секој случај низ целиот простор на градското шеталиште, секаде онаму каде што имаме урбана опрема, значи ќе оставиме на стручните луѓе да кажат каде точно ние ќе ги поставиме мини камерите каде што ќе бидат невидливи за голо око, а кои што ќе имаат за цел едноставно да ги чуваат односно да ги држат под будно око практично оние простори каде што имаме урбана опрема" вели градоначалникот на Битола.

Талески ветува дека ќе продолжат со асфалтирање на улици не само во градот и периферијата, туку и поодалечените населени места на територијата на општина Битола.