Јавно обвинителство и Финансиска полиција

Почна изградбата на зградата на Јавното обвинителство и Управата за финансиска полиција

Јавното обвинителство и Управата за финансиска полиција ќе добијат своја зграда. Изградбата на објектот почна денеска, а ја означиja премиерот Никола Груевски и министерот за правда Михајло Маневски.


Лоцирана е на кејот на Вардар во комплексот на државни органи. Објектот ќе биде со површина од 9.620 метри квадратни, ќе има кружна форма. Изградбата треба да заврши за 12 месеци. Средставата за реализација на овој проект ги обезбеди Владата во висина од 813 милиони денари.

Според премиерот Никола Груевски, со изградбата на оваа зграда ќе се реши еден долгогодишен просторен проблем на овие државни органи, а воедно се постапува и по бројните меѓународни препораки кои укажуваат дека не е добро јавното обвинителство и судовите да бидат сместени во исти згради како што е состојбата кај нас, туку треба да бидат одвоени.

Министeрот Маневски потенцира дека прв пат во Македонија се гради посебен објект за јавното обвинителство и оти заедно со веќе почнатата изградба на другите објекти за судството за една година се обезбедуваат 18.500 метри квадаратни простор.

Тој рече дека со новата зграда ќе се создаде можност за прифаќање на новите услови од новиот закон за кривична постапка и додаде дека ниту една Влада не посветила толку грижа и средства за да обезбеди услови за работа во правосудниот систем.

Јавниот обвинител Љупчо Шврговски се заблагодари на Владата што вложи напори да се почне со градба во услови на светска економска криза.

Одговорноста за реализација на проектот е доверена на Службата за општи и заеднички работи на Владата на Република Македонија. Според директорот Васе Доневски тие ќе настојуваат тој да се заврши според предвидената динамика.

http://www.sitel.com.mk/dnevnik/makedonija/pochna-izgradbata-na-zgradata-na-javnoto-obvinitelstvo-i-upravata-za-finansiska-p

Edited by leonid23 - 11-Oct-2010 at 15:33

Лупо не е работата дали смее или не смее да конкурира. Работата е дали техничките параметри ќе одговараат. Одредена маркица со тој облик, висина, опшружување и слично. Може би авторот би пробал некогаш да го модификува и да го поднесе на друг конкурс за некој нареден објект. На пример еве една маркица кружна има вцртано на кеј до Царина, можно е таму доколку сака да го прилагоди и поднесе.

Pa dobro, no cim ne bil izbran ne bi trebalo proektov da propadne. Islcrew znaci proektov sega ne moze da konkurira na drug konkurs ne?

Moze li istiot proekt da se iskoristi za druga lokacija i druga namena?

Edited by lupo - 05-Sep-2010 at 15:48

Од БИМАС 2010

Се разбира не е победнички

Автори:
Мартиноски Симон, Ставревски Звонко, Мартиноски Игор




Edited by Cloverstack - 22-Aug-2010 at 22:34

Има ли некој логично објаснување зошто се прави ова.

Излезе дека објектите што се градени 1970-80 претставуваат модерната архитектура кај нас.Забележете каква"градација":собранието,владата,уставен суд,финансиска полиција,сигурно за министерството за надворешни работи спремаат неолитна населба

Vo Banja luka videte kako go resija problemot, supermoderno ,nasive se uste vo vselenata, iskomplexirani smesale analiticka geometrija so istorija von pamet nemam zborovi bez nikakva analiza skrisum bez javna debata,se sramam vo go koja drzava se zivee.

Не најдов тема за "нова зграда на јавното обвинителство и финансиска полиција" па постирам овде.
Се на се лошо ни се пишива,и зградава на јавново обвинителство и таа на министерството за надворешни работи ќе бидат во јонско и во готски стил.

Е НАВИСТИНА ЈА ПРЕТАЕРАА СО ГЛУПОСТИ!!!!!!!!!!

НОВА ЗГРАДА ЗА ЈАВНОТО ОБВИНИТЕЛСТВО И ЗА ФИНАНСИСКАТА ПОЛИЦИЈА Кејот ќе се преполни со државни институции Роза Петкова Јавното обвинителство и управата за финансиска полиција ќе им прават друштво на Уставниот суд и на Министерство за надворешни работи, на кејот на Вардар. Овие државни институции ќе добијат нови простории во зграда со кружен облик, на просторот пред Македонската опера и балет. Објектот, кој ќе се наоѓа во иста линија со зградата на Уставниот суд, односно веднаш до отворениот амфитеатар што треба да се гради пред МОБ, доби маркичка во ДУП за „Мал ринг“, со една од неговите последни измени. Службата за општи и за заеднички работи на Владата распиша конкурс за идејно решение, но не е доделена прва награда. - Избрано е идејно решение, со тоа што прва награда нема туку се откупени два труда. Најверојатно, зградата ќе се гради според првиот откупен труд или ќе се направи компилација од двата - вели Васе Доневски, директорот на Службата. Објектот ќе биде кружен, во основата ќе има цилиндар, а нагоре ќе завршува со стеснување, односно во вид на конус. Висината на зградата, според планот, е 29 метри или осум ката, како и другите предвидени државни институции на кејот. - Објектот ќе биде во ист стил како и Уставниот суд и новото Министерство за надворешни работи што треба да се гради, односно во јонски и во готски стил, за да нема шаренило во еден простор. Засега се знае дека во кружната зграда ќе се сместат четирите јавни обвинителства и управата за финансиска полиција. Пред да се усвои планот, доколку е потребно може да се направат измени на висината или намената на просторот, па ако има место да се вселат и други државни служби - вели Доневски. Во Службата планираат изградбата да почне напролет. Парите ќе се обезбедуваат во неколку буџетски години. - За в година се предвидени приближно 300.000 евра. Поучени од искуството со зградата на Уставниот суд, на почетокот, веројатно, ќе ни требаат пет до шест месеци за да го исчистиме теренот, да ги тргнеме инсталациите и да го подготвиме просторот за градба - објаснува директорот на владината служба. Во моментот на истата локација веќе се гради новиот Уставен суд, а во истиот круг се планирани зграда за Министерството за надворешни работи и хотел од пет ѕвезди, кој треба да се наоѓа зад МОБ.

http://vreme.com.mk/DesktopDefault.aspx?tabindex=2&tabid=1&EditionID=1897&ArticleID=129530

Edited by ovaj_stariov - 21-Dec-2009 at 11:57

Оваа зграда не е истат со онаа што треба да биде МНР, така?! Уште една вероватно! Ова мора да е онаа кружната маркица што имаше со последната измена на ДУП Мал Ринг. Друга лмаркица неискористена, а покрај кејот сега за сега не ени е позната! Освен онаа подоле за МНР, ама тоа е друг објект.

Уште една зграда покрај кејот на Вардар Јавното обвинителство, Управата за фи­нан­си­ска полиција и Управата за спречување на перење пари ќе бидат сместени во нов објект. Владата веќе ја одбрала локацијата - покрај кејот на Вардар. Пари за отпочнување на активностите се одвоени во буџетот за 2010 година на владината Служба за општи и заеднички работи. "Во моментов се изработува идеен проект за објектот, и тој треба да биде готов до крајот на неделава. Потоа ќе почне процедурата за вклопување на објектот во Деталниот урбанистички план на Општина Центар. Не можам да кажам ништо по­кон­крет­но, освен дека е предвидено да се гради на локација кај кејот на Вардар, до онаа каде што се гради зградата на Уставниот суд", изјави Васе Доневски, директор на владината Служба. Јавното обвинителство сега е сместено во Судската палата во Скопје, а Финансиската полиција и Управата за спречување на перење пари се во зградата на "Технометал" во центарот на Скопје. http://vest.com.mk/?ItemID=C888EBB12C7B5D419A61B67EE269E8D0