Булевар АСНОМ / АВНОЈ (+изградба на нов мост)

https://www.facebook.com/albekatgrup2019/

Ваљда за старите скопјани меѓу нас. Мислам овој дел се викаше АВНОЈ а тој накај НЛ - АСНОМ.

Денешни фотки

Вака има на многу места на блискиот исток, и со оградата исто така спречува полукружно вртење од страна на автомобили.

А во Скопје има и кај универзална ако не се лажам.

Originally posted by skopskodete А може не ни има потреба да постои посебна лента за лево, и онака има три ленти.

Проширувања кај крстосниците се многу корисна работа. Прашање е дали три ленти константно е подобро од две ленти со проширени крстосници, тоа зависи од разни фактори.

Originally posted by zabegan дали проблемот може да се реши со регулација на семафорите со тоа што раскрсницата би можела да се премине во еден потег? мислам дека проблем е што како пешак треба 20 пати да застанеш на раскрсница, тоа е проблем со многу раскрсници во градов каде што нема простор да се застанува

Во право си, од пешачки аспект ова звучи многу подобро.

Не е сосема идеално:
- Не секоја крстосница би била ефикасна во таков режим на функционирање.
- Препрограмирање на семафорите само по себе ништо не гарантира - одреден процент преминувачи сепак ќе остануваат заглавени во средишниот остров.


Но во секој случај би било добро да се примени што пообемно, бидејќи пешаците губат премногу време на крстосници.

А може не ни има потреба да постои посебна лента за лево, и онака има три ленти.

Ако се оди на бетонирање и на поскапи фиксни интервенции, тогаш најдобро е средишната жардињера веднаш да се прошири и проблемот трајно да се реши.

Но не верувам дека градот во догледно време ќе се нафати да руши и повторно да инвестира во еден нов булевар, особено со толку многу битни проекти што чекаат финансии. Затоа предложив флексибилни пластични столпчиња како среднорочно решение, сигурно тоа е далеку помала инвестиција.


Edited by Cloverstack - 17-Jan-2021 at 00:22

Се согласувам, дефинитивно би било подобро со вклопување на некакви помали, преносливи жардинери, отколку тоа што предложив јас. Под услов тоа да оформува континуирана целина, инаку би произлегле други проблеми.

Негативна страна е трошокот, што би бил многу помал доколку наместо подлога и асфалт, во старт се направеше зеленилото пошироко, па сега врз изграден коловоз да доплаќаме уште и за саксии/жардинери.

Друг проблем мислам дека би било наводнувањето и дренажата на голем број така поставени садови за зеленило.

Edited by Cloverstack - 16-Jan-2021 at 23:26

Има еден несфатлива глупост што е направена со новиот сегмент на АСНОМ покрај населбата Јане Сандански. Кај пешачките пренмини, средишниот просторот за пешаци, велосипеди, и се друго, нема ширина ни 1,5 метри.

Овде нема простор да застане велосипед (освен можеби детски велосипед). Овде и без велосипеди, доволно е 7-8 души да застанат и веќе е гужва, а да не збориме ако се умешаат бебешки колички, инвалидски колички, електрични тротинети и слично. Освен што е нефункционално, оваа ситуација е и многу небезбедна.

Од друга страна, лентите на булеварот се широки по 3,5 метри за што не знам која била потребата - само си пукаме во нога и се стимулира побрзо возење (у исто време додека пешаци се принудени да стојат на ивицата од коловозот, и на велосипедистите тркалата им штрчат на коловозот). За нормални градски булевари доволна е лента со ширина од 3,25 метри. Всушност би рекол дека за булевари тоа е и оптимално, бидејќи помала ширина веќе почнува да се одразува на проточноста... 3,25 е некој sweet spot за овој тип на сообраќајници.

Според тоа, бидејќи кај крстосниците на овој сегмент имаме по 7 ленти, ако секоја беше широка по 3,25 метри (25 сантиметри помалку од сегашните), средишниот остров за пешаци ќе беше поширок за 1,75 метри, односно вкупната ширина ќе му беше пристојни ~ 3 метри.

Како „последица“ од такви потесни ленти, освен нормален побезбеден простор за пешаци, ќе имавме и 1200 m² повеќе трвник и зеленило наместо 1200 m² непотребен асфалт. И финансиска заштеда ќе имаше, како иницијална инвестиција, а и за тековно одржување.











Стварно не ми е јасно на какво ниско ниво треба да е планирањето, за да се провлекуваат вакви решенија кои немаат ни една добра страна, само редица лоши. Да беа проектантите фризерки и бурекџии, па да разберев... ама овој проект барем формално сигурно поминал процедура со еден куп институционални „филтри“.

Сега треба да чекаме 15-20 години да му дојде ред за темелна реконструкција на булеваров, па тек тогаш да се реши асално со физичко проширување на средишното зеленило на сметка на лентите. Во меѓувреме можат функционално да ги стеснат коловозните ленти и да го прошират средишниот простор со поставување на флексибилни пластични столбчиња, мада тоа е далеку од добро решение, ама подобро во моментов не ми текнува.

Се надевам дека ваква грешка барем нема да повторат на сегментот низ Ќерамидница, или кога ќе дојде ред да се прави сегментот кај Ново Лисиче.