Експресен пат Градско - Прилеп

Експресниот пат Градско-Прилеп на Коридор-10 ќе продолжи да се гради, надминат е застојот

Министерот за транспорт и врски Благој Бочварски при денешната посета на општина Прилеп најави дека се надминати проблемите со изведувачите на новиот експресен пат Градско-Прилеп. Тој рече дека проблемите се решени и со почетокот на претстојната градежна сезона ќе започне силно темпо на изградба на овој експресен пат што се наоѓа на кракот Д од Коридорот-10.

„Сакам да информирам дека за првата делница Градско–Дреново, Владата
донесе одлука да се преземат градежните работи од сегашниот изведувач и
во следниот период оваа делница да ја гради друга компанија која има технички и човечки ресурси за да ја доизгради оваа делница навреме“, изјави Бочварски.

Трасата од Градско до Дреновската клисура е долга 16 километри, а почна да се гради во летото 2018 година. Досега се завршени околу третина од вкупните градежни работи за оваа фаза од експресниот пат. Средствата од 23 милиони евра за неговата изградба беа обезбедени од фондовите на Европската Унија.

„Во однос на втората делница од Дреново до Фариш, тендерската постапка е завршена и сега понудите се во фаза на евалуација. Очекувам на пролет да имаме силна градежна активност паралелно и на двете делници“, додаде Бочварски.

Трасата од Дреновската до Фаришката клисура е долга 10 километри и истата почна да се гради во 2016 година. Досега се завршени околу 35 отсто од севкупните градежни работи на експресниот пат. Од ЈП за државни патишта веќе информираа дека најдоцна до февруари 2021 година треба да се склучи договорот за довршување на оваа фаза од експресниот пат, по што треба да продолжат градежните работи на терен.

Инаку, експресниот пат Градско-Прилеп во иднина ќе има по една сообраќајна лента во секој правец со ширина од по 3,5 метри, како и помошна лента за застанување од по 2,5 метри во секој правец.

Бочварски ја најави и третата фаза од овој проект, која ќе опфати реконструкција на целиот пат на Плетвар и проширување на постојниот пат со две ленти на ниво на експресен пат со три ленти.

Тој потенцираше дека во фаза на изработка е проектна задача за изградба на автопат од Прилеп до Битола, со што ќе се заокружи брзата патна врска кон Пелагонија.

Кракот Д на паневропскиот Коридор-10, почнува од долината на Вардар кај Градско, преку Прилеп, Битола и Флорина, води до грчкото пристаниште во Игуменица.

https://meta.mk/ekspresniot-pat-gradsko-prilep-na-koridor-10-ke-prodolzhi-da-se-gradi-nadminat-e-zastojot/

Не е тоа никаков документ, нема потреба да се глупираат со Флорина. И така Грција е прагматична и не губи време на такви членови, а ниту Македонија постигнува нешто или губи со употреба или не на локални имиња или официјални. Така да ништо не менува како се кажало или пишало.

Па согласно Преспанскиот договор, нашата страна е обврзана да не ги користи словенските термини, што е една од причината зашто јас во почеток не бев согласен со овој договор.

Originally posted by stratus Флорина

Тесалоники

Првата фаза од експресниот пат Градско-Прилеп ќе продолжи да се гради на почетокот од 2021 година

По повеќе од една и пол година застој во градежните работи, првата фаза од изградбата на експресниот пат Градско-Прилеп се очекува да продолжи да се изведува на почетокот од 2021 година. Тендерот за довршување на делницата меѓу Фаришката и Дреновската клисура долга 10 километри беше распишан на 4 септември, а рокот за доставување на понудите од заинтересираните компании е продолжен за 21 ден, односно трае до 24 ноември, информираат за „Мета.мк“ од Јавното претпријатие за државни патишта.

„По завршување на целосната постапка за евалуација и избор на изведувач според правилата на ЕБРД, се очекува договорот за градежни работи да му биде доделен на изведувачот во февруари, 2021 година. Рок за изведување на градежните работи е 730 дена (2 години)“, информираат од Јавното претпријатие за државни патишта.

Инаку, експресниот пат Градско-Прилеп се наоѓа на трасата на кракот Д на патниот Коридор 10, кој преку Прилеп, Битола и Флорина води до грчкото пристаниште во Игуменица. Европската комисија во најновиот Извештај за напредокот на нашата земја за 2020 година нотира забелешка дека работите за завршување на патниот Коридор 10-д во земјава се одложуваат од овдешните власти.

Првата фаза од експресниот пат Градско-Прилеп треба да има по една сообраќајна лента во секој правец од по 3,5 метри, како и помошна лента за застанување од по 2,5 метри. Изведбата на градежните работи запре во летото 2019 година, откако дотогашниот изведувач „Конструксионес Рубау С.А“ во март 2019 година најави напуштање на договорот за изведба на овој експресен пат. Шпанската фирма заврши само 35 отсто од изведените работи на патот, иако изградбата на експресниот пат беше започната во 2016 година.

Во однос на втората фаза од експресниот пат Градско-Прилеп, од Јавното претпријатие за државни патишта информираат дека заклучно со септември 2020 година, вкупната реализација на градежните работи е 34 отсто. Завршувањето на оваа фаза зависи од преговорите за асигнација на договорот за градба, кои се во тек. Станува збор за трасата од Градско до Дреновска клисура со должина од 16 километри, која започна да се гради во мај 2018 година. Средствата во висина од 23 милиони евра беа обезбедени од фондовите на Европската Унија за оваа фаза.

Изградбата на трите фази од експресниот пат Градско-Прилеп требаше да се заврши до 2020 година, но крајниот рок за неговото комплетирање се одолговлечи поради раскинувањето на договорот за реализација на првата фаза. Во меѓувреме, од ЈП за државни патишта во изминатиов период работеа на реконструкција на коловозот на постојниот пат меѓу Градско и Прилеп.

https://meta.mk/prvata-faza-od-ekspresniot-pat-gradsko-prilep-kje-prodolzhi-da-se-gradi-na-pochetokot-od-2021-godina/

Крајниот рок за поднесување понуди за делницата Фариш-Дреново, која претходно ја работеше Рубау, е 03.11.2020. Сега евалуацијата и потпишувањето на договорот ќе потрае, но сигурно ќе заврши до крај на февруари 2021 за да може да почне да се работи со почнувањето на градежната сезона.

Нема, не е веќе Прилепчанецот Министер, сега Штипјанец е.
Освен тоа и Директорот на државни патишта го сменаа и го поставија оној кадараот на ДУИ што беше долги години експерт - Директор на МК Пошти, кога ќе го додадеме и фактот што во оваа Ковид криза државата се презадолжи за пакетите мерки за помош на фирмите и граѓаните, тешко дека приоритет ке стане завршувањето на овој пат (како досега пак да беше). Затоа је преасфалтираа најоштетената делница од Дреново до почетокот на искачувањето на Плетвар. Пред избори и двете партии обеќаа автопат Велес - Прилеп а сега и веке започнатиот експресен го забаталија.

http://www.moepp.gov.mk/wp-content/uploads/2014/10/Pismo%20za%20namera%20za%20Proekt%20Izgradba%20na%20avtopat%20Veles-Prilep.pdf

Од 2014 постои писмо со намера за проект

https://tv21.tv/mk/na-pletvar-sekade-po-tri-lenti-reshavane-na-jazolot-okolu-bitola-najavuva-bochvarski/