Битолски сообраќај (општо)

Во селото Егри денеска се пушти во употреба асфалтен пат со должина од еден километар и 200 метри. Овој инфраструктурен проект е финансиран со еден милион денари од буџетот на општината Битола, а еден милион и 600 илјади денари од Центарот за одржлив развој АЛКА. Според градоначалникот Владимир Талески, овој проект е доказ дека општината вложува и во руралните средини, а не само во сообраќајниците во градското јадро.

- Во соработка со нашите постојани партнери се обидовме да асфалтираме и да придонесеме во делот на инфраструктурата и во руралните места. Егри е прекрасно место. Се сеќавате во 2005 година со помош на европските фондови пристапниот пат се стави во функција - вели градоначалникот Талески.

Мештаните се задоволни што овој пат конечно се асфалтира и што ќе го олесни животот на 70 домаќинства, односно 296 жители од селот Егри.

-Тампон беше овој пат, една третина порано беше готов, една третина сега се асфалтира, жителите се благодарни и остануваат уште 800 метри да се врзат сите улици во селото - вели Павле Митревски, претседател на МЗ.

Центарот за оджлив развој АЛКА во изминатите години имаат реализирано околу 7 проекти во битолските села. Од нивната работа заклучиле дека уште треба да се вложува за подобрување на условите за живот во селата.

-Ние секојдневно се среќаваме и велиме дека донаторите треба да ги продолжат своите активности, пред се за инфраструктурата, таа е една болка и предуслов за иден економски развој и од социјалната сфера треба да се вложува во реконструкција на училиштата затоа што долго време не е вложено во нив - рече Жарко Чипунов, извршен директор на АЛКА.

Следен проект на АЛКА е во областа на енергетскта ефикасност, осносно замена на дограмата во училиштето „Елпида Караманди" во село Доленци.

Наташа Чавдаровска
< ="" ="text/"> \n aktuel@tera.mk < ="" ="text/"> Оваа е-пошта е заштитена од spambots, треба да вклучите JavaScript за да ја видите < ="" ="text/">

Непредвидени проблеми, ја кочат работата на кружниот тек, кој се гради на влезот на Битола.Јавните набавки биле доделени на неколку фирми-изведувачи, кои подетално на фази, делуваат врз овој проект.
„Бидејќи е ова стара раскрсница ,а сега ја прошируваме во многу поголем обем, најдени се подземни инсталации со високонапонска мрежа едно десет киловолти кабел кој што опфаќаше еден голем регион од градот и имавме проблеми за нивна дислокација , а таа нивна дислокација беше условена со многу карпеста средина која што бараше специјални машини за нејзино отстранување."-вели Зора Симјановска сектор за комунални дејности

Овој нов проблем го забавил и финансиски го оптеретил проектот.

„Иначинот каде и местото ,локацијата каде да се постави тој кабел беше условен со ново проектно решение во зависност од тој детал пет , се бараше да се постави добра локација која што ќе ја опфати новата населба Ушици."-вели Зора Симјановска сектор за комунални дејности

Паралелно создавала проблеми и 40 години старата железна водоводна цевка која ги напојува населбите горно и долно Оризари.

„Исто така течеше тендер за да го средиме бидејќи таа цевка не се наоѓа на пазрот за да се купи и веднаш да се носи.Специјална фирма која што ја изработува ,тој вид на цевка и условени сме од нејзино поставување."-вели Зора Симјановска сектор за комунални дејности

Ова наметнувало и измени на проектот односно поставување на нови шахти.Во моментов работи еден изведувач.

„интензивно и денес бевме на лице место за некои работи односно ја отстранува постоечката коловозна конструкција од асвалт и поставивме тампон и веќе го оформивме тој кружен тек."-вели Зора Симјановска сектор за комунални дејности

Изведбата на работите продолжувал до стариот авто-ремонт па следувало дислокацијата на бензиската пумпа Макпетрол.

„Сега сме условени и од изградбата односно дислкацијата на пумпата Мкапетрол која што ќе има е во тек на вадење на докуманетацијата за изградба на истата."-вели Зора Симјановска сектор за комунални дејности

Следело дислоцирање на времените објкети, а како проблем се наметнал и продорот на водоводна инсталација под пругата,овде биле вклучени и Македонски железници кои изработиле проектно и надзорно решение што исто било времено условено.

„Овој објект е од капитално значење и е голем во фаза е и наизградба и на реконструкција значи сето тоа условува долг период на градба."-вели Зора Симјановска сектор за комунални дејностис

Буџетско покриетие бил овој проект за кого биле предвидени околу 45 милиони денари, но новите препреки,финансиски се наметнале, за кои во моментов вршеле детекција колку ќе чинат.Од општина предвидуваат дека се работело за не многу висока сума ,но и напоменаа дека средствата кои Државата им ги давала за влезот М5, во случај да неможат да ја заокружат и покријат сумата со буџетските пари,ќе ги искористат овие извори, зошто раскрсницата всушност и била дел од магистралниот пат М5.

КРУЖНИОТ ТЕК КАЈ ДУЛИЕТО ПОДГОТВЕН ЗА АЛФАЛТИРАЊЕ

Евроамбасадорот Фуере и Градоначалникот Талески денеска официјално го пуштија во употреба реконструираниот дел на патот М-5, проект поддржан со средства од европската унија и десет проценти учество на општината. 850 000 евра се од програмата Интерект 3, а останатите вклучувајќи ги и дополнителните првично непредвидени ангажмани ги финансираше општината. Инфраструктурно се делуваше на се што беше потребно за да не биде неопходно дополнително интервенирање.

 Денеска сме горди на еден проект со што се покажа дека Општина Битола има капацитет и знае да ги исполнува условите што ги поставуваат европските фондови:навреме аплициравме, имавме добри проекти, комисиите ни ги прифатија и навистина на наша голема заедничка радост сведоци сме денеска на официјалното пуштање на овој проект М5. Нашите граѓани знаат дека тој функционира веќе подолго време меѓутоа баравме еден добар термин каде што амбасадорот ќе биде присутен и затоа досега всушност и не го официјализиравме овој проект, вели Владимир Талески, Градоначалник на Општина Битола.

Обновата на патот е важна за поврзување на пограичните општини.

 Обновата на овој пат е поддржана како дел од програмата за прекугранична соработка и целта беше да се олесне транзитниот сообраќај кон Грција. Овој пат е навистина од особена важност во овој пограничен дел затоа што е единствен начин на комуницирање во недостиг на железница, вели евроамбасадорот Ерван Фуере.
 Ваквата комуникација треба да придонесе за промоција на претприемништвото, развој на локалните човечки ресурси, туризмот, како и други проекти поврзани со природата и културното наследство:

 Како што веќе знаете денеска јас со моите колеги допатувавме од Скопје со воз, стигнавме на време и се беше навистина одлично. Јас се надевам дека наскоро ќе го имаме и делот кој што ќе не поврзува и со Грција затоа што на овој начин ќе се испрати една многу позитивна порака како на политички и економски план, вели Ерван Фуере, амбасадор на ЕУ во РМ.
 Успешното реализирање на овој проект за локалната самоуправа е предуслов за реализација и на други предвидени проекти:

 Веќе отворивме една голема врата, имаме два прекрасни проекти: овој е инфраструктурен М-5 и уште еден кој што успешно се реализира тоа е во делот на туризмот меѓу Битола и соседниот Лерин, значи прекугранична соработка. Убедени сме дека иднината е токму во меѓуграничната соработка со соседна Грција и во соработка со администрациите на двете држави ќе направиме прекрасни проекти. Се надевам дека ќе има интерес и за индустриската зона, се надевам дека во идно време ќе можеме да ја ставиме во функција и железничката пруга и се разбира многу, многу проекти за кои што сега можеби и самите нема да се сетиме, вели Владимир Талески, Градоначалник на Општина Битола.    

За добивање европски пари за други проекти општината веќе се подготвувала, општинската администрација се обучувала, а се следеле и сите инструкции на оние кои бараат посебен концепт во аплицирањето.

Цветанка Ристевска
< ="" ="text/"> \n aktuel@tera.com.mk

Општината Битола од денеска ги почна интензивните градежни зафати, односно ги продолжува инфраструктурните активности од минатогодишните договори кои поради временските услови беа прекинати. Една од локациите каде што се работи е улицата во населбата Карпош која се подготвува за нов асфалт. Ведна потоа ќе почнат градежни работи на улицата „Ѓуро Ѓаковиќ" која е во лоша состојба.

-Се работеше водоводна инсталација која беше многу застарена, имаше многу прекопи, во моментот и Телеком поставува своја мрежа, потоа ќе вршиме асфалтирање - вели Зора Симјановска, раководител на општинско одделение за комунални работи.

За ден или два, вели Симјановска, ќе почне да се санира и улицата „Иво Лола Рибар". Паралелно ќе се работи и во населбата Мал Париз.

-Пробиваме улица во Мал Париз која е со земјен коловоз, има постоечка водоводна мрежа, сега проверуваме дали има евентуално дефект во канализационата мрежа, ако има ќе ја реконструираме, постоа следува пробивање на улицата - додава Симјановска.

Освен коловозните санации, општината на неколку локации ќе изведува и подземни инсталации.

-Во населбата Јени Маале продолжува реконструкцијата на водоводната мрежа, тоа со средства од државниот буџет, а со општинскиот буџет водоводна инсталација и канализација согласно програмата за уредување, работиме во населбата Буковски ливади. Таму ќе пробиваме и улица, „Апостол Здравевски" - вели Симјановска.

Градежните работи кои почнуваат овој период, се најавува дека ќе завршат за околу еден месец.

-Овие беа застарени улици од минатите години, со старост од 30 години, со право граѓаните реагираа - вели раководителката на одделението за комунални работи.

Со конституирањето на новиот совет следува формирање на нова комунална програма за новата градежна сезона.

- Приоритетите ги утврдивме, тие се утвредени и со развојните програми кои се однесуваат за период од три години - додава Симјановска.

Поголемиот дел од инфраструктурните и комунални актвности се финансирани од општинскиот буџет, а дел со пари од држаниот буџет. Општината и оваа година ќе настојува дел од потребните средства за реализација на проектите да обезбеди од ИПА фондовите за прекугранична соработка.