Булевар АСНОМ / АВНОЈ (+изградба на нов мост)

Има некоја нова слика од мостот?

Тоа го кажав и на почетокот,требаше прво да се оди со фаза 1 и фаза 3 а на крај да остане мостот бидејќи еве и да го пуштат следното лето нема ефект кога завршува во куќи.Знаеме како одеше експропријацијата за пералната на 3-та Македонска Бригада,исто и за патот кон Блаце така да ова ќе биде половичен проект бидејќи не се малку 150 објекти кои треба да се рушат доволно е еден-два да станат проблематични и отидоа 10 години.

Од подалеку

Да.

https://www.facebook.com/p.shilegov/videos/980554129108342/

Знае ли некој дали ќе биде запрена пешачката патека или ќе си продолжува континуирано под мостот?

https://www.facebook.com/albekatgrup2019

И на Шилегов му смета што „АСНОМ“ долго е непрооден за сообраќај



Дел од булеварот „АСНОМ“ во Ново Лисиче, во близина на Паркот на авиончето, веќе две години, одвреме-навреме, е непрооден за сообраќај. Поради тоа, многу често, од страна на Ново Лисиече не може да се пристапи кон мостот кој води кон излез од Скопје.

Од другата страна на мостот, едната коловозна лента речиси постојано е затворена, со што се стеснува патот, па се ствара метеж.

Граѓани повеќепати реагираа, најмногу преку социјалните мрежи, дека предолго е затворен тој дел од булеварот и дека мора да го вртат речиси цело Ново Лисиче за да излезат од таму.

Сепак, според градоначалникот Петре Шилегов, Град Скопје не е надлежен за решавање на овој проблем, иако булеварите се во надлежност на Градот.

На новинарско прашање, при денешниот почеток на реконструкција на „Февруарски поход“, Шиелгов рече дека тоа не се градежни работи кои ги врши Градот Скопје.

– Тоа се работи на колекторскиот систем на Градот Скопје, меѓутоа инвеститор и изведувач на работите е Министерството за животна средина и просторно планирање и е нешто што и за мој вкус трае предолго. Навистина, немаме ние ингеренции таму. Да беше барем дел од работата под капата на градот, барем дел од булеварот и неговата непроодност, ќе беше за неколку дена завршен – рече Шилегов.

Инаку, градежните работи за изградба на колектори на Вардар за собирање отпадни води, почнаа во јуни 2018 година.

Парите за колекторот се од ИПА 2, за проектот „Подобрување на инфраструктурата за собирање на отпадните води во градот Скопје“ кој предвидува изградба на колектор на десниот брег на Вардар во должина од 3,4 километри и тоа од булевар „Србија“ до Железничкиот мост и во него ќе се слеваат отпадните води од постојната пумпна станица „Горно Лисиче“, потоа колектор на левиот брег на Вардар во должина од 4,5 километри од точката на моменталното празнење на постојната канализациска мрежа до железничката пруга, како и изградба на колектор од пумпната станица „Макошпед“ до поврзувањето со новиот главен колектор на левиот брег на Вардар.

Проектот, требаше да биде завршен во февруари 2020 година, е финансиран со средства на Европската унија во износ од над девет милиони евра и ко-финансиран од буџетот на Македонија, во висина од 15 отсто.

По изградбата со колекторскиот систем ќе управува Град Скопје, поточно, ЈП „Водовод и канализација“.(Б.Б.)

https://nezavisen.mk/i-na-shilegov-mu-smeta-shto-asnom-dolgo-e-neprooden-za-soobrakjaj

Очгледно деновиве почнале и од другата страна,доста често минувам оттука немав претходно приметено активности од страната на Ќерамидница.

ИНТЕНЗИВНО СЕ ГРАДИ НОВИОТ МОСТ НА БУЛЕВАРОТ АСНОМ ВО АЕРОДРОМ

Градоначалникот Шилегов и вицепремиерката за економски прашања, Мила Царовска направија увид во градежните активности за проширување на булеварот АСНОМ и за изградба на нов мост на реката Вардар. Според интензитетот на градба, општините Аеродром, Гази Баба и Центар за помалку од две години ќе бидат поврзани со нов мост и модерно булеварско решение што ќе го релаксира сообраќајот во овој дел од Скопје.

Новиот мост на Вардар ќе ги поврзува улицата Васко Карангелевски во Аеродром со улицата Индустриска во населбата Ќерамидница, во Гази Баба. Вкупната должина на трасата изнесува 400 метри. Самиот мост ќе биде долг 150 метри, со 6 коловозни ленти, како и велосипедски и пешачки патеки од двете страни. Вредноста на договорот за изведба на оваа фаза изнесува 365,6 милиони денари со вклучен ДДВ.

- Денеска вршиме увид на интензивните градежни активности за изградбата на новиот мост на булеварот АСНОМ, односно втората фаза од пробивањето на булеварот. Веќе се поставени темелите, а мостот ќе биде со габарит како мостот Гоце Делчев и ќе овозможиме нов сообраќаен коридор од општина Аеродорм кон општина Гази Баба. Работите се одвиваат според предвиденото темпо и очекувам кон средината на идната година да го завршиме овој капитален проект, имајќи предвид дека вистински мостови во Скопје не се градени повеќе од 20 години – изјави Градоначалникот Шилегов.

По изградбата на новиот мост и пробивањето на новиот коридор, граѓаните од Ново Лисиче до Судската палата со автомобил ќе се стигнува за 5 минути, со автобус за 10 минути, со велосипед за 18 минути, а со пешачење за 35 минути. По овој мост ќе сообраќаат и нови автобуски линии кои дополнително ќе го намалат сообраќајниот метеж.

Изградбата на ваков мост на реката Вардар во планската документација на Скопје постоела уште од 1965 година, но за жал, заради отсуство на визија за развој на градот и немање чувство за вистинските приоритети неговата изградба била одложувана за некои подобри времиња.

Градот Скопје продолжува да гради по план изнаоѓајќи сообраќајни решенија кои ќе обезбедат одржлива урбана мобилност за граѓаните, а тоа ќе значи побрз, поефикасен, побезбеден и поеколошки сообраќај во Скопје. Во мај оваа година, целсно беше реконструиран и проширен булеварот АСНОМ на потегот од крстосницата со улица Васко Карангелевски до крстосницата со булевар Србија кај мостот Близнак. Проширениот булевар во Аеродром сега има по 3 коловозни ленти во двете насоки, пешачки и велосипедски патеки од двете страни на булеварот и средишно зеленило.



















https://www.facebook.com/CityofSkopje/