Св. Константин и Елена - Центар

Uste edno parkce otide kurban. Koce, Koceeee... imas li cuvstva za zivotna sredina?

локацијата е комплетно погрешна. Таму беше, не толку одамна црква ама не православна туку католичка., а паркчето , таму било гробје , закопувани луѓе.
Да беа овие верници немаше ни да помислат да градат објект било каков, требаше да си остане парк. Инаку кога се градеше палата Македонија , тогашна Алумина сакаше да гради и во паркот , имаше протести од станарите, се стопираше градбата и паркчето преживеа.

     
МЕТРОПОЛА


Датум: 21.08.2012, 15:46
ОГРАДЕНАТА ЛОKАЦИЈА ТРИ МЕСЕЦИ ЗЈАЕ ПРАЗНА

Ни траг ни глас од црквата пред АРМ



Просторот за изградба на црква пред домот на армијата во Центар од Македонската православна црква (МПЦ) го оградија уште пред три месеци, но до ден-денешен таму не е чепнато ништо. За идејата за која се зборуваше со години, сведочат само лимените тараби. Нема градежни машини, уште помалку работници.

Од МПЦ, кои се сопственици на локацијата, молчат зошто досега не се почнати градежните работи, ниту дадоа детали кога ќе се случи тоа. Од кабинетот на поглаварот господин господин Стефан не кажаа која е причината за одолжувањето. Упатија на информации во Скопската епархија, но и таму не беа расположени да кажат што се случува со оваа замисла - дали ќе се реализира, имаат средства или допрва прибираат, а и кога точно би почнале.

- Сигурно има повеќе причини штом не се почнати работите, но тие не се за јавноста. Органите на МПЦ ќе одлучат за с` што е поврзано со храмот и кога ќе биде потребно јавноста ќе биде информира по пат на соопштение - одговорија од Скопската епархија.

Иако поминаа три месеци од оградување на локацијата, сопствениците с` уште немаат градежна дозвола, само одобрение за подготвителни работи, потврдија од Општината Центар.

- Не можеме да кажеме кога ќе почне изградбата на верскиот објект. За тоа се надлежни од црквата. Тоа што можеме да информираме е дека постапката за градежна дозвола е во тек - изјавија надлежните оттаму, додавајќи дека од Секторот за сообраќај во Градот е издадено Решение за утврдување на режимот на сообраќајот.

Сепак и по добивањето на градежната дозвола не значи дека работите би почнале веднаш. Од Секторот за урбанизам појаснија дека по добивањето на одобрението, инвеститорот има рок од две години да почне со градежни работи.

За потсетување, маркичката за храмот првично беше на плоштадот Македонија, но поради политички и верски несогласувања, беше компромисно преместена на улица Македонија. Идејното решение е на архитектите Владимир и Искра Лековски. Пред четири години, тие ја добија третата награда на конкурсот распишан од Министерството за култура. Првата не беше доделена, со образложение дека ниеден проект не ги задоволил строгите верски и архитектонски критериуми. Објектот ќе биде со висина од 30 метри, но во делови каде што расте грациски, а ќе има и камбанарија висока 50 метри.

Анела Петрова
http://www.dnevnik.com.mk/default.asp?ItemID=6C8896247340694788873DCE657AC5AC

Originally posted by Ebatejuzernejm Како не глупости,убаво е да има и цркви и џамии. Е сега за оваа црква ми се допаѓа што ќе се гради до куќата на Мајка Тереза,би требало да биде голема,зошто ако не е за џабе ќе ја градат. Како и да е за поздрав е што се гради.

за потребата од црква во центарот на градот е милион пати дискутирано, исто така е дискутирано за големината на црквата според локациите на кои беше досега предвидена... и после сто тоа сеуште се избацуваат вакви коментари на форумов...

Одлично паркче беше тоа. А лани или предлани беше целосно реновирано...

Доста ми е веќе од цркви во Скопје. Овој национализам ќе не подели! Колку само цркви се изградија во Скопје последниве години. Работава, само господ не спадува за некое време, нели?
Излага дека затоа што албанците градат ко луди џамии ајде и ние цркви, да не сме поназад. Стави забрана за изградба на верски објекти во Скопје и крај.
Предлагам покрај спомениците и верските објекти да се најдат на block листата во иднина. Што е многу многу е.

не ги жалам толку паркчињата колку што го жалам самиот простор, катастрофа е што цел центар го натрупаа и насилно се набутаа со објекти на места каде што објекти воопшто не требаше да се градат, се губи драгоцен пешачки простор и слобода на движење, се гуши самиот простор и перцепцијата за него... Скопските улици, плоштади и паркови кои веќе постоеја, факт е дека премногу беа мали за така да се трупаат
трагично е што да не се работеше за проекти кои потекнуваат од политички умови, за истите цели ќе се искористеа разни бришани простори во градот, или простори кои се во полан да бидат бришани и повторно изградени, ама тоа е тоа...
да не збориме што во целиот тој јуриш врз градов, со години не гушат во градилишта, кои во нормална земја ќе беа под притисок да се завршат што е можно порано...

и кога ќе ми текне дека истиве креатори и поддржувачи на проективе сеуште јадат бурек за тоа како градски ѕид го затварал градот и им спречувал некакво струење на воздух, мука ми е...

да не го дужам, и претходно имам кажано дека оваа локација за црквата е далеку побезболна од онаа на плоштад, ама тоа не значи дека е безболна и дека е решение...

a vo Bitola da se dovrsi crkvata kaj Vero 100 godini se gradi uste ni do prizemje ne e

Датум: 13.05.2012, 15:17

ИЗГЛЕДОТ НА НОВИОТ ХРАМ „СВЕТИ KОНСТАНТИН И ЕЛЕНА“

Црква од бел травертин во форма на слободен крст
Новиот верски храм, кој Македонската православна црква ќе го гради пред Домот на АРМ, ќе биде во форма на слободен крст, а самата градба од бел травертин, обелоденија архитектите Владимир и Искра Лековски, кои се автори на идејното решение и на основниот проект. Пред четири години, тие ја добија третата награда на конкурсот распишан од Министерството за култура. Првата не беше доделена со образложение дека ниеден проект не ги задоволил строгите верски и архитектонски критериуми, кои беа барани на конкурсот.

Просторот за објектот, чија вкупна површина е 600 квадратни метри, деновиве веќе се оградува за почеток на градежни активности. Архитектите Лековски објаснуваат дека црквата расте градациски, од 12 метри во аглите, постепено во централниот дел достигајќи височина од 30 метри, со што визуелно објектот не ги надминува околните објекти. До неа, предвидена е и камбанарија од 50 метри, која ќе се извиши и над самиот храм.

Овој објект првично требаше да се гради на плоштадот Македонија, но поради политички и верски несогласувања, пред шест месеци, маркичката компромисно беше преместена на улица Македонија, поточно на платото пред Домот на АРМ. Всушност се работи за возобновување на стариот храм „Свети Kонстантин и Елена“, разурнат во земјотресот во 1963 година, а чија автентична локација, според монографиите за Скопје, била кај денешен Градски трговски центар, поточно кај Стопанска банка.

- Станува збор за храм посветен на светите цареви „Kонстантин и Елена“. Проектот е изработен од тим на 30 проектанти и нивни поттимови, но под наше раководство. Освен стандардните фази, статика, електрика, водовод, машинство, противпожарна заштита, изработени се проекти и за заштита на животната средина, илуминација, иконописна програма, за електроакустика и за акустика - објаснија авторите за дел од замислата.

Главниот критериум за изгледот, според архитект Лековски, е нејзината смиреност, стабилност, сакралност, пропорција. Станува збор за објект на македонска православна црква, на што укажуваат и самите пропорции. Притоа се потпирале на веќе познатите традиционални, како што потенцираат, редундантни архитектонски кодови.

Што се однесува до приспособувањето на објектот на новиот простор, авторите изјавија дека преку нови аналитички согледувања направени се корекции во проектната документацијата, со што тој е адаптиран за новите услови.

Анела Петрова



Почетокот на изградбата тајна
Иако подготвителните градежни активности почнаа, односно просторот пред Домот на АРМ веќе се оградува, почетокот на изградбата на храмот „Свети Kонстантин и Елена“, сите го држат во тајност. Инвеститор е Македонската православна црква, но оттаму не сакаа да коментираат ништо за финансиските извори - дали објектот ќе го градат со донации или, пак, со сопствени средства.

Од кабинетот на архиепископот Стефан за изјава упатија на Скопската епархија од каде рекоа дека јавноста ќе биде информирана навреме.
http://www.dnevnik.com.mk/default.asp?ItemID=C27E804FAA3E9D40883160BE7EF30379

Originally posted by Cloverstack Според досегашните информации, ќе биде истата онаа што ја планираа на плоштад.

рекоа дека ќе има само мали корекции за разлика од тоа што го видовме на спотот на Скопје2014