Топланата во Македонска Каменица пак ќе почне со работа

http://kanal5.com.mk/default.aspx?mId=44&egId=14&eventId=70803

Со обновен далновод Тетово ќе има доволно струја   Сите 133 нови столба на трасата од далноводот Вруток-Полог-Тетово треба да бидат поставени во текот на годинава        Како што велат од државниот преносен оператор МЕПСО, со замената на старите столбови ќе се отстрани ризикот од испади на далноводот и прекините во снабдувањето на Тетово со електрична енергија, поради кои во три наврати овие две години целиот град немаше струја со часови. Трасата, со вкупна должина од 33 километри, почна да се обновува во 2008 година, со замена на бетонските столбови со челично решеткасти столбови, кои имаат алуминиумски профили. Досега е завршена првата делница од 7,5 километри, како и половина од втората делница, а поставени се седумдесетина од вкупно 133 столба. Останува да се заменат уште столбовите што се наоѓаат на потегот меѓу Гостивар и Тетово.

http://www.novamakedonija.com.mk/NewsDetal.asp?vest=11211914276&id=10&prilog=0&setIzdanie=22179

„Макпетрол“ се задолжи со 4,85 милиони долари за да купи гас

21.12.2010 | 10:33 Извор: Макфакс Прочитано: 152 пати Испрати на пријател Сподели на Facebook Зголеми го фонтот Намали го фонтот

Компанијата за дистрибуција и трговија со нафтени деривати и природен гас „Макпетрол“ склучи договор со „Gazprom Export“ LLC од Русија за купопродажба на 130 милиони кубни метри природен гас, во кој е вклучено и количеството неопходно за пробната работа на „ТЕ – ТО“ АД Скопје.

За да го склучи овој договор пред неколку дена „Макпетрол“ склучи договор со НЛБ „Тутунска банка“ за издавање платежна гаранција во корист на „Gazprom Export “ LLC на износ од 4,85 милиони долари. Гаранцијата му се издава на „Gazprom Export“ како покритие за обврските на „Макпетрол“, што ќе настанат врз основа на Договорот за снабдување со природен гас. Во третиот квартал од годинава „Макпетрол“ работеше со добивка пред оданочување во износ од 185,9 милиони денари.

http://tocka.com.mk/index12.php?ID=28204

Германија ќе го финансира далноводот Албанија- Македонија Германската влада ќе ја финансира изградбата на 400 киловолтниот далновод Албанија- Македонија. Во известувањето до албанското министерството за надворешни работи стои дека германската влада преку банката за развој, КФВ одобрила многу поволен кредит во износ од 30 милиони евра, во рамките на добрата германско- албанска соработка. Оваа линија од висок напон е прва меѓу двете земји која ќе овозможува директен пренос на енергија меѓу двете земји. Истовремено овој проект ќе ја подобри поврзаноста на Албанија со регионалниот енергетски систем и ќе ја прошири интерконекциската линија исток- запад до Грција. -Изградбата на далноводот Албанија- Македонија ќе придонесе не само во економски развој на Албанија туку и во консолидацијата на регионалната соработка во регионот во енергетскиот сектор, во гаранцијата за редовно снабдување со електрична енергија како и интензивирањето на регионалните услуги во енергетскиот сектор меѓу двете земји, стои во соопштението. Вера Тодоровска

http://www.time.mk/read/NONE/0a93e62b6c/index.html

Тривијално е да се занимаваме и некои да ловат политички поени на тема кај треба да биде седиштето на идно можно министерство. Капа на нероден Петко. Ова прашање затворено со Член 6 од Устав на РМ "Главен град на Република Македонија е Скопје". Не дека сум против дисперзирани министерства, само што за вака мала држава ова е стварно непотребно, а од друга страна сосема возможно и не неупотребливо.

Во однос на потребата пред многу време мислам дека гоимавме ова дискутирано, идејата за министерство за енергетика ми се допаѓа, само што во тој случај ионака во Македонски услови најќество повеќето проекти се управуваат од некакви неформални совети од неколку надлежни министри и директори и практично не се знае на кого што му е ингеренција пасе собираат сите што е можно да им е ингеренција како гарант дека ингеренцијата е тука некаде измеѓу присутна. Така да не дека нешто многу ќе значи, освен што од Министерство за Транспорт и Врски и Министерство за економија ќе повлеќе многу ингеренции и ќе биде второто скапо министерство после Министерство за Транспорт и Врски. Освен што ќе послужи како добар поткусурувач во формирање коалиции, некоја посебна примена нема. Или па мотив за уште една барокна зграда во Скопје. Или Битола.


Edited by lslcrew - 09-Nov-2010 at 03:41

Еве вчера пак немаше електрична енергија во тетово, од 22:00 па се до денеска до 8:00, ако не се направи нешто Полошкиот регион ( или само тетово со околина ) пак ќе има проблеми 

Edited by Dragan - 26-Oct-2010 at 16:02

ПРОЕКТИ КРЕДИТИРАНИ ОД СВЕТСКА БАНКА Со „Луково Поле“ до повеќе струја Изградбата на браната „Луково поле“ е евтина инвестиција со голема рентабилност, која дури за 25 проценти ќе го зголеми капацитетот на мавровскиот енергетски систем, коментираат енергетичарите откако власта доби поддршка од Светска банка за кредитирање енергетски проекти. Според академик Томе Бошевски, со зголемување на дотурот на вода во хидроцентралите „Вруток“, „Врбен“ и „Равен“, учеството на овој систем во вкупното производството на електрична енергија ќе биде околу три проценти. Изградбата, пак, на далноводот ќе обезбеди директна поврзаност со Србија и посигурно снабдување со електрична енергија, посочи тој. - И двата објекти се приоритет во стратегијата и се наоѓаат на врвот според рентабилноста, со оглед на тоа што инвестицијата не е многу голема. „Луково Поле“ е најголем приоритет во енергетската стратегија и, практично, ќе значи зголемување на дотурот на вода во хидроцентралите за една четвртина. Другата придобивка е што се зголемува производството на електричната енергија од обновливи извори на енергија, што е обврска од меѓународната заедница - истакна Бошевски. Браната „Луково Поле“, која Македонија одлучи да ја гради сама без Косово откако со обележување на границата овој дел премина на македонска територија, ќе чини околу 40 милиони евра. Овој проект, заедно со далноводот кон Србија, ќе се финансира во првата година од кредитната линија на Светска банка, која ќе изнесува најмалку 150 милиони евра и ќе се реализира во период од три години. Се проценува инвестицијата да се реализира за четири години. Проектот предвидува акумулацијата да ги собира шарските води на кота над 1.590 метри надморска висина и потоа водата енергетски би се преработила во трите низводни хидроцентрали. - Најзначајната придобивка од овој зафат би била во енергетска смисла, односно годишното производство на „Електрани на Македонија“ би се зголемило за дополнителни 114 милиони киловат-часови електрична енергија преку трите веќе изградени хидроцентрали. Покрај тоа, со изградбата на овој зафат и со зафаќањето на водата се обезбедува постабилен биолошки минимум на реката Вардар, особено во најкритичните летни месеци, и користење на водите за индустриски и за земјоделски потреби - изјави Мирче Котевски, портпарол на ЕЛЕМ. Изградбата на далноводот од Штип до границата со Србија се пресметува на околу 20 милиони евра. Стручњаците велат дека во тој дел значајно ќе се подобри транспортот на електрична енергија, која досега за да стигне до Србија одеше преку Косово. Македонија има енергетска поврзаност со Грција кон која има два далноводи, еден неодамна пуштија кон Бугарија, а нема поврзаност со Албанија. Во меѓувреме, општина Струмица го повлече барањето до Светска банка за финансирање на проектот за гасификација на градот. Градоначалникот Зоран Заев вчера обвини дека овој проект го сопира Владата. - Владата ја бојкотира Струмица и го сопира нејзиниот развој. И по 10 месеци Министерството за финансии не дава согласност на нашето барање за кредитно задолжување на Општината кај Светска банка за гасификација на Струмица. Затоа, и официјално го повлекуваме барањето и се подготвуваме сами да го реализираме проектот - изјави Заев. С.М.

http://www.time.mk/read/NONE/2d330bd94f/index.html

Edited by Мартин - 14-Oct-2010 at 13:17

Па реална е. Колку толку се прочистија односите. Се донесе закон кој предвидуваше експропријација на енергетски објекти без посебна причина во комбинација со судскиот спор што се отвори ги ставија на маса односите и се дојде до некои резултати. Сег аова не знам што е детално со новиот закон, но монополизам и привилигирани позиции не смее да се доделува на приватни субјекти по никоја цена.

Апсолутно се залагам за една непопуларна опција и малку проблематична. Државата да го откупу назад ЕСМ, да го либерализира потполно енергетскиот сектор и да понуди на тендер чисти субјекти, со јасни долгови и граници на имот, со прецизирани обврски и права без матни сиви зони. Како што го расцепкаа ПТТ на пошта, мт, мт-нет и мобимак, така и тука. Може изгледа премногу сложено но дури и после пет години сеуште да не можеме да ја отплеткаме мрежата, мислам дека треба да се пресече јазолот.

Edited by lslcrew - 23-Sep-2010 at 21:25

За Македонија е подобро што побрзо да ја поскапи енергијата

Валтер Болц, генерален директор на Австриското регулаторно тело E-CONTROL

 

Ниските цени сами по себе не се лоша работа, сè додека ги одразуваат фактичките трошоци и ги поттикнуваат компаниите и понатаму да инвестираат во одржувањето на мрежите и во проширувањето, како и во постоечките или во нови електрични централи.

Секогаш кога принципот на рефлектирање на трошоците не се следи, земјата неизбежно се упатува кон енергетска криза со снабдувањето. За Македонија, ова најверојатно значи дека енергетските цени ќе се зголемат порано или подоцна. И колку и да изгледа чудно, ако ова се случи поскоро, на крајот ќе биде подобро за населението

Традиционалните извори на енергија во светски рамки сè повеќе се исцрпуваат, наспроти нараснатите енергетски потреби. Во една таква ситуација, на кои алтернативни извори, според Вас, треба да биде ставен акцентот?

- Тоа е една позната погрешна претстава: дека ги исцрпуваме конвенционалните извори на енергија, како што се јагленот, нафтата или гасот. Вистината е дека сè уште имаме релативно изобилство на фосилни горива за следните неколку стотици години.

 

Но, сепак, имаме предвид дека овие горива не може целосно да ги искористиме, бидејќи глобалната клима не може да се справи со резултирачките емисии на CO2, без притоа да се јави значително зголемување на температурата.

Решението на овој проблем е двострано: од една страна, треба да ја намалиме нашата потрошувачка на енергија и да станеме енергетски поефикасни.

Од друга страна, пак, мора да ја зголемиме искористеноста на обновливите извори на енергија, иако и овде достапноста - по разумни цени - е ограничена. Кога се користат обновливи извори на енергија, примарниот акцент треба да биде ставен на исплатливите потенцијали коишто се достапни во една земја, како што се хидроенергијата за електрична енергија и биомасата за греење во Австрија.

На транспортот му се потребни други решенија освен оние за топлинската или електричната енергија. Не постои златно правило, но вообичаено секоја земја се обидува да спроведе комбинација од сите овие мерки и технологии, во зависност од својата ситуација.


Во колкав степен сега се користат сонцето, ветерот, морските бранови и другите обновливи извори на енергија, конкретно, во европски размери, и какви се, воопшто, потенцијалите во таа смисла?

- Основната бројка во Европската унија е 8,5 отсто обновлива енергија во 2005 година, при што се планира овој процент да се зголеми на 20 отсто до 2020 година. Со цел да го постигне ова ниво, Европа ќе продолжи со користење на сите достапни технологии за добивање енергија од обновливи извори кај секој поединечен случај. Постои комбинирана слика во зависност од поединечните региони.

Земјите кои се поблизу до Северното Море, се обидуваат да го промовираат ветерот што дува кон морето, додека, пак, земјите на југ повеќе се насочени кон искористувањето на сончевата енергија.
Постојат, исто така, и одредени заложби за соработка со северна Африка, на пример, иницијативата „Дезертек“ во рамките на којашто го тестираме потенцијалот за производство од сончева и топлинска енергија во Сахара.

Каков е Вашиот став во однос на градењето атомски централи?

- Секоја земја може сосема слободно да одлучи која енергетска комбинација ќе ја користи. Во Австрија, на пример, владее силно политичко и народно мислење против постоењето нуклеарна централа.

Многу земји-членки на Европската унија имаат релевантен удел на нуклеарна енергија во својата енергетска комбинација. Во рамките на ЕУ, нуклеарната енергија придонесува со речиси 30 проценти во производството на електричната енергија. Се очекува овој удел да се намали, иако голем број земји ќе ги заменат нуклеарните централи што полека застаруваат.


Голем проблем, исто така, претставува енергетската ефикасност, поточно неефикасност, а тоа е особено изразено во Македонија. Како да се подобри состојбата на тој план, односно порационално да се користи и да се штеди скапата енергија?

- Вообичаено, транспортот и греењето се двете области од човековото живеење, коишто во себе содржат најголеми потенцијали за зголемување на ефикасноста во домаќинствата. Ефикасноста во овие области може, на пример, да се поттикнува преку субвенции за реновирање на зградите и за подобра изолација.

Но, сепак, секогаш е неопходно сите политички мерки да се засноваат на добра информативна основа, т.е. структурата на енергетската потрошувачка и нејзината природа мора да се анализираат, за да се утврди каде се јавуваат ризиците што и се закануваат на ефикасноста.

Таквите информации потоа водат кон заклучоци за потенцијали, и тоа не само кога станува збор за потрошувачката, туку и за производството. Токму тоа го направи и E-Control при изработката на т.н. Зелена книга за енергетска ефикасност во 2008 година, по барање на Владата. Оваа книга сега содржи низа конкретни политички мерки предложени за Австрија, трошоците што ќе бидат вклучени, како и количината на енергија којашто може да се заштеди.

Општо земено, првиот чекор секогаш е преминување кон цени што ги рефлектираат трошоците за сите видови енергија, со цел да се создадат вистински стимулации за енергетските потрошувачи, дури и ако ова на почетокот е непопуларно. Исто така, поголемиот дел од земјите-членки на ЕУ, релативно многу го оданочуваат користењето на енергијата, што резултира со поефикасно искористување на енергијата во Европската унија во споредба, на пример, со резултатите од САД.

Цената на електричната енергија во Република Македонија е меѓу најниските во Европа. Според Вашето мислење, до кога ќе биде издржливо тоа, имајќи предвид дека нашата земја, сакала или не, мора максимално да го либерализира пазарот?

- Се разбира дека ниските цени сами по себе не се лоша работа, сè додека тие ги одразуваат фактичките трошоци и ги поттикнуваат компаниите и понатаму да инвестираат во одржувањето на мрежите и во проширувањето, како и во постоечките или во нови електрични централи.

Секогаш кога принципот на рефлектирање на трошоците не се следи, земјата неизбежно се упатува кон енергетска криза со снабдувањето. Впрочем, трошоците на економијата за секој киловатчас којшто не е снабден се на крајот многу пати поголеми од трошоците за негово производство. Алтернативниот пристап би бил субвенционирање на енергетските цени со државни средства и нивно одржување на вештачко ниско ниво.

Онаму каде што се случува ова, останува фактот дека, на крајот, потрошувачите ја плаќаат целата цена. Кога станува збор за ваков систем, тоа е само индиректно наплаќање; и се разбира, ова е спротивно на принципите на модерната економија. Од кој било аспект да се разгледува ова, мора да биде јасно дека трошоците мора да се покријат.

За Македонија, ова најверојатно значи дека енергетските цени ќе се зголемат порано или подоцна. И колку и да изгледа ова чудно, ако се случи поскоро, на крајот тоа ќе биде подобро за населението.


Либерализацијата на европскиот енергетски пазар, пак, е сè поизразена. Какви се искуствата, позитивни и негативни, на земјите-членки на Европската унија? Во тој контекст, што содржи третиот пакет мерки за натамошна либерализација на енергетскиот сектор?

- Би било фер да се каже дека европските искуства со либерализираните енергетски пазари се во најголем дел позитивни за секоја страна, иако првично постоеше одредена доза на несигурност и страв, особено од страната на енергетската индустрија.

Досега, дури и енергетската индустрија ја прифати либерализацијата и егзистира - вообичаено релативно добро – со неа низ цела Европа. Иако се остварија многу придобивки за бизнисите и за домаќинствата, сепак, сè уште има многу активности што треба да се реализираат. Многу од научените лекции се вклучени во третиот пакет.

Тој е навистина сеопфатен и поединечните аспекти се поврзани едни со други, но клучните предности коишто ќе се постигнат се подобри и усогласени правила за прекугранично тргување, потоа ефикасна поделба кај системот за пренос и зајакнување на правата на потрошувачите.
И, конечно, третиот пакет воспоставува регулаторна агенција на ЕУ и механизам за дефинирање и приспособување на правилата на ниво на Европската унија за сите важни аспекти од енергетскиот пазар, без потреба од ново законодавство.

Со какви предизвици во тој поглед ќе се соочи Република Македонија како, се надеваме, идна членка на Унијата во догледно време?

- Имајќи го предвид енергетското acquis communautaire, би рекол дека целата Енергетска заедница е на добар пат кон транспонирање на вториот пакет, иако се чини дека процесот тече побавно од очекуваното. Ако Македонија сака да стане земја-членка на ЕУ, таа исто така ќе мора да направи голем напор за брзо да го транспонира третиот пакет којшто претставува предизвик.

Но, бидејќи имам информации дека и Енергетската заедница веќе го разгледува можното транспонирање на третиот пакет, би рекол, се чини дека Македонија го следи вистинскиот пат.

Што содржи агендата на Европската комисија за енергетика?

- Во еден говор одржан во јули, комесарот за енергетика, Гинтер Отингер, изјави дека следните чекори би биле пакет за енергетска инфраструктура во текот на есенва и промовирање на својата политичка цел, којашто подразбира интегрирање на пазарот до 2015 година.

Истовремено, очекуваме соопштение од Европската комисија за интегрирање на регионалниот пазар, а беше најавен и предлог за транспарентност и интегритет на тргувањето на пазарот на големо. Тој ќе воспостави соодветни правила за однесување на пазарот и регулаторна рамка за следење и надзор на овие пазари.

Притоа ќе биде опфатен секторот електрична енергија и гас, но можеби и пазарот на CO2. Уште една точка што се наоѓа на агендата на Генералниот директорат за енергетика е ревидирањето на акцискиот план за енергетска ефикасност, којшто ги промовира целите 20-20-20. И, се разбира, сето тоа е придружено од фокусот на Европската комисија на спроведувањето на третиот пакет.

За мене, најинтересни би биле новата структура на таканаречените „Регионални иницијативи“ и најавениот пакет за инфраструктура, коишто есенва треба да и се претстават на јавноста. Во моментов, Европската комисија ја разгледува можноста за потемелно следење на енергетското тргување. Сè уште не се знае кога ова ќе биде објавено. 

Кои се активностите на Агенцијата за соработка на енергетските регулатори, чијшто потпретседател на Одборот на регулатори сте Вие?

- Агенцијата за соработка на енергетските регулатори ќе започне со работа во март 2011 година. Во меѓувреме, веќе се одвиваат подготвителните активности со активна поддршка од поединечните европски регулаторни органи и од Советот на европските енергетски регулатори. Целта на Агенцијата е соработка со националните регулаторни органи за електрична енергија и за гас при извршувањето на нивните задачи од релевантност за Европската унија.

И во случај кога е неопходно, координирање на нивните активности. Во продолжение на тоа, Агенцијата има задачи поврзани со ENTSO (нововоспоставената Европска мрежа на оператори на системите за пренос на електрична енергија и на гас), следење на и известување за пазарите на електрична енергија и на гас, како и задачи поврзани со условите и барањата за пристап до и оперативната безбедност на прекуграничната инфраструктура. Агенцијата ќе работи на еден навистина транспарентен начин и ќе се потпира на јасната, правна основа од Регулативата за Агенцијата во рамките на третиот пакет.

Цените ги објавуваат учесниците на пазарот, а не политичарите

*Регулаторната комисија за енергетика на една држава, по дефиниција, е независно тело. Како ја коментирате ситуацијата кога премиерот ја информира јавноста за колку ќе поскапи електричната енергија, пред тоа официјално да го соопштат регулаторите?

- Енергетските цени за повеќето видови потрошувачи во Македонија се регулирани, додека, пак, E-Control во Австрија ги регулира само мрежните тарифи, а цената на производот произлегува од слободниот пазар. Ова би значело дека споредуваме јаболка и портокали, доколку сакаме да повлечеме паралела помеѓу различните системи со различни фази од отворањето на пазарот. Промените на енергетските цени во Австрија, вообичаено, ги објавуваат учесниците на пазарот, а не политичарите или регулаторниот орган.

Улогата на E-Control е да ги објавува промените на мрежните надоместоци што ние ги регулираме.
Што се однесува до ситуацијата во Македонија, би рекол дека не е од клучна важност кој орган ќе ги објави промените на цените, сè додека тие се резултат на пресметки направени од страна на регулаторниот орган, врз основа на транспарентна и конзистентна методологија, којашто соодветствува со принципите на добра и стабилна регулаторна рамка за енергетските видови поврзани со мрежите.

http://www.time.mk/read/9639e614b4/5d64f7e711/index.html