Отворен реконструираниот Национален диспечерски центар на АД МЕПСО Бизнис Премиерот Никола Груевски денеска го отвори целосно реконструираниот Национален диспечерски центар со кој АД МЕПСО управува со електроенергетскиот преносен систем на Република Македонија. - Оваа реконструкција значи нова и најсовремена опрема во Диспечерскиот центар, замена на диспечерскиот пулт, замена на целокупниот ентериер на салата на Центарот како и значително олеснета работа на диспечерите кои 24 часа дневно и седум дена во неделата го управуваат електро-енергетскиот систем на државата и се грижат за македонските корисници, рече премиерот Груевски. Тој истакна дека АД МЕПСО практично доби нов Диспечерски центар кој ги исполнува сите стандарди пропишани од меѓународните енерегетски организации и со кој се обезбедува навремено и ефикасно следење на производството, преносот на целокупната електрична енергија, потрошувачката, напонот, фреквенцијата, оптоварувањата на преносната мрежа и други потребни информации. - Вака организираниот систем за следење и управување со државниот електро-енергетски систем овозможува сигурно и стабилно снабдување со електрична енергија како на домашната економија така и на нашите граѓани, нагласи Груевски. Досегашнот директор на АД МЕПСО Владимир Здравев потенцира дека Македонија со реконструкцијата има Национален диспечарски центар еднаков на оние што ги имаат земјите во ЕУ. - Работата на диспечерите значајно ќе биде олеснета заради тоа што новиот дисплеј нуди модули и можности за полесно водење на системот и воочување на сите случувања во електроенергетскиот систем, рече Здравев, нагласувајќи дека сега Македонија е рамноправен партнер на Европската заедница на електроенергетски системи. Тој посочи дека досегашниот менаџерски тим на МЕПСО успеал загубата од 27 милиони евра во 2007 година, во 2008 да ја намали на 4,5 милиони евра, а во 2009 година да оствари добивка од 13,8 милиони евра. - Во 2010 година на полугодието компанијата е во добивка од речиси пет милиони евра, а до крајот на август добивката изнесува 7,6 милиони евра. Овој резултат е остварен во услови на намалена економска активност во нашата земја предизвикана од глобалната економска рецесија што претставува уште еден цврст аргумент дека деловната политика на менаџментот на АД МЕПСО е успешно избрана и доследно применета, рече Здравев. Досегашниот директор на МЕПСО истакна дека годинава по првпат компанијата доби еден милион евра за надоместоци за трошоците за транзит на електрична енергија низ македонскиот систем од Европската асоцијација на преносни систем-оператори (ЕНТСО-Е). Здравев нагласи дека во изминативе неколку години се реализирани многу значајни проекти во АД МЕПСО меѓу кои го истакна ставањето во функција на новата 400/110 KW-трафостаница Штип што е најголема инвестиција во енергетскиот сектор во источна Македонија во измјинативе 20 години. http://sitel.com.mk/dnevnik/biznis/otvoren-rekonstruiraniot-nacionalen-dispecherski-centar-na-ad-mepso

МИА фото

ЕВН ја осовременува електрична мрежа

Во Куманово, последните две години интензивно се работи на подобрување во снабдувањето со електрична енергија.

Се прават квартални анализи каде се појавуваат проблемите во зимскиот период па следните летни месеци мрежата се реконструира. Последните две години се поставени нови дваесетина трафостаници, а зајакнати се и постоечките на оние места каде што било неопходно. Сукцесивно се заменуваа старите дрвени бандери со нови бетонски, направени се два нови изводи со што ќе се зголеми довербата меѓу ЕВН и граѓаните - вели Атанас Ковачевски, портпаролот на ЕВН. 

Според Ковачевски, сите тие инвестиции покажуваат дека во 2010 година немало поголеми проблеми. Во наредниот период најавуваат реконструкција и дислокација на неколку трафостаници во градот каде што почесто се јавуваат проблеми, но и замена на дрвените електрични столбови како и ставање на нови кабли со поголем пречник. Од подрачната единица во Куманово известуваат дека според планираното,снабдувањето и наплатата до сега се задоволителни.

http://www.kumanovonews.com/vesti/vesti/evn-ja-osovremenuva-elektricna-mreza.html

Започна модернизацијата во Термоелелктраната на РЕК „Битола“

Пеце Стефановски	Коментари (0)

11.08.2010 15:22

Термоелектраната РЕК „Битола“

Со инвеситиција тешка 56 милиони евра, Државните електрани на Македонија ја започнаа модернизацијата на турбоагрегатите во Термоелектраната на РЕК „Битола“.

Пристигната е опремата за целосна ревитализација и модернизација на првиот блок и по демонтажата на старата опрема и постројки, до 25-ти октомври се очекува да биде инсталирана и ставена во функција, велат менаџерите на ЕЛЕМ, кои денеска го посетија најголемиот производител на електрична енергија во Македонија.

„Со овој проект очекуваме да го продолжиме работниот век на РЕК „Битола“ најмалку за дваесет години. Тука зборувам, пред се, на Термоелелктраната, зашто очекуваме да добиеме нови турбини, како за низо, така за среден и висок притисок, понатака, целосна модернизација на генераторите, а со тоа, ќе добиеме нови 120.000 работни сати за целата турбина од целиот блок“, рече денеска директорот на ЕЛЕМ Влатко Чинговски.

Во наредните две години, ќе се пристапи кон модернизација и на вториот и третиот блок, со што, покрај продолжувањето на работниот век на термоелелктраната за две децении, инсталираната моќност на трите блока ќе се зголеми за 25 мегавати со зголемување на производството на електрична енергија за 200 гигават часови годишно, без зголемување потрошувачката на јаглен. Паралелно со оваа инвестиција, ќе се обезбедат и потребните количества на јаглен, вели првиот човек на ЕЛЕМ.

„Активно работиме на сериозно отпочнување со експлоатација на јагленокопот „Брод- Гнеотино“, од каде што првите количества на јаглен веќе доаѓаат оваа година. Со тоа, ќе го релаксираме рудникот „Суводол“: Понатаму, започнавме со отворањето на подинските јагленови серии, од каде што очекуваме идната година да започнат да течат првите количества на јаглен, и на тој начин, со една комбинирана експлоатација на трите рудници, во наредните дваесет години РЕК „Битола“ да биде стожер на електроенергетскиот сектор во Македонија“, рече првиот човек на државните електрани.

Последниве четири години, во развојот на РЕК „Битола“ се инвестираат 100 милиони евра или 60% од вкупните инвестиции на ЕЛЕМ, велат менаџерите на оваа државна компанија.

http://www.time.mk/read/f4f3d118fa/91cbc356e0/index.html

Малешевијата со трафостаница на далечинско управување Делчево, 13 јули - Малешевскиот крај доби трафостаница на далечинско управување, со што се зголемува сигурноста во управување на мрежата во источниот дел на земјата, соопштуваат од „EVN Македонија“.

Трафостаницата  „Делчево“ е со јачина од 110 kV и е вклучена во централниот систем  за  далечинско управување на високо и  среднонапонската електроенергетска мрежа.

Со тоа, како и со зголемување на  мобилноста на  екипите во беровско и Македонска Каменица, се подобрува сигурноста во  управување со мрежата во источниот дел на земјава.

„Со софистицираниот „СКАДА“ систем овозможено е постојано далечинско набљудување на работата на трафостаниците, преглед на оптоварувањата во секој момент, реагирањето на заштитите, како и контрола на прекинувачите. Тоа овозможува помалите прекини во снабдувањето со електрична енергија да бидат санирани веднаш, а времето за лоцирање на поголемите прекини да се сведе на минимум“, соопштуваат од „ЕВН Македонија“.

Далечински се управуваат и скопските трафостаници на високо и средно напонско ниво,  како и 110 kV трафостаница „Теарце“.

По Делчево, наскоро во системот ќе бидат влучени и 110kv  трафостаници „Полог“ – гостиварско и „Овче поле“ – штипско.  / Журнал МК /

http://zurnal.mk/mk/cont.asp?k=21208181242&s=251209112732&ID=1371014139

Нова студија за старата топлана во Каменица

Општина Македонска Каменица работи на изготвување студија за активирање на постојната топлана во градот, која веќе десетина години не работи.

Според градоначалникот Дарко Митевски, студијата во која и Општината Македонска Каменица вложува сопствени пари треба да покаже дали може топланата да користи биомаса како енергент.

Воедно се очекува студијата да ги презентира расположивите капацитети за добивање биомаса во Источниот плански регион, како и за потенцијалите на расположливиот шумски фонд.

Студијата за ревитализација на топланата во Македонска Каменица е поддржана и со пари од Источниот плански регион, во чиј дел спаѓа и Македонска Каменица.

http://www.dnevnik.com.mk/?ItemID=CA6F5DFE69F0184AB9661B6634ED1B34

ЕВН - ОПШТИНА ТЕТОВО

Реконструкција на електроенергетската мрежа

Реконструкција на електроенергетската мрежа во центарот на Тетово е заеднички проект на ЕВН-Македонија и општинските власти за модернизација на мрежата и подобрување на снабдувањето со електрична енергија. Со овој проект, нисконапонската воздушна мрежа на улиците во најстрогиот дел од центарот на Тетово, се реконструира во подземна со зголемен кабелски капацитет.

Со ова заедничко вложување на општината и ЕВН-Македонија се елиминираат сите атмосферски влијанија и критични точки при снабдувањето, а истовремено подземната електроенергетска мрежа се усогласува со тековната реконструкција на улиците во градот Тетово. Такви проекти се предвидени и во други делови од градот Тетово, за што ЕВН-Македонија не ја исклучува можноста и за понатамошна соработка со општината.

Инаку проблемите кои во годините наназад се јавуваа со снабдувањето со електрична енергија во Полошкиот регион се веќе минато. Тетово и Долни Полог на крајот на минатата година добија нова 110 кВ трафостаница со која се обезбеди квалитетно напојување за потрошувачите од општините Теарце, Јегуновце, Желино и дел од Тетово.

Здуњчани против изградбата на далноводот Вруток - Тетово

Жителите не го даваат имотот без соодветно обесштетување

Киро Кипроски


ГОСТИВАР - Шаќир Муслиу, Аќиме Незири, Неџати Незири и Резак Ајдини од гостиварското село Здуње вчера се спротивставија на монтирање метални столбови за новиот далновод ХЕЦ „Вруток“ – Тетово што треба да се постават на нивно земјиште. За овој зафат, што требаше да го изведат работниците на „ЕМО - Охрид“, фирма ангажирана од АД МЕПСО. Жителите бараат обесштетување. Незадоволните здуњчани беа поддржани од дваесетина соселани на чии ниви во наредниве денови, исто така, треба да има метални столбови.

„Не сум против поставување метален столб. Но, прво да ми платат обештетување, а потоа нека градат“, изјави седумдесет и петгодишниот Шаќир Муслиу. Тој вели дека за 841 евро три години бил по судови и дека повеќе потрошил за адвокат и за судски трошоци, од надоместокот што го очекува. Муслиу нагласува дека парите за купување нива ги заработил со мака и деноноќно работење на печалба, а некој сака да му земе имот без пари.

Со поставувањето метални столбови среде ниви, тврдат луѓето од Здуње, пазарната вредност е намалена за неколку пати. Во овој дел на здуњскиот атар, кој е претворен во индустриска зона, понудата се движи меѓу 70 и 100 евра за квадратен метар. „Три столба треба да има на моите ниви. Тоа не го дозволувам додека МЕПСО не плати за отштета“, категоричен е Неџати Незири.

Пред три години, незадоволни од понудената сума од 15 евра за квадратен метар, оштетените здуњчани го тужеа МЕПСО. По неколку рочишта и вештачење на стручњаци по агрономија и економисти, лани, Основниот суд Гостивар донесе решение со кое наместо 15 евра, тужената страна треба да им исплати 27 евра. Ова решение МЕПСО го обжали. Како што вели Никола Стојанов, портпарол на компанијата, согласни се да ги обесштетат сопствениците по завршување на судската постапка кога ќе биде утврден. За оваа намена се депонирани средства.

АД за пренос на електрична енергија и управување со електроенергетскиот систем во државна сопственост МЕПСО има судски извршни решенија за да гради и да подигнува метални столбови, а сопствениците да не ги попречуваат. Стојанов потенцира дека компанијата сака на мирен начин и во договор со сопствениците да ги изведува теренските работи.

Новиот 110-киловолтен двосистемски далновод ќе го поврзува ХЕЦ „Вруток“ - со трафостаница Тетово е од огромно значење за Полошкиот регион. Не само што ќе го зголеми капацитетот за пренос на електрична енергија, туку 120.000 жители на Гостивар и Тетово и на селските населби редовно и навремено ќе се снабдуваат со електрична енергија. Пред две години поради дефект на стариот далновод, жителите на овој регион неколку дена беа во мрак. За три месеци се очекува целосно да завршат сите работи и новиот 110-киловолтен далновод да биде ставен во функција. За изградбата на 113 метални столба на трасата долга 40 км ќе бидат ангажирани 3.000.000 евра кредит од Европската инвестициона банка и сопствени средства на МЕПСО.

http://www.utrinski.com.mk/?ItemID=F252C049775DE54590205A72FBAFACC8

ЕЛЕМ досега произведе речиси половина од планираната енергија за годинава

- Во првите пет месеци од оваа година „Електрани на Македонија“ успеаја да произведат 47,7 проценти од вкупното планирано производство за оваа година. -  генералниот директор на АД ЕЛЕМ, Влатко Чинговски на свеченоста што по повод  Денот на македонското електростопанство се одржа во РЕК Битола.   Произведените 47,7 отсто значи натфрлање за 9,1 насто од планираното производство на енергија во првите пет месеци од 2010. Чинговски нагласи дека дополнителен успех е фактот што се е реализирано со намалено производство на електрична енергија од страна на термоелектраните. Според Чинговски, најголемиот дел од произведената енергија паднала на грбот на хидроелектраните во земјава кои оствариле производство колку за цела година. - Ако за цела година од  хидроелектраните сме планирале производство на 1.147 гигават часа, само за првите пет месеци „Електрани на Македонија“  произвеле над  1.190  гигават часа, што значи го натфрлиле годишниот план  за 3,5 насто. – нагласи Чинговски.

http://www.kurir.com.mk/index.php/vesti/makedonija/12857-elem-proizvedena-energija

cebren i galiste se gradat?cccccc kolku se neinformirani nasive novinari

vakvi vesti navistina me zbunuvaat. Ednas se veli deka nemame dovolno jaglen a potoa ke se pojavi nekoe otkritie na ogromni kolicini na istiot. Ako e tocno ova, propaga vo voda namerata da se gradi nuklearna centrala. Sepak imame dovolno jaglen! 

Do sledniot novinski tekst