Инфраструктура (општо)

Овој мост е исто така во Демир Капија кој го гради Актор и кој ќе биде добра замена за досегашниот кој е веќе небезбеден особено за тешки товарни возила а исто така е направена обиколница која веќе е асфалтирана.

Да ја тргнеме политиката настрана,во текстот има МНОГУ ВИСТИНА

Република Македонија од крстопат до слеп пат

Добрите познавачи сметат дека поради лошата владина политика, државата неповратно има загубено околу седум милјарди директни инвестиции, а десет пати повеќе ако се има предвид дека тие проекти би се користеле со векови. Ова е доказ дека што можат да расипат неколку болни умови не може да поправат милион здрави умови.

Во јуни 2002 година, Европската Унија го формира - Регионалниот Балкански инфраструктурен транспортен проект – REBIS (Regional Balkans Infrastructure Study), кој се однесува на балканските држави: Албанија, Хрватска, Македонија, Србија, Црна Гора и Косово. Целта на REBIS е да им помогне на овие држави во развојот на кохерентни развојни стратегии во транспортната инфраструктура (железници, патишта итн). Овој проект посебно е фокусиран на развојот на регионалната основна мрежа која е поволна за меѓународно финансирање, каде што особено се вклучени врските меѓу сите седум главни градови и други важни градови во регионот плус Бања Лука. Исто така, тој е фокусиран и на пристаништaта Солун, Драч, Риека, Сплит, Дубровник, Плоче, Бар и Валона.

Основната мрежа вклучува околу 6.000 км патна мрежа (од коридорите IV, V, VII, VIII и Х), и 4.300 км железничка линија, но и бројни други проекти. Транспортна и енергетска инфраструктура во Југоисточна Европа - TEISEE (Transport and Energy Infrastructure in South East Europe) е проектот со кој Европската комисија ги има дефинирано основните транспортни мрежи во регионот при што, во главно се концентрирала на економско исплатливи транспортни проекти за целиот регион.
Соодветно со проектот REBIS, беа предвидени да се потрошат над 2.5 милијарди евра, од кои најголема сума во патни проекти.

Деталната селекција на железничките проекти за среднорочни планови ќе зависела од подготовката на опфатени бизнис-планови од железнички компании. Планирањето би требало да ги вклучи државните и регионалните интереси и би требало да се наблудуваат и координираат низ SEETO (South Eastern Europe Transport Observatory). Практично оваа институција ја анализира и политичката состојба на секоја држава поединечно. До крајот на 2017 година беа предвидени да се потрошат над 4 милјади евра, а долгорочно над 12 милјарди евра.

Ни бега ли Коридорот 8?

Еу продолжува да инвестира во компоненти на Коридорот 8 во Бугарија и Албанија, но слабо во Македонија. Имено, има силни инвестиции во пристаништето Драч (Durrës) во Албанија што претставува излез на Јадранското Море за Коридорот 8. А Бугарија веќе ги спрема пругите за брзина од 200 км на час. Исто така евидентно е дека патната мрежа на К8 претрпува суштински измени. Првин, владата на РМ, освен што самата водела катасрофална политика, таа на важни регионални средби, наместо врвни експерти праќала партиски кадри за да земат дневници. На тие средби вообичаено беа пратени низок ранг или професионално некомпетентни кадри. Така што државата е доведена од - регионален крстопат до балкански слеп пат. Таа со својата политичка индиферентност и некохерентност практично го елиминира од европскиот приоритет македонскиот дел на „Коридорот 8“ (со сите негови пропратни компоненти). Загубата е тешки милјарди, не само поради непотрошените пари и неизградените објекти, туку и поради транзитната такса која ќе беше во просек околу 80 милиони евра годишно, а ќе се отвореа и голем број работни места во - одржувањето на инфраструктурата, угостителски услуги, бензински пумпи, механичарски услуги итн. Но, нашата власт цело време се посветува на негативниот популизам и прекројување на некоја нова историјата секако чудна колку и нејзиното водство, што резултираше во огромни финасии фрлени во гипс и бетон. Барем да беа тие пари инвестирани во јавно здравство, сега државата ќебеше регионален медицински центар и милиони заработка.

Како замена за пропаднатиот К8 кај нас, Грција веќе ја доврши својата верзија на „Виа игнациа“(автопатот од турска граница до Игуменица) со 76 тунела и 1,650 мостови. Од друга страна Албанија има изградено исто така модерен автопат од Драч до Морина, кој автопат продолжува до Приштина, а наскоро ќе започнат работите на автопатот Приштина - Ниш па се до Софија и со тоа се создава прстен околу Македонија и за жал по своја вина е претворена во слеп пат.

 

Дали Македонија ќе го загуби својот краг во ТАП (TAP)?

Овај гасовод со помош на мега-гасоводот TANAP ќе транспортира природен гас од Азербејџан, односно од полињата "Шах Дениз II" до турско-грчката граница, па од таму со помош на ТАП низ Грција и Албанија до Италија. Имено ТАП ќе помине низ северна Грција, јужна Албанија и јужен Јадран и ќе биде поврзан со eвропската гасоводната мрежа во јужна Италија (Бриндизи). Владите на Грција и Албанија му дадоа безрезервна поддршка на овај проект што веќе се гради, сметајќи го истиот за најголема енергетска инвестиција на Балканот во последните 100 години. За државите низ кои поминува овај гасовод, проектот нема големо значење само поради транзитниот профит, снабдувањето со ефтин енергенс и бројни работни места, туку и пради тоа што тие држави ќе се здобијат со силна регионална геополитичка позиција.

Се предвидува поектот да има два крака. Првиот ќе биде – Јонско јадрански гасовод IAP (Ionian Adriatic pipelines) во должина од 516 километри, кој од Албанија ќе продолжи за Црна Гора, Босна и Херцеговина и Хрватска, додека вториот крак (WBR – Western Balkan Ring), од Албанија се приклучува во Струга и продолжува низ Македонија, потоа за Косово и Србија. Тука Македонија добива транзитна позиција за разлика од веќе пропаднаатиот руски проект „Јужен тек“ кој на државата и нудеше само крак за снабдување, а и тоа не беше сигурно. Веројатно тоа е подарок од „странските служби“ што и посакуваат „лошо“ на Македонија? Дали и овај пат водството на државата пак ќе работи против интересите на својата држава

http://www.plusinfo.mk/mislenje/1629/republika-makedonija-od-krstopat-do-slep-pat

Кои се другите капитални проекти за годинава?

Годинава ќе се работи на повеќе крупни капитални проекти во повеќе области. За енергетика и комунална инфраструктура се предвидени 4.008 милиони денари. Продолжува изградбата на националниот гасоводен систем, со 554 милиони денари ќе се уредува инфраструктурата во слободните економски зони, со 1.599 милиони денари ќе се градат и реконструираат здравствените установи, ќе се набавува медицинска опрема, ќе се отвори ПЕТ центарот.

-Во 2016 година ќе се интензивира имплементацијата на проектот за изградба, реконструкција и доградба на Клиничкиот центар „Мајка Тереза“ во Скопје и регионалната клиничка болница во Штип, финансиран со заем од Банката за развој при Советот на Европа, велат од Владата.
http://denesen.mk/web/?p=391763

НАЈДОЛГИОТ МОСТ ВО СВЕТОТ: 42 километри над вода

Јиаожоу се ноаѓа во кинеската провинција Шандонг, долг е 42 километри, а од 2012 е во Гинисовата книга на рекорди како најдолг мост во светот.



http://www.telegraf.mk/video/24casa/294791-najdolgiot-most-vo-svetot-42-kilometri-nad-voda-video

Edited by jyvation - 03-Aug-2015 at 13:41

Изградба на мост на државен пат 29471 кај Злеово

Нови 305 милиони евра од ЕБОР за Македонија за подобрување на патниот и железничкиот сообраќај



Европската банка за обнова и развој и одобри на Република Македонија средства во вкупен износ од 305 милиони евра и тоа: 145 милиони евра за втората фаза од железничката пруга кон Бугарија, односно Бељаковце – Крива Паланка и 160 милиони евра за Програмата за национални патишта.

Средствата се добиени под исклучително поволни услови (условите се исти за двата кредита): рок на отплата 15 години со грејс период од 4 години и каматна стапка која во моментов изнесува 1,15% (6 – месечен ЕУРИБОР плус 1%).

Со 145-те милиони евра кои ги одобри ЕБОР за изградба и реконструкција на постоечките делови од железничката пруга од Бељаковце до Крива Паланка, обезбедени се сите потребни средства за да се заврши втората фаза за поврзување на пругата кон Република Бугарија . Со изградбата на оваа делница ќе се создадат поволни услови за насочување на економијата кон меѓународниот глобален пазар, потикнување на инвестициите и зголемување на бруто домашниот производ.

За квалитетна подготовка на втората фаза ЕБОР преку инструментот Инвестициска рамка за Западен Балкан на РМ и додели грант во износ од 5.700.000 евра за изработка на основниот проект и покривање на дел од трошоците за надзор на градежните работи. Дополнително, ЕБОР ќе обезбеди грант средства во износ од 670.000 евра за консултантска помош за имплементација на проектот.

За Делницата 3 од Коридорот VIII: Крива Паланка – граница со Република Бугарија средствата ќе се обезбедат по завршување на сите подготвителни активности за оваа делница. Финансирањето ќе се обезбеди со грант од ИПА 2014-2020 и заем од меѓународни финансиски институции.

ЕБОР одобри и 160 милиони евра за Програмата за национални патишта. Овој проект е дел од политиката на Владата за подобрување на квалитетот на патната инфраструктура во Република Македонија. Проектот ќе го имплементира ЈП за државни патишта.

Реализацијата на Програмата за национални патишта ќе биде поделена во две транши.

Првата транша во износ од 74 милиони евра ќе се користи за изградба на експресен пат, делница мост на р. Раец – клучка Дреново и за реконструкција на патниот правец Штип-Кочани на ниво на експресен пат. Со реконструкцијата на постојаниот пат Штип-Кочани на ниво на експресен пат, постојаните проблеми ќе бидат решени, а брзината на движење од сегашните 50(60) км/час ќе се зголеми на 100 км/час. Ќе се изврши реконструкција и проширување на постојаната ширина на коловозот од 6,5 м на 12 м во должина од 26 км. Трасата започнува од Штип потоа продолжува меѓу населените места Чардаклија, Долни Балаван, Крупиште, Чифлик, Облешево и завршува во Кочани. Експресниот пат ќе биде од големо значање за економскиот развој на Источна Македонија, а особено за развој на земјоделието.

Втората транша во износ од 86 милиони евра ќе се намени за изградба на патните правци: експресен пат Охрид-Пештани и автопат Струга –Требеништа. Изградбата на новиот експресен пат Охрид – Пештани во должина од 14,5 км ќе се гради паралелно на постојаниот пат покрај плажите, а во понатамошниот период ќе биде меѓусебно поврзан со попречни локални патишта. Со изградба на оваа делница на ниво на експресен пат ќе се олесни протокот на сообраќајот низ населените места особено во летните месеци од годината. Автопатската делница Требениште – Струга е со должина од 8,5 км. Автопатското решение предвидува изградба на нова делница со коловоз од по 2 ленти со ширина од 3,75 м и по една застанувачка лента со ширина од 2,5 м во секој правец. Проектна брзина за движење на возилата ќе биде 120(130) км/час.

По усвојување на Предлог законите за овие заеми ќе се склучат договори меѓу Република Македонија и ЕБОР и „Македонски железници“, односно ЈП Патишта.

Овие 305 милиони евра инвестиции во инфраструктурни проекти значат нови работни места, значат работа за македонските фирми, значат економски развој на земјава. Европската банка за обнова и развој со овие средства дава поддршка на политиките на јавни инвестиции кои ги спроведува Владата на РМ.

http://netpress.com.mk/novi-305-milioni-evra-od-ebor-za-makedonija-za-podobruvanje-na-patniot-i-zheleznichkiot-soobrakjaj/