Интернет и телекомуникации

Започна постапката за доделување радиофреквенции за 5Г

Агенцијата за електронски комуникации (АЕК) ја стартуваше постапката за објава на тендер со којшто ќе додели одобренија за користење на радиофреквенции за петтата мобилна генерација 5Г. Регулаторното тело објави намера за спроведување постапка на јавен тендер со јавно наддавање за издавање ограничен број одобренија за користење радиофреквенции и отвори јавна расправа за објавениот број одобренија која ќе трае до 5 следниот месец. Дотогаш заинтересираните треба да достават намера за добивање радиофреквенции.

– Предмет на јавниот тендер се: – 2х30 MHz во фреквенциски опсег 694-790 MHz, – 328.5 MHz во фреквенциски опсег 3400-3800 MHz и 800 MHz во фреквенциски опсег 24.25-27.5 GHz – стои во објавата.

Агенцијата планира да додели три одобренија за користење на радиофреквенции во опсегот 700 MHz, седум одобренија за користење на радиофреквенции во опсегот 3.x GHz и четири одобренија за користење на радиофреквенции во опсегот 26 GHz.

– Ако бројот на заинтерсираните страни е помал или еднаков на предвидените одобренија за доделување тогаш постапката продлжува со поднесување барања до АЕК од заинтерсираната страна. Ако тој број е поголем постапката продолжува со постапка на јавен тендер или јавен тендер со јавно наддавање како што е предвидено во член 134 од Законот за електронски комуникации – изјавија за МИА од АЕК.

Од АЕК во објавата појаснуваат дека фреквенциските опсези 700 MHz, 3.х GHz и 26 GHz согласно своите пропагациски карактеристики претставуваат важен ресурс за обезбедување електронски комуникациски услуги на корисниците преку 5Г мрежа.

– Поради ограничениот слободен фреквенциски ресурс од само 2х30 MHz, 368.5 MHz и 2.7 GHz, соодветно за горенаведените опсези, потребно е да се ограничи бројот на одобренија. Во согласност со регулаторната политика во однос на користењето на радиофреквенции за обезбедување на јавни мобилни електронски комуникациски мрежи/услуги, за обезбедување на услови за присуство на пазарот на повеќе од два мрежни оператори на јавни мобилни електронски комуникациски мрежи/услуги, Агенцијата планира одобренијата А1 и В1 да ги резервира за доделување на нов мрежен оператор – наведе АЕК во образложение за причините за објавениот ограничен број одобренија за
користење на радиофреквенции што ќе се издаваат.

Операторите што ќе добијат одобрение за национално покривање се должни со новоиздадените и постоечките одобренија за користење на радиофреквенции да обезбедат покриеност, согласно Националниот оперативен бродбенд план. Конкретно , до крајот на 2023 година најмалку еден град да биде покриен со 5G сигнал, а до крајот на 2025 година, главните коридори согласно Договорот за основање на транспортна заедница на основната и сеопфатна патна мрежа во државата да бидат покриени со непрекинат 5G сигнал. До крајот на 2027 година сите градови во државата да бидат покриени со непрекинат 5G сигнал, а до крајот на 2029 година, секој граѓанин да има можност за пристап до интернет преку 5G со минимална брзина на пристап до интернет од најмалку 100 Mbps.

Сите заинтересирани страни што сакаат да ги користат објавените радиофреквенции треба да достават писмо за искажување интерес најдоцна до 5 јули годинава во архивата на Агенцијата за електронски комуникации на адресата Кеј Димитар Влахов бр.21 1000 Скопје.

Тони Јаневски, професор во областа телекомуникации на Факултетот за електротехника и информациски технологии (ФЕИТ) при Универзитетот „Св. Кирил и Методиј“, смета дека според сите предвидувања во светски рамки, до средината на оваа декада, некаде до 2025 година, доминантна и понатаму ќе биде 4G, бидејќи за новата 5G ќе биде потребно време да се имплементира и потоа да пенетрира на пазарот на мобилни услуги во дадена земја.

Но, како што укажа Јаневски во интервју за МИА, ова не е нешто ново за 5G, тоа се случува со секоја мобилна генерација кога се воведува за првпат. Притоа, секоја земја оди со своја динамика при воведувањето на новите генерации на мобилни технологии. Земјите тоа не го прават изолирано од другите, туку во хармонизација со регионалните телекомуникациски тела за регулирање на телекомуникациите. Кои фреквентни опсези ќе се доделат за 5G зависи од тоа во европскиот регион кои фреквентни опсези ќе бидат доделени во сите земји, за да може да функционира роамингот, односно корисниците да можат како и досега и понатаму да го користат истите мобилни уреди во секоја земја во која патуваат.

Новитет кај 5G е што првпат ќе се овозможи функционирање на мобилните технологии и на повисоки фреквентни опсези, каде што имаат поголемо слабеење радио брановите, заради што ќе треба да се зголеми бројот на базни станици и да се намали растојанието меѓу базните станици и корисниците (секако, ваквите решенија се главно за затворени простории, како што се домови, канцеларии, молови, фабрички хали, и слично).

Според Јаневски, на краток рок, може да се очекува да се добијат поголеми битски брзини по корисник во просек, како и постепено и понатаму да се зголемува максималното количество на податоци по корисник и тоа да се приближува кон неограничен пренос на податоци преку мобилната мрежа, слично како што сега е преку фиксната мрежа. Исто така, појасни Јаневски, доцнењето во мрежата ќе оди и понатаму во надолна линија, што заедно со зголемените битски брзини ќе придонесе до поголем квалитет на мобилните услуги за крајните корисници, за истата цена. Тоа ќе биде условено и од мобилниот уред кој корисникот ќе го користи.

– Покрај поквалитетниот мобилен Интернет пристап, со големи битски брзини и помали доцнења од крај до крај, на подолг рок се очекува 5G да направи импакт и во различните бизнис сектори, кои се нарекуваат уште и вертикали. Така, се очекува позабрзан развој на масивен Интернет на нештата за сите сектори (инаку, Интернет на нештата постои и со постоечките мобилни мрежи – на пример, разни сензори, мерење на далечина, fleet tracking, итн., но со 5G ќе може драстично да се зголеми бројот на поврзани уреди). Исто така, клучна придобивка од 5G на подолг рок (значи, тоа нема да биде со првите имплементации во првите години) се т.н. ултра-доверливи сервиси со многу мали доцнења, кои се наменети за автоматизација на процесите во индустријата преку користење на мобилни мрежи, за различни начини на комуникации со возила и летала од различен тип (автомобили, автобуси, возови, дронови, итн.), за асистенција при операции во здравството од далечина, за градење паметни градови (што е процес кој постојано се одвива, никогаш реално не завршува) – изјави Јаневски.

Според него, нема штетност од 5G за луѓето, бидејќи, како што наведе, 5G стандарди поминуваат низ детални и многубројни анализи во различни меѓународни тела од областа на телекомуникациите, и глобално и регионално, пред да бидат одобрени за користење, по што всушност следува имплементацијата на мрежите во пракса. Тоа, посочува, се прави за секоја мобилна и безжична технологија, а за 5G тој процес е завршен и 5G мрежите веќе масовно се имплементираат во земјите ширум светот.

На секои десет години се појавува нова мобилна генерација, во 1980-те беше првата мобилна генерација која ја немаше во Македонија), во 1990-те се појави втората генерација (2G) чиј најпознат претставник е ГСМ, а кај нас стартуваше во 1996 година со првиот мобилен оператор, во 2000-те се појавија стандардите за 3-та генерација (3G), во 2010-те стандардите за четвртата генерација (4G), а во 2020-те (тековно) се појавува петтата мобилна генерација (5G). Во тој стил, објасни Јаневски за МИА, во 2030-те со сигурност може да очекуваме нова мобилна генерација, шестата (6G), бидејќи развојот постојано продолжува во телекомуникацискиот сектор.

Стартот на постапката за доделување на радиофрекфенциите за 5Г претходно беше најавен за минатата година. На намерата на АЕК за објава на тендерот ѝ претходеше повик во февруари лани преку кој регулаторот доби мислење од сите заинтерсирани во врска со издавањето на одобренијата. Тогаш беа пристигнатите коментари од компаниите: Intracom Telecom, НЕОТЕЛ, Македонски Телеком, А1 Македонија и EOLO S.p.A. Двата постоечки оператори, како што информираше тогаш АЕК, се изјасниле дека поради условите со ковид пандемијата се за одложување на постапката за годинава.

https://plusinfo.mk/aek-zapochna-postapkata-za-dodeluva-e-radiofrekfencii-za-5g/?fbclid=IwAR1zvvm_IpqG_tvbAJ_i4Q2kUusioVE2tGooIpBuUyOEZJNkRyHtcl0bB_s

Verizon и Nokia ќе постават приватна 5G мрежа на пристаништето во Саутемптон

Verizon соработува со Nokia и Здружените британски пристаништа (ABP) на поставување приватна 5G платформа на пристаништето во Саутемптон, за да му обезбеди на центарот безбедна приватна мрежна врска со мало доцнење.

Со овој нов договор, пристаништето во Саутемптон ќе стане првото британско пристаниште на копно со приватна 5G мрежа.

Според партнерите, приватната 5G технологија создава основа за идна примена на апликациите за Интернет на нештата (IoT) и машинско учење за поефикасно работење, истовремено решавајќи ги проблемите на комуникација на податоците предизвикани од слаба Wi-Fi врска.

Тами Ервин, Извршен директор на Verizon Business изјави: „Компаниите како ABP се под поголем притисок да ги развиваат своите услуги со огромна брзина, за да ги искористат новите комерцијални можности.

„Заедно со Nokia, успеавме да ја опремиме ABP да ги искористи непосредните придобивки на приватните 5G понуди, и што е најважно да го подготвиме пристаништето во Саутемптон во целост да ги искористи новите технолошки апликации и аналитиката во реално време, која дигитално ќе ги трансформира неговите услуги во иднина“.

Платформата ќе му овозможи на ABP безбедна приватна безжична мрежа за податоци во избраните области на источниот и западниот дел на пристаништето, овозможувајќи комуникацијата на податоци да се обедини во една мрежа.

Се надеваме дека ова ќе ја намали претходната сложеност и ќе помогне да се подобри сигурноста и безбедноста на терминалните комуникации.

Технологијата може да помогне во овозможување на новите унапредувања на услугите, вклучувајќи го следењето на имотот, автономните управувани возила, управување со текот на работа, предвидливо одржување и надзор на безбедноста во блиска иднина.

Хенрик Л. Педерсен, Извршен директор на компанијата ABP истакна: „Градењето на флексибилни и еластични технолошки платформи за задоволување на потребите на нашите клиенти е клучен елемент на нашата стратегија, а со тоа што станавме прв оператор на пристаниште во Велика Британија, што нуди приватна 5G мрежа, е фантастично достигнување за ABP“.

Verizon Business ја лансираше својата меѓународна приватна 5G платформа за глобални претпријатија лоцирани во Европа и Азија-Пацифик во октомври 2020 година.

Моментно испорачано во партнерство со Nokia, решението им овозможува на претпријатијата во своите простории да развијат приватна индустриска наменска 5G мрежа.

Мрежата е заснована на Nokia Digital Automation Cloud, платформа за апликации што обезбедува висок пропусен опсег, ниска латенција, хипер-брза приватна безжична конекција и локално компјутерско работење.

Брајан Фитџералд, SVP на Verizon Business Group и Nokia изјави: „5G можноста ќе биде реализирана во целост со Industry 4.0, како што се отвора спектарот и приватните 5G мрежи почнуваат да работат на индустриските локации ширум светот“.

https://faktor.mk/verizon-i-nokia-kje-postavat-privatna-5g-mreza-na-pristanishteto-vo-sautempton

(ВИДЕО) Власта сака да се осигура дека идната 5Г-мрежа нема да се гради со опрема на „Хуавеј“ и ЗТЕ







https://360stepeni.mk/video-vlasta-saka-da-se-osigura-deka-idnata-5g-mrezha-nema-da-se-gradi-so-oprema-na-huavej-i-zte/

АЕК бара студија за влијанието на 5G мрежата врз здравјето

Агенцијата за електронски комуникации (АЕК) распиша меѓународен тендер за избор на компанија која ќе изработи научна студија „Влијанието на зрачењата од телекомуникациските уреди и технологии врз здравјето на луѓето и околината – животната средина која не опкружува (4Г, 5Г)”. Тендерот е објавен во Бирото за јавни набавки, а избраната компанија со која ќе биде склучен договор ќе има обврска во рок од шест месеци да ја изработи бараната студија која ќе биде и основа за понатамошните чекори кои ќе ги презема АЕК врзани за развој на безжичните телекомуникациски мрежи во земјава.

„Веројатно ниту една технолошка револуција не поминала без да предизвика страв кај одредена категорија луѓе. Иако, реално, 5Г за обичниот граѓанин ќе значи само надградба на 4Г мрежата којашто сега е во функција, сепак во АЕК постојано пристигнуваат поплаки кои се мотивирани од страв од новата генерација 5Г мрежи и барања да се отстранат антени за кои граѓаните сметаа дека се од новата генерација“, вели Сашо Димитријоски, директор на АЕК.

Тој вели дека со студијата ќе се добие документ каде точно ќе се знае што е во интерес на граѓаните и како стојат работите со 5Г мрежата.

„Денес веќе е дојдена ситуација дотаму што секој нов предавател се смета дека е антена за 5Г мрежа. Па дури имавме ситуација каде две антени без запалени, веројатно од оние кои веруваат во опасноста од 5Г мрежата, кои сметале дека станува збор за такви антени. Затоа и решивме да распишеме меѓународен тендер за избор на компанија која ќе направи сеопфатно истражување, мерење и анализа за влијанието на 5Г мрежата врз здравјето на граѓаните. Веруваме дека со неа ќе имаме документ каде точно ќе се знае што е во интерес на граѓаните и како стојат работите со 5Г мрежата“, вели Димитријоски.

Агенцијата за електронски комуникации (АЕК) распиша меѓународен тендер за избор на компанија која ќе изработи научна студија „Влијанието на зрачењата од телекомуникациските уреди и технологии врз здравјето на луѓето и околината – животната средина која не опкружува (4Г, 5Г)”. Тендерот е објавен во Бирото за јавни набавки, а избраната компанија со која ќе биде склучен договор ќе има обврска во рок од шест месеци да ја изработи бараната студија која ќе биде и основа за понатамошните чекори кои ќе ги презема АЕК врзани за развој на безжичните телекомуникациски мрежи во земјава.

„Веројатно ниту една технолошка револуција не поминала без да предизвика страв кај одредена категорија луѓе. Иако, реално, 5Г за обичниот граѓанин ќе значи само надградба на 4Г мрежата којашто сега е во функција, сепак во АЕК постојано пристигнуваат поплаки кои се мотивирани од страв од новата генерација 5Г мрежи и барања да се отстранат антени за кои граѓаните сметаа дека се од новата генерација“, вели Сашо Димитријоски, директор на АЕК.

Тој вели дека со студијата ќе се добие документ каде точно ќе се знае што е во интерес на граѓаните и како стојат работите со 5Г мрежата.

„Денес веќе е дојдена ситуација дотаму што секој нов предавател се смета дека е антена за 5Г мрежа. Па дури имавме ситуација каде две антени без запалени, веројатно од оние кои веруваат во опасноста од 5Г мрежата, кои сметале дека станува збор за такви антени. Затоа и решивме да распишеме меѓународен тендер за избор на компанија која ќе направи сеопфатно истражување, мерење и анализа за влијанието на 5Г мрежата врз здравјето на граѓаните. Веруваме дека со неа ќе имаме документ каде точно ќе се знае што е во интерес на граѓаните и како стојат работите со 5Г мрежата“, вели Димитријоски.



https://www.slobodnaevropa.mk

Originally posted by user8642 Некогаш се срамеле од Тесла за денес да биде национален херој

Како изгледал пропаганден постер против појавата на струјата, истото што се случува денес со вакви неосновани отпори кон технолошки новитети.




Некогаш се срамеле од Тесла за денес да биде национален херој

сеирот си е на место, ќе речеш дали навистина таквата парноја не е глупост, само заборавате дека живееме во времиња на подли спинои, демонајзинг инфилтраторска пропаганда воопшто не била реткост ни порано а не пак денес посреди фејкбук времиња, а нормал кој би форсирал спин него самата индустрија како би ја дефокусирала јавност од реалните ризици и зицери апропо својата недоквакана технологија, но евала ето меинстримерите си имаат оправдување зошто да им полираат во недоглед ѓоноите на корпоратистите, нели виа сеир и она малку простор што го има за Критична Мисла да се сузбие, О Абдалистан, дали навистина сите сте фино самоизвозени или тоа е неопходно за да си најдете мир по вијуги бидејќи реално ако пробате да му пристапите на проблемот трезвеноумно и почнете во однос ризиците слободоумно да думате може ќе ви се згади од комформизмот во кој денес се давите, во случајов вифи-сеприсутноста!?

наместо ваквите спинови да ги игнорирате и земете ето во однос предочените абери студии и тужби да барате начин како да ги демистифицирате, ето да ги најдете и побиете тие докази, вие се фаќате кој што по фејкбук спинувал, конечно можеби и чисто заради читаност на медиумот, но знаејќи колку пари се во игра и колку утре може некој да бара отштети ако се етаблира вистината воопшто за штетноста од неправилна употреба на вифи технологијата јасно е дека ваквите спинови најефтино им да ги пуштаат токму корпоратистите!

бреј едно нешто од видеото кое го имам предочено да демантиравте аргументирано, АЛО да ви се начуди Чоек на Критичнио Разум, се чудите како после успеале да ви протнат Ск’14 ерга-омнес отанизација итн. итн. добро е што сеуште не ви стаиле за пазачи мигранти, но и на тоа ќе дојде ред ко што ми мириса а како Народ е рамнодушен во однос удбалитичарските патки!

Женски Домаќински Муабети Здравје со игла не влегува што викаат?
bil gejc mu dal 10 miloni evra na zaev za dane cipira pravat esperiment so 5g anteni kene rakovo dat!11 smislia korona samo vakcini da ubutaat!!!1 Маја Синадиновска вика дека вирусот бил бактерија поспешена (а???) од 5G.

100 докази да им дадеш пак ќе измислат некоја глупост; дали печат немало на 538-та страница од документот на СЗО, дали масоните потплатиле 1000 научници да лажат, па ова, па она. Не знам кој е поретардиран, овие или Американцине што се дерат „комунизам“ на маските.

Edited by Staro Skopje - 17-Jul-2020 at 01:07

Еве до каде ескалирала глупоста последниве денови. Жицата во маските за заштита од вирусот била уствари 5Г антена. Што нема народ да измисли, или можда имаме нареден нобеловец за физика...



Edited by user8642 - 17-Jul-2020 at 00:56

Има бројки и за тоа, телефонските линии паднале од 384k во 2014 на 382k во 2018, а претплатниците на мобилна телефонија од 2224k на 1969k (зошто толкав пад???). Во исто време, претплатниците на мобилен интернет се зголемиле од 1044k на 1348k.

Бројката на претплатници помалку кажува од онаа за користење на дотичните услуги; јас имам домашен телефон, ама освен Топ Шоп, понуди за постелнини, книги, кирби услуги, анкетари и одредени други субјекти (тоа се 10 повика годишно), никој не се јавува. И SMS пораките на телефон стануваат минато, сѐ се префрли на интернет.

Edited by Staro Skopje - 17-Jul-2020 at 00:30