А да објаснеше некој што е тоа електрична санка, оти не ми е баш јасно. А бидејки се спомнати и цените на ски билетите, треба тоа да значи да се надеваме оти ќе функционира и жичарата...?

Топ зимска понуда: прошетка со електрична санка и ручек во дивина


За ова задоволство ќе им биде понуден пакет-аранжман што ќе ги чини 40 евра. Ангел Наков, извршен директор на ски-центарот Кожуф, смета дека ова е одлична можност да се запознае Кожув и неговите атрактивни зимски атрибути, оти токму овој центар нуди и можности за екстремни ски-вештини
Атрактивна авантуристичка понуда на ски-центарот Кожув за годинашнава зимска туристичка сезона која се очекува да стартува за две недели. За полнолетните лица коишто сакаат да шетаат и уживаат по падините на оваа снежна убавица, ќе имаат можност тоа да го сторат со електрична санка. За ова задоволство ќе им биде понуден пакет-аранжман што ќе ги чини 40 евра, а во него е вклучен и ручек како во дивина. Ангел Наков, извршен директор на ски-центарот Кожуф, смета дека ова е одлична можност да се запознае Кожув и неговите атрактивни зимски атрибути, оти токму овој центар нуди и можности за екстремни ски-вештини.
- Регионалниот пат долг 15 километри што води во ски-центарот во моментов се чисти од страна на градежната оператива на Гранит. Очекуваме до крајот на неделава да заврши и техничкиот прием на патот и тој да биде во употреба - објаснува Наков за Вечер. Тој најави дека во преговори е со Македонија пат да го чистат и одржуваат патот, за што ќе биде активна нивната зимска служба.

Според Наков, во моментов снежната покривка достигнува 25 см. Тој, сепак укажува дека покрај перфектните услови за скијање сместувачките капацитети годинава не се зголемени и достигнуваат околу 120 легла.
- Имаме апартмани со подно греење кои се простираат на 30 м2. Тие располагаат со бања и кујна со мини-бар и легла за 4 лица. Цената е 40 евра по апартман, а гостите може да се хранат во бачилото или во ресторанот, каде храната и пијалаците и годинава ќе бидат по популарни цени. Комплетно мени за ручек чини 200 денари, а пијалаците како кафе, пиво ќе се нудат по 60 денари, а топло чоколадо по 80 денари-вели Наков.

Дневните ски-карти се по 900 денари, за деца до 8 години бесплатно, а на постарите деца билетот ќе им се наплатува по 450 денари.
-Но Кожуф е познат по тоа што скијачите можат да го користат за рекреација и просторот што е надвор од ски-патеките. Таму на мек снег се практикува слободно скијање, по малку и екстремно популарно наречено фри рајдер и сноубординг. Се работи за перфектни услови за вакво скијање каде ќе уживаат и домашните и странските туристи кои се најмногу од соседството: Грција, Бугарија и од Србија - вели Наков.

По бројот на скијачките патеки Кожуф е трети скијачки центар на Балканот, по Банско и Копаоник, бидејќи на располагање на скијачите се околу 140 километри скијачки патеки кои се протегаат на надморска висина од 1.700 метри до 2.200 метри. Кога работат двата ски-лифта, како и жичарницата која е шестосед, можат вкупно во еден ден без чекање да се опслужат 5.000 гости

Ски-центарот, потсетува Наков, е на одлична локација, бидејќи Солун е на само час и половина оддалечен од центарот и затоа и годинава очекуваат за време на викендите Кожуф да биде полн со солунчани.

Трет скијачки центар на балкан

Edited by mackomk - 03-Dec-2013 at 09:09

Супер. Фала за одговорот.

Дечки, да не знае некој дали ски центарот Кожув ќе работи во декември? Еден Полјак од ЅЅС прашува, сакал да дојде во Македонија. Нивната интернет страница не функционира, а на телефоните од нивните канцеларии (во Скопје и во Гевгелија) никој не се јавува. Да не знае некој што се случува?

Edited by Џоле - 22-Nov-2013 at 19:44

Видео за состојбата на патот кој води кон СКИ центарот.

СТрашно

http://on.net.mk/video/na-trkala/do-kozhuf-na-sopstven-rizik

На Кожуф забрзано се гради

Околу 130 илјади метри квадратни досега е продадено на ски центарот Кожуф.

Тоа е дури 32 проценти од вкупното расположливо земјиште од 400 илјади метри квадратни. Земјиштето го купуваат Македонци и Грци и најчесто го користат за изградба на викендици и сместувачки капацитети.

Иако се продадени 30 % од земјиште колку што има на располагање, досега функционираат само десетина објекти. Поголема градежна експанзија се очекува во текот на летниот период.

http://ekonomski.mk/?p=41388

http://vecer.com.mk/?ItemID=613E612738253F4080C02C147E0090E5

Се извинувам, работам со мобилен така да можни се грешки. Еве друг линк директно од вечер.

Разбојници ограбиле колонијал? Бидејќи тоа ми отвара на линкот

http://skikozuf.com.mk/index.php?option=com_content&view=article&id=152%3A-2013&catid=34%3Anovosti&Itemid=115&lang=mk

Edited by GI - 27-Dec-2012 at 13:22

Датум: 04.11.2012, 18:08

ЕДЕН МЕСЕЦ ПРЕД ПОЧЕТОKОТ НА СKИ-СЕЗОНАТА

Патот кон Kожуф се санира, струја сè уште нема



Од ЕВН велат дека сопственикот на ски-центарот има долг од над еден милион денари и додека не го расчисти нема да биде пуштен напон

Светлана Дарудова

Државата испадна фер и во тек е санација на оштетениот пат кон ски-центарот „Kожуф”, но центарот и понатаму е без струја оти сопственикот му должи на ЕВН. Вака реагираат сопственици на викендички во кругот на центарот.

- Ние сме приклучени на трафостаницата на центарот, па иако редовно плаќаме за струја, ја немаме, оти газдите на центарот не плаќале во ЕВН -објаснуваат револтирани сопственици на викендички.

Од ЕВН Македонија потврдуваат дека е саниран дефектот од големото невреме и појавата на свлечиште на патот по кој е поставен 20-киловолтен кабел до трафостаниците од кои со електрична енергија се напојува ски-центарот „Kожуф”. Санирањето на големиот дефект се изведувало со градежната компанија „Гранит”, која морала да го санира и преизгради патот за да може да имаат пристап екипите на ЕВН. Иако веќе во наредните денови можело да се пушти напојување, сепак трафостаницата нема да може да ги снабдува корисниците со струја бидејќи сопственикот имал долг кон ЕВН Македонија од над еден милион денари и додека не расчисти со него, нема да биде пуштен напон.

- Законските одредби важат за сите, па и за овој објект. Што се однесува до сопствениците на викенд-куќите кои се дел од комплексот и кои побарале приклучок од ЕВН, не можат да се приклучат бидејќи нема технички услови зашто постојната мрежа не е сопственост на нашата компанија. За целата ситуација постојано сме во контакт и разговори со сопственикот на ски-центарот и со сопствениците на викенд-куќите за да се најде реално решение - велат од ЕВН Македонија.

И покрај нашите напори, не успеавме да добиеме став за ова прашање од извршниот директор во ски-центар „Kожуф” Ангел Наков. Поради ваквата состојба разочарана е локалната самоуправа, која очекува економски ефекти од целосното профункционирање на ски-центарот.

http://dnevnik.com.mk/?ItemID=26798E7A78E20841A72F22C86834920D