Реконструкција на А1 / Е75

Додека ја направат оваа, се уништи другата по која се вози моментално двосмерно.
Така да оваа голгота ке потрае.

Со засилено темпо работиме на поправка и рехабилитација на автопат А1, делница Демир Капија – Неготино во должина од 14.8 километри, поточно рехабилитација на најоштетените делови на двата коловоза. Градежните активности се дел од Годишната програма за што од буџетот на ЈПДП се издвоени 7,7 милиони евра.







https://www.facebook.com/photo/?fbid=688580166647035&set=pcb.688580516647000

Од 17:25 почнува во Македонија. Добро е што се проширува Табановце и се работи на некои делници. Плус и наводно М таговите од 15 јуни работат и кај нас и во Србија.

Поминав денеска неколку пати... живо пиле НЕМА.

Сабајле дали едно четворица работници видов.

Премиерот нека лаже некој друг дека се работело...

Зборам за Петровец - Катланово.

Edited by The Wild Boy - 13-Jun-2023 at 17:35

Неколку денешни од реконструкцијата на делницата Петровец-Катланово

Од 25 април е затворен автопатот Демир Капија-Неготино веројатно за да ги санираат огромните дупки и нерамнини кај ТЕЦ Неготино,сообраќајот е префрлен по стариот пат кој е исто така во лоша состојба и ако се завлечкаат цело лето ќе бидат големи гужви.

Дел од автопатот Скопје – Катланово се реконстгруира четири години



Делницата која е во вкупна должина од 5 километри веќе 4 година претставува тесно грло за бројните туристи кои поминуваат тука користејќи го коридорот десет од Куманово до Гевгелија.

Спорд последните информации од министертсвото за транспорт и врски новата фирма Максимсан од Турција која е веќе воведена во работа има рок до 2 декември 2023 година да ја заврши рекоснтрукцијата на делницата од Петровец до Катланово. Договорот со Бетон кој претходно работеше на оваа делница е раскинат заради слабиот интензитет со кој се изведувале работите на тере. По правилата на европската банка за обнова и развој која го помага финански овој проект со над 7 милиони евра морало да помине доста време за да се запазат нивните процедури пред да почне друга компанија да го гради. Токму за да се избегнат ваквите одолговлекувања на градбите какви што се и градбата на автопатот Кичево Охрид кој веќе е во 9 та година владата се одлучи да го промени моделот и со изборот на американско турскиот конзорциум Бехтел и Енка предвидено е за 4 години земјава да добие 110 киломотри нови автопатишта без можности за одолговлекување.

https://kanal5.com.mk/del-od-avtopatot-skopje-katlanovo-se-rekonstgruira-chetiri-godini/a575577

Реновираниот автопат Скопје – Куманово повторно стана крш



Автопатот Скопје-Куманово повторно се претвори во коловоз со дупки. Во најлоша состојба е делницата од патарината Миладиновци до патарината Романовце. Иако оваа делица беше санирана пред не повеќе од 6 години, се чини дека сега е уште повеќе уништена од остатокот од патот кој е изграден во времето на Тито. Додека возевме, изгледаше како да пловиме на брод во море.

Граѓаните секојдневно плаќаат милиони денари за да поминат низ овие амортизирани патишта. Ги прашуваме и велат- за што плаќаат? За овие дупки кои секојдневно газат по нашите автопати. Една од најоштетените делници е онаа од главниот град што води кон Куманово, во која со години не се инвестира, туку само е санирана на одредени места каде што имало масовни оштетувања на асфалтот.

Граѓаните се жалат дека скапо плаќаат на патарините за да си ги амортизираат автомобилите при секое патување. За двете насоки за патарини се плаќаат по 200 денари од автомобил. Оние кои работат секојдневно трошат и до 6.000 денари месечно или 1/3 од минималната плата.

„Нормално не мора да плаќаме. Ние што сме во Европа плаќаме како патна такса, ама автопатиштата се добри, овде се расипани, амортизерите ги уништивме“, рече еден граѓанин.

„Да, воопшто не вреди, но нема што да правиме. Што предлагате? Не треба да плаќаме! Ако го видите тука директорот што би му кажале? Би му кажал да си даде оставка!“, додаде друг граѓанин.

Од ЈП Државни патишта велат дека оваа патна делница не е предвидено да се санира оваа година. Оттаму велат дека за нејзино одржување надлежен бил ЈП „Македонија пат“.

Оваа патна делница беше целосно реконструирана во 2016 година, не само со асфалтен слој, туку и со чакал подлога, вклучувајќи ги и страничните делови на автопатот. Фирмата што ги изведуваше работи беше „СТРАБАГ Интернационал“ од Австрија со свои подизведувачи. Таа дала само петодишна гаранција за завршениот проект. Според меѓународните практики, целосно реконструиран автопат за кој биле потрошени милиони евра, треба да има најмалку 20 години гаранција./

https://alsat.mk/mk/renoviraniot-avtopat-skopje-kumanovo-povtorno-stana-krsh

Бочварски: Нова градежна компанија ќе ја реконструира делницата Катланово – Петровец

Нова градежна компанија е избрана за рехабилитација на делницата Катланово-Петровец, која е дел од автопатот Велес-Скопје. Министерот за транспорт и врски Благој Бочварски, кој денеска присуствуваше на отпочнување на градежните работи на новиот далекувод Велес-Овче Поле, истакна дека изборот на нова фирма доаѓа откако претходната компанија, која требала да ги стратува градежните работи на терен работела со слаба динамика. Новата фирма веќе е воведена во работа.

-Во овој период се вршат првични мерења, а од почетокот на наредната година согласно временските услови ќе продолжи со работа новиот изведувач на оваа делница и наредната година ќе биде комплетирана и завршена во рекордно време, бидејќи тоа им го должиме на граѓаните, вели Бочварски.

Посочи дека паралелно со овој проект се работи и на стариот пат од Катланово до Велес, но и од Велес до Градско за што се избрани изведувачи и се работи на реализација на овие многу значајни патни правци.

-После многу години, децении пристапуваме кон реализација и рехабилитација на овие, јас би рекол, многу значајни патни правци за граѓаните и државата, додаде Бочварски.

https://www.brif.mk/bochvarski-nova-gradezhna-kompanija-ke-ja-rekonstruira-delnitsata-katlanovo-petrovets

Вистина е тоа дека Миладиновци - Куманово има делови каде што асфалтот е нерамен. Џабе ќе го негираме тоа, кога е вистина. Доста пати го имам возено тој дел, особено према Србија па можам да го потврдам тоа. Мене највеќе на таа делница не ми се допаѓа што кога ја реновираа не додадоа лента за застанување како што прават сега (ќе, во блиска иднина...).

За тоа колку квалитетно се реновираат патиштата овде, сами можеме да видиме со доста од делниците на автопатот А1. Но сепак како што напоменав погоре (ако некој во опште прочита) има доста полоши делници кои што треба ургентно да се средат, делници со огромни "кратери" на патиштата. Па видовте и од видеото на SAT патрола каде што патуваа према Грција...

Ги гледав и тие видеа што беа поставени за патиштата од 80-те. Па и тогаш имало доста проблеми, не се обрнувало внимание, немало голема ажурност на институциите. Еден од виадуктите на А1 од Велес према Каланово тогаш пропаднал повеќе од 20cm па морале да го поправаат и зајакнуваат. Не било ни тогаш нешто најдобро, можеби за некои тие времиња биле подобри (и тоа јас не го спорам), но еве сега 21 век, развиена технологија, нови материјали, и што ли не. Баш сега треба да има по - ефикасна работа на институциите, претпријатијата, да се одржуваат патиштата почесто, побрзо и со подобар квалитет, ама и тоа го нема во оваа држава.

Дали вие мислите дека нашиве политичари би земале нешто квалитетно, би направиле нешто добро како што треба, се супер?, би средиле еден пат како што треба? Па кој го направил тоа последните 30 години? Никој. Сите нови градби, реконструкции си се користат за политички цели, ПР кампањи, ветувања за на избори за да се добие на повеќе гласачи.

Кога ќе видите дека споредбено со сите други држави во Балканот, ние имаме најскапа патарина, ќе се запрашате и каде одат тие пари. Со тие пари што се добиваат од патарините не да треба патиштата да имаат најдобар асфалт, туку треба да сјаат. Ама сите знаеме зошто тоа не е така, и знаеме кое е решението. А тоа е народот да се освести и да стави крај на сето ова. Можат да дојдат подобри времиња, само дали сакаме ние? А до тогаш, ќе не вртат со истите лаги и глупости како и секогаш.

Ако уште се мачиме само една кратка делница од Катланово до Петровец да се прошири и реновира, тогаш каде ни е крајот со другите делници кои што се во далеку полоша ситуација... Ќе си се изначекаме уште многу години додека голем дел од автопатската делница ќе биде средена како што треба. За жал додека еден дел се реновира, друг дел пропаѓа. Додека тој друг дел се реновира, па друг дел ќе почне да пропаѓа.

Само една Србија да видите, држава која што беше под огромни санкции, држава бомбардирана, држава која што во 70-те и 80-те изгради далеку далеку повеќе патишта и авто - патишта од нас, далеку подобра во одржување и реновирање на авто - патиштата. Поголемиот дел од автопатот од Ниш до Београд е во релативно добра состојба, далеку поквалитетен асфалт, и најважно на се е дека нема огромни "кратери". Еве ги сега реновираат околу 4-5 делници на А1. А ние каде сме... една Србија која што еден период беше подолу од нас, да биде подобра во менаџирање на патиштата... А ние? Бруки...