Originally posted by Данела Арсовска ✅ Со екипи од секторите во градот и јавните претпријатија, извршивме увид во градежните работи за започнување со реализација на 1 фаза на еден од најтешките, најголемите и најзначаните проекти во Скопје, изградбата на булеварот Македонија кој ќе го реши деценискиот проблем со сообраќајниот метеж во централното градско подрачје. 🛣️ Овој булевар има за цел да го растерети сообраќајот во центарот на градот особено на улицата Јордан Мијалков, улицата Павел Шатев, улицата Св. Кирил и Методиј и булеварот Кочо Рацин. Во првата фаза која се реализира на траса предвидени се нова велосипедска патека по целата должина како и пешачка зона, а истовремено се реконструира целосно водоводната и канализационата мрежа. 🚧 Започнуваме со изградба на сообраќајницата на потегот од Тутунски комбинат во Кисела Вода која завршува во централното градско подрачје, и во првата фаза опфатени се булеварот и три крстосници, првата меѓу булевар Крушевска Република и улица 11 октомври, втората меѓу булевар Борис Трајковски и булевар Македонија и третата на двата краци на булевар Македонија кон втората фаза од булеварот кои се поврзуваат со подземната сообраќајница кај Лимак. ✅ Реализација на ваквите сообраќајни решенија е од особено значење за граѓаните на Град Скопје, значително ќе го намалат сообраќајниот метеж во центарот на градот и ќе го олеснат движењето на граѓаните низ централното градско подрачје.

Чудно што почнале дури од Стара рампа. Што профил се планира на тој потег, сѐ до влезот за подземната? И фазиве не се баш јасни, ама барем мрдна нешто од мртва точка.

Арсовска и Јакимовски зацапаа во калта на „Калош Дани“ – улица што ни Гугл мапс не може да ја најде

Додека граѓаните оечкуваат куп одговори од градоначалничката на Скопје Данела Арсовска, за тоа дали Скопје ќе биде украсено за Нова година и ќе има ли воопшто некаков дочек на плоштадот, таа денеска заедно со градоначалникот на Kарпош, Стевче Jакимовски се прошетаа по улицата „Калош Дани“ во Момин Поток, за да ја најават нејзината реконструкција.





Инаку, двајцата градоначалници се прошетаа по оваа улица за да го најават нејзиното санирање во должина од 2 километри, како дел од меѓуопштинска соработка, изгласана од советниците во август годинава.

Со градоначалникот на општина Карпош, Стевче Јакимовски денеска извршивме увид во почетокот на градежните работи за реконструкција на улицата „Калош Дани“ во општина Карпош. Градот Скопје во изминатиот период реализира голем број на капитални инфраструктурни проекти со кои овозможуваме подобра поврзаност и мобилност на граѓаните, како и зголемена безбедност за сите учесници во сообраќајот. Екипите на јавното претпријатие „Улици и патишта“ кои работат активно на терен, ќе ги изведат градежните работи на коловозот на улицата во вкупна должина од 2000 метри, а предвидени се соодветни вело и пешачки патеки со што се реализира уште едно ветување од програмата За модерно Скопје, за развој на велосипедската мрежа од приградските населби кон централното градско подрачје – се вели во текстот пласиран заедно со фотографиите.

Арсовска смета дека на оваа локација, потребно е да се изврши реконструкција на секундарната сообраќајна мрежа која во моментов е во многу лоша и руинирана состојба, со огромни ударни дупки и е небезбедна за учесниците во сообраќајот.

Реконструкцијата на улицата „Калош Дани“ е од витално значење и се реализира на барање на граѓаните кои се движат секојдневно на овој потег, додава градоначалничката.
Реконструкцијата на оваа улица се реализира со меѓуопштинска соработка меѓу Градот Скопје и Општина Карпош, а градежните работи ги изведува јавното претпријатие „Улици и патишта“.

Традиционално, откако Арсовска е градоначалник на Скопје, нема информација за тоа колку време ќе трае реконструкцијата и колку ќе чини.

https://nezavisen.mk/arsovska-i-jakimovski-zacapaa-vo-kalta-na-kalosh-dani-ulica-shto-ni-gugl-maps-ne-mozhe-da-ja-najde/

реконструирана улицата Никола Карев







https://www.facebook.com/CityofSkopje

Последниве 2 недели секое утро има спојување на колоните меѓу бул.К.Ј.Питу и Јане Сандански во насока кон Центар(од фб)

АСФАЛТ МЕСТО КАЛДРМА НА УЛИЦАТА СТОЛТЕНБЕРГОВА ВО СКОПСКИОТ ГРАДСКИ ПАРК



Коцката од улицата Столтенбергова пред стадионот во Градскиот парк во Скопје е заменета со асфалт. Екипите на ЈП „Улици и патишта“ вчера започнаа со асфалтирање на улицата која ги поврзува Градскиот парк, Градскиот стадион и кејот на реката Вардар. Реализацијата на овој проект е со меѓуопштинската соработка со Градот Скопје и Општина Центар.

„Вчера започна со асфалтирање на потегот пред градскиот стадион ‘Тодор Проески‘ кој беше покриен со калдрма која беше навистина многу оштетена. Со асфалтирањето на овој потег практично се изедначува целиот круг околу градскиот стадион, со што се доби целина земајќи го фактот што калдрма имаше единствено на овој потег“, вели градоначалникот на Општина Центар Горан Герасимовски.

Улицата во Градскиот парк во 2018 беше именувана според угледниот норвешки дипломат Торвалд Столтенберг, поради неговиот голем придонес во обновата на градот по катастрофалниот земјотрес во 1963.

https://sdk.mk/index.php/dopisna-mrezha/asfalt-mesto-kaldrma-na-ulitsata-stoltenbergova-vo-skopskiot-gradski-park/

1. Цената му е извадена од ракав, како и други ставови на „експертов“.
2. Цел Јужен од крај на крај на град може да се брои во милијарди, не милиони.
3. Треба да се бара одговорност од Коце, Шилегов и Данела што не ни почнаа трите кружни текови кај Лимак да ги прават, што им е обврска, а не да се мати вода со вакви аматерски анализи.
4. Државен буџет 2013 3,2 милијарди евра, 2023 5,3 милијарди. Па размисли централнава власт сега на што троши средства. Со разликава секоја година по 2-3 СК2014 може да се прават.

1. Да не се искористи веќеизградена подземна сообраќајница во центарот на градот.
2. Да се додава нова сообраќајна лента.

Некои луѓе стварно не живеат во 21 век.

Град Скопје започна со реконструкција на улицата „Столтенбергова“ во Градскиот парк



https://www.facebook.com/photo/?fbid=698281205664496&set=pcb.698281385664478

(Фото) Не помина ни цела година, а булеварот „Кузман Јосифовски – Питу“ стаса за нова реконструкција !?







https://24info.mk/2023/09/21/не-помина-ни-цела-година-а-булеварот/

Фото: Пропадна булеварот „Кузман Јосифовски – Питу“, асфалтот се стопи како путер за 8 месеци по реконструкција



Буџетот за реализација на реконструкцијата чинеше 17 милиони денари. На постапката на јавна набавка учествувале 11 компании, со што се постигнала заштеда на градскиот буџет од над 40 отсто, која ќе била искористена за реализација на друг проект, рекоа од Град Скопје

По само 8 месеци од помпезно завршената реконструкција на булеварот „Кузман Јосифовски – Питу“, од Железничката станица до Народна банка, голема дупка може да се забележи на коловозот. Минатата недела некој умен ја „украси“ со цвеќиња за да може да биде забележлива од подалеку, но ако набргу не се санира, таа секојдневно ќе пропаѓа сè повеќе, па некое возило ќе заглави со тркалата.

Кога лани во декември беше пуштен во употреба, од Град Скопје се пофалија дека булеварот ги исполнувал сите светски стандарди. Буџетот за реализација на реконструкцијата чинеше 17 милиони денари. На постапката на јавна набавка учествувале 11 компании, со што се постигнала заштеда на градскиот буџет од над 40 отсто, која ќе била искористена за реализација на друг проект.
И самата реконструкција на булеварот која траеше со месеци ги стресираше граѓаните, кои се наголтаа прав измешана со ПМ-честички, бидејќи и на тротоарите беше невозможно да се оди пеш или да се вози велосипед, бидејќи возилата се движеа по раскопаниот асфалт.

https://www.slobodenpecat.mk/foto-propadna-bulevarot-kuzman-josifovski-pitu-asfaltot-se-stopi-kako-puter-za-8-meseci-po-rekonstrukcija