Тетовски сообраќај (општо)

Сè уште има имотни проблеми со булевар „Благој Тоска“ – Касами чека подобрување на временските услови за да почне со работа

Иако се обезбедени средствата за проектот, Булеварот Благој Тоска во Тетово се уште е во иста состојба. Според градоначалникот на Тетово, работите во овој булевар ќе почнат по подобрувањето на временските услови, а додаде дека се уште не се решени прашањата за експропријација.

„Што се однесува до булеварот Благој Тоска, комисијата интензивно работи, има три имоти за кои се обидуваме да најдеме решение и со создавањето на временските услови ќе продолжат градежните работи и Благој Тоска ќе се реализира како што е предвидено со почетниот проект, до текстилното училиште и ќе продолжиме со експропријација до другиот дел кај Мема“, истакна Биљал Касами.

Граѓаните се скептични дека градежните работи наскоро ќе завршат.

„За околу 2.5 години можеби, а сега наскоро не!“

Средствата за овој булевар се обезбедени од Владата и Тав, а на крајот на август проектот го промовираа вицепремиерот Артан Груби и поранешната градоначалничка на Тетово.

Овој проект се ветува во секој изборен циклус, а во 2014 година се зборуваше дека ќе почнат работите, но и ден денес овој булевар се уште не е завршен.

https://mk.tv21.tv/se-ushte-ima-imotni-problemi-so-bulevar-blagoj-toska-kasami-cheka-podobruvane-na-vremenskite-uslovi-za-da-pochne-so-rabota/

Сообраќајниот хаос почнува од Општина Тетово – од општината велат дека подготвуваат план за наоѓање решение



Во општинскиот совет на Тетово денеска се зборуваше за можните решенија на сообраќајниот хаос во градот , и додека внатре се дискутираше оваа проблематика, надвор, токму пред објектот на општината беше создаден хаос од лошо паркирани автомобили, оставени среде улица.

Од Секторот за патен сообраќај велат дека надлежна е општина Тетово за решавање на хаосот. Зоран Талев   вели дека има недостиг од возила на пајак службата, паркинг места како и сообраќајни инспектори за контрола на такси возилата и комбињата.

Од општина Тетово решението го гледаат во уредување на урбанистичкиот план и отворање   нови паркинг места.

„Ние сме во фаза на подготовка на планови за решавање на проблемот, но тоа не се прави преку ноќ, хаосот кој се создава неколку години и во недостиг на генерален урбанистички план   и проект за сообраќајот, бара време од страна на нашиот сектор за подготовка и избор на истите“, истакна Мемет Јонузи.

Честопати кога е отежнат сообраќајот во Тетово, за да се помине улица од 3,5 км   од едната до другата страна на градот, потребни се 45 минути.

https://mk.tv21.tv/soobrakajniot-haos-pochnuva-od-opshtina-tetovo-od-opshtinata-velat-deka-podgotvuvaat-plan-za-naogane-reshenie/

Касами ги стопираше започнатите проекти во Тетово – издаде наредба да се разгледаат за да се утврди дали има неправилности



Новиот градоначалник на Тетово, Биљал Касами вчера ги запре сите проекти кои беа во фаза на реализација од страна на општината.

„Овој и многу други проекти се разгледуваат од страна на општина Тетово. Целта е да се утврди дали има пропусти при извршувањето на активностите“, вели репортерот на ТВ21.

Граѓаните кои ги сретнавме очекуваат градежните активности на патиштата да завршат час поскоро, а некои пак, беа на став дека веќе се навикнати на секојдневие со оштетени улици.

„Ги стопираа бидејќи ги украдоа парите и каде сега тој да најде за да ги обнови улиците? Ќе стане катастрофа. Цело Тетово е катастрофа. Што направи Теута? Што друго да кажам. Колите си ги расипавме. Само денеска дадов 200 евра за поправка на автомобилот кој го оштетив од оваа улица“, вели граѓанин.

„Треба да се санираат што е можно поскоро за сообраќајот да биде што подобар за возилата“, посочи граѓанин.

„Секако дека треба да се работи и да ги санираат, но ние веќе сме навикнати и вака“, додава граѓанин.

Сретнавме и неколкумина претставници на општина Тетово кои излегоа на терен за да извршат увид во градежните активности. Денеска побаравме одговор од општинските власти во однос на тоа – кои проекти се стопирани, колку чинат, во која фаза се и дали за некој од нив е направено примопредавање, но до ова информативно издание не добивме никаков повратен одговор.

https://mk.tv21.tv/kasami-gi-stopirashe-zapochnatite-proekti-vo-tetovo-izdade-naredba-da-se-razgledaat-za-da-se-utvrdi-dali-ima-nepravilnosti/

ДВА МЕСЕЦА СЕ РЕКОНСТРУИРА ПРИСТАПНАТА УЛИЦА ДО ТЕТОВСКАТА БОЛНИЦА



На почетокот на август годинава, Општина Тетово почна да ја реконструира улицата Јане Сандански која е пристапна улица до Клиничката болница во Тетово. Набрзо потоа, започна со реконструкцијата на улицата Димо Гавроски-Кара која е исто така поврзана со болницата. Сето тоа создаде сообраќаен метеж и отежнат пристап до болницата, а според активностите на терен работите нема да завршат во брзо време.

„Два месеца не можат да направат една улица долга само 200 метри. Го тргнаа стариот асфалт, ја раскопаа и така остана. Ќе направат ископ за канализација, па ќе прекинат со работењето, ќе стават неколку метри електричен кабел, па ќе прекинат со работата, потоа нешто ќе ископаат со багерот и повторно ќе ги нема неколку дена и така, еве, цели два месеца ние не можеме нормално да живееме. Деновиве, кога заврна дождот и кога целата улица се претвори во кал, не можеме ни од дома да излеземе. Еве, денеска пак почнаа нешто да работат, ама кога ќе ја видиме улицата готова, не знаеме“, вели жител на улицата Јане Сандански.

Додека на оваа улица има уште многу работа за да се заврши, на улицата Димо Гавроски-Кара, иако почна подоцна да се реконструира, работите се пред крај. Меѓу улиците во Тетово кои сега се реконструираат е и улицата Гоце Делчев која се наоѓа во горниот дел од градот. Оваа улица важеше за една од најоштетените во градот и жителите повеќе години бараа реконструкција. Таа започна кој крајот на јуни оваа година, но и после три месеци градежните работи сé уште траат, а треба да се реконструираат само 700 метри од улицата.

Од Општина Тетово велат дека според постигнатиот договор со изведувачите овие улици ќе бидат готови во предвидениот рок.

„За реконструкцијата на сите тие улици има договор и компаниите имаат рок кога треба да ги завршат. Првата улица која треба да стигне до фаза на асфалтирање е улицата Гоце Делчев. Улицата Димо Гавроски-Кара брзо ќе биде асфалтиранаа, а кај улицата Јане Сандански имаше поголем длабински зафат, но очекуваме до 20 овој месец таа да биде завршена“, изјави градоначалничката на Тетово Теута Арифи.

Парите за реконструкцијата на овие улици како и за улицата Ленин, која исто така е во фаза на реконструкција, се обезбедени преку Министерството за транспорт и врски од Светска банка.

https://sdk.mk/index.php/dopisna-mrezha/dva-mesetsa-se-rekonstruira-pristapnata-ulitsa-do-tetovskata-bolnitsa/

Boulevard construction begins. Toska in Tetovo

The Municipality of Tetovo won this project worth 43 million denars from the government program of TAV, and after the completion of all formal-legal procedures, today with special pride and pleasure we begin construction work together to continue this very good artery important for the city!





https://www.facebook.com/teutaarifiofficial

Originally posted by user8642 Еве типичен пример на кусоглед "граѓанин". И за тебе важи браво-то со такво глупо размислување.

Што знаеш ти за мене пак?
Тоа е, расправи се за цена па гради или да си останам во улица или под кирија? Компензирај како треба и тука нема да има проблем нема тука што.
ПС: Што сум направил јас за МК и што се правам ти немаш врска, лесно ти е на ПЦ, прави нешто на ,,терен,, ако толку си ја сакаш земјата.

Нема врска кој што е, прво треба да се догови цената па потоа да се почне со работа.
ПС: Секаде во Македонија има такви пробјеми затоа смири се

Рушењето на куќите на булеварот „Благоја Тоска“ запре – дел од жителите не ги напуштаат домовите, бараат повеќе пари



На 16-ти јули градоначалничката на Тетово, Теута Арифи, извести дека рушењето на куќите на булеварот „Благоја Тоска“ почнало и дека за еден месец се очекува процесот да заврши. Меѓутоа, три станбени објекти сѐ уште се таму, а жителите одбиваат да ги напуштат своите домови.

Екипата на ТВ21 го посети местото каде е предвидено да биде изграден булеварот. Еден од жителите иако не сакаше да зборува пред камера, рече дека нема да ја напушти својата куќа сѐ додека не се договорат за цената, бидејќи како што вели, понудената сума е многу мала.

-Сѐ уште не решија. Ни рекоа дека ќе средат, додека да средат да ни дадат дозвола да останеме, а потоа патот е слободен.

-Дали ви го исплатија надоместокот за куќата?

-Не, не, ниту исплата, ниту надоместок. Ништо. Сумата е многу мала, не е колку што им платија на другите. Не се согласуваме со таа цифра.

-Ако општината не ви даде дозвола и не ја покачи цената, ќе ја напуштите куќата?

-Не, нема да си заминам. Тука ќе живеам.

Претседателот на Општинскиот совет, Беким Мемети, вели дека постапката не била лесна, бидејќи требало да се решат имотно-правните прашања и да се обезбедат финансиски средства.

-Нормално, не беше лесно да се отвори, бидејќи не зависи сѐ и од нас како општина. Требаше да се изменат плановите, имаше избори, па требаше да се стават во прекин градежните активности. Проблем беше и исплатата, експропријацијата одеше бавно додека да ги обезбедиме средствата од Владата и општинскиот буџет. Дел од овој процес беше и легализацијата на имотот на луѓето што живееја во тие куќи и мораше да се среди документацијата. Сите тие куќи требаше да се урнат, но сега заврши и тоа. Она што неколкупати го нагласивме и јас, и градоначалничката сега стана реалност-вели Мемети.

Општина Тетово веќе 8 години ветува дека булеварот ќе биде изграден. Владата ѝ додели на општината 500 илјади евра за надоместок на имотот, додека за отворањето општинските власти добија грант од ТАВ-Македонија. Останува да се види дали Арифи ќе успее да го исполни ова ветување во текот на овој мандат.

https://mk.tv21.tv/rusheneto-na-kukite-na-bulevarot-blagoja-toska-zapre-del-od-zhitelite-ne-gi-napushtaat-domovite-baraat-poveke-pari/

Порталб: 5 месеци пред изборите, од Општината велат дека ќе се отвори булеварот „Благоја Тоска“ во Тетово

По скоро осум години непроменета состојба, шест месеци пред изборите, Општина Тетово се активира за да ги заврши работите на булеварот „Благоја Тоска“. Од општината вчера соопштија дека експропријацијата на сите имоти е завршена додека на сопствениците им е врачена одлуката за уривање на објектите и дека овој булевар ќе биде отворен за време на овој мандат. Новинарот на Порталб.мк вчера беше на терен, каде што утврди дека работите за отворање на булеварот сè уште не се започнати.

Општина Тетово уште нема срушено ниту една куќа за отворање на булеварот „Благоја Тоска“, што се ветува уште од кампањата на сегашната градоначалничка Теута Арифи во 2013 година.

Сепак, од Општината веруваат дека до крај на мандатот булеварот ќе биде отворен.

„Експропријацијата е извршена. Одлуките за рушење им се доставени на сопствениците, и доколку излезете на терен ќе забележите дека некои од нив почнале сами да ги рушат објектите. Објектите што не ги срушиле сопствениците ќе ги сруши општината. Да, за време на овој мандат“, изјавија од Општина Тетово.

Образложението на општината за незапочнување на работите е имотно-правниот спор меѓу двајца членови на едно семејство. Еден од нив за Порталб.мк вчера изјави дека не е точно дека тој го попречува почетокот на работите.

Новинарот на местото на настанот разговараше со една од страните која, според општина Тетово, е една од причините за незапочнување со работа на булеварот и формирање на комисија за „Благоја Тоска“.

Според него, конфликтот што го има со еден член од неговото семејство не го попречува во ниту еден момент почетокот на работите за отворање на булеварот, тој потенцира дека тоа му го кажал и на претседателот на општинскиот совет, Беким Мемети.

„Да, вистина е дека има имотно-правен судир, постои тенденција да се изгради нешто незаконско без моја согласност, што не е дозволено. Како и да е, јас никогаш не би спречил почеток на работите за булеварот Благоја Тоска, дури го охрабрувам почетокот на работите, и изјавите од општината не се точни“, рече тој за Порталб.мк.

Општина Тетово постојано ветува, но не ги открива причините зошто работите се одолговлекуваат

Општинските власти и градоначалничката на Тетово, Теута Арифи, постојано го избегнуваат прашањето зошто работите на терен за уривање на зградите сè уште не се започнати, со оглед на тоа што експропријацијата на зградите беше завршена, а жителите се обесштетени за ова.

„Комисијата за Благоја Тоска“ одржа само една средба, и понатаму е неефикасна.

Со цел да се „смират страстите“ на незадоволните жители од обесштетувањето поради уривањето на нивните куќи, општина Тетово на 28 јануари формираше комисија за „Благоја Тоска“.

Иако оваа комисија е формирана пред повеќе од три месеци таа, досега, само еднаш била на терен за да разговара со жителите на населбата, и тогаш, според информациите на Порталб, разговорот не дал никаков ефект.

Истакнуваме дека доколку оваа комисија не стане функционална за да склучи договор помеѓу горенаведените незадоволни страни, постои ризик нивната постапка да оди на суд и со тоа има ризик да се одложи процесот на отворање на булеварот.

Кои се членовите на „Комисијата за булевар Благоја Тоска“?

Порталб.мк ја обезбеди одлуката за формирање на комисијата, во која се наведени имињата на членовите кои треба да излезат на терен и да ги решат конкретните спорови за отворање на булеварот, а во одлуката се потенцираат и обврските на истата.

Станува збор за вкупно 7 члена, меѓу кои: Беким Мемети (ДУИ), Горан Јовановски (ВМРО-ДПМНЕ), Бесар Дурмиши (Движење БЕСА), Ариф Селами (АА), Аднан Билали (ДПА), Живе Алексовски (СДСМ), Минире Адеми (ДУИ).

https://meta.mk/portalb-5-meseci-pred-izborite-od-opshtinata-velat-deka-kje-se-otvori-bulevarot-blagoja-toska-vo-tetovo

Споредните улици во Тетово во лоша состојба, Општината ветува: Почнуваме со работа за 10 дена!



https://alsat.mk/mk/sporednite-ulitsi-vo-tetovo-vo-losha-sostojba-opshtinata-vetuva-pochnuvame-so-rabota-za-10-dena/