Коридор 10

Седум години се врши ремонт на пругата Ногаевци-Неготино на Коридорот 10

Јавното претпријатие за железничка инфраструктура Железници на РСМ веќе седум години врши ремонт на железничката пруга Ногаевци-Неготино. Оваа делница од Коридорот 10 е долга 31 километар, а изведбените активности се одолговлекуваат во време кога соседните земји Бугарија, Грција и Србија градат брзи пруги на главните паневропски коридори што минуваат низ нивните територии.

Ремонтот на пругата започна во декември 2013 година, кога тогашниот министер за транспорт и врски Миле Јанакиески вети дека рокот за изведба на реконструктивниот зафат ќе биде една година, додека по делницата возовите во иднина би се движеле со брзина од 120 километри на час. Седум години подоцна, надлежните власти не сакаат да коментираат за овој проект, освен дека ремонтот на оваа железничка делница е при самиот крај.

„Во однос на вашето прашање во врска со дозавршувањето на ремонтот на пругата Ногаевци-Неготино и рокот предвиден за реализација на проектот, ве упатуваме за одговор да се обратите до ЈП за железничка инфраструктура Железници на Република Северна Македонија, кое е договорна страна со Изведувачот на овој проект“, ни одговорија од Министерството за транспорт и врски.

„Мета.мк“ до Јавното претпријатие за железничка инфраструктура Железници на РСМ во изминатиов месец во три наврати ги испрати прашањата во врска со пругата Ногаевци-Неготино, но досега не добивме одговор кога ќе заврши ремонтот на оваа пруга на Коридорот 10. Во меѓувреме, возовите на оваа делница не можат да ја достигнат ветената брзина од 120 километри на час. „Мета.мк“ пишуваше за доцнењето на овој проект и во март 2019 година.

Ремонтот на пругата Ногаевци-Неготино се изведува со кредит од Европската банка за обнова и развој (ЕБОР), којшто земјава го доби во далечната 2010 година. Кредитот се подигна за ремонт на три делници на Коридорот 10 во должина од 54,4 километри, при што досега беа завршени градежните работи на делот Миравци-Смоквица и Табановце-Куманово.

Ремонтот на пругата Ногаевци-Неготино чини речиси 9,4 милиони евра, а последен пат оваа железничка делница била реконструирана во далечната 1968 година.

Како резултат на минорните инвестиции во реконструкција на железничката инфраструктура сиот изминат период, на пругата од Табановце до Гевгелија возовите се движат со намалена брзина на одредени делови од трасата, што допринесува за зголемување на времетраењето на патување. Инаку, токму железничкиот Коридор 10 е главната траса по која се одвива речиси целокупниот товарен железнички превоз во земјава и претставува единствениот функционален паневропски коридор во земјава.

https://meta.mk/sedum-godini-se-vrshi-remont-na-prugata-nogaevczi-negotino-na-koridorot-10

Долго време веќе не се спомнува ама баш ништо за реконструкцијата на делницата Неготино-Ногаевци, има ли некој информации до каде се пошто досега веќе требаше да биде завршена.

160 не се избра затоа што чинеше многу поскапо, а времето на патување не се скратуваше нешто специјално.
Истото беше и за Куманово-Дељадровци, времето на патување со 160 во однос на 120 km/h ќе беше побрзо за некаде 3 минути, но изгардбата чинеше многу повеќе, заради експропријација на поголемо земјиште.

Знаев дека вакви планови се изготвија уште одамна ,консултантската компанија ги даде предлозиве 2012 година ако не се лажам ,ако не и порано но колку што знам сеуште нема 100% прифатено решение и нема основен проект за ниедно. Инаку сумата од 612 милиони е нереална и изгледа како тешко перење на пари ,па дури и за двоколосечна пруга со Вмакс= 200км/ч а не пак за едноколосечна со Вмакс=120км/ч. Се работи за 30км пруга не за 300км. Па најтешката пруга за изградба во Македонија (коридор 8) вкупно би требало да чини околу 800 милиони до 1 милијарда (а се работи за изградба на преку 120км плус 70тина км реновирање) и тоа со Вмакс=160км/ч.

Мене ме мачи истото прашање од Баже, зашто не била подржана другата варијанта за 160км/ч кога се движат по истата рута.

Делницата Драчево-Велес. Нејзината изградба е условена со идната планирана изградба на ХЕЦ Велес и потопувањето на постојната железничка делница.
Новата делница ќе биде долга скоро 33 km, а нејзината изградба ќе чини 612.000.000 ЕУР.

Коридорите беа дефинирани во согласност со идејниот проект за двоколосечна електрифицирана пруга, подготвен од Градежниот факултет Скопје, Март 1989 и врз основа на тиа информации и други испитувања дефинирани се следниве коридори:
I - слично на Идејниот проект од 1989 година;
II - нов коридор на левата страна од долината на реката Вардар;
III - нов коридор на десната страна од долината на реката Вардар.

КОРИДОР I
Сценарио-160_12d
Врз основа на Идејниот проект за 160 km/h двоколосечна железничка пруга, подготвен од страна Градежениот факултет во 1989, Консултантот ја подобри трасата во однос на:
- постојниот проектиран параметар (min R=1,200 m и ако е можно R=min 1,500m, преодна кривина) како што е прикажано во рамките на IR за 160 km/h.
- избегнување траса низ селата и во нивна непосредна близина.
Сценарио-120_12s
Хоризонталната и вертикалната траса на пругата е иста како за сценарио-160_12d, но само за едноколосечна траса и брзина од 120km/h.
Сценарио-120_14s
Нова траса, во близина на трасата од сценариото 160_12d со мин R=800, со цел да се минимизира ископот, како и должината на структури (мостови, вијадукти, тунели), на местата каде е потребно. Трасата се базира врз основа на проектирани параметри за развивање на брзина од 120 km/h.
КОРИДОР II
Сценарио-160_24d
Изградба на нова двоколосечна пруга со проектирана брзина до 160 km/h на, левата страна на р. Вардар, со мин R=1.500 m, која минува низ селата Орешани, Таор и Катланово.
Сценарио-120_21s
Нова траса, во близина на трасата од сценарио-160_24d, освен за делот помеѓу стационажа km 16-29, со мин R=800 m, со цел да се минимизира ископот, како и должината на структури (мостови, вијадукти, тунели), каде што е потребно. Трасата е дефинирана врз основа на проектирани параметари за брзина од 120 km/h, двоколосечна пруга.
Сценарио-120_24s
Станува збор за траса која е идентична со трасата од коридор 160_24d, со единствена разлика што се работи за едноколосечна пруга.
КОРИДОР III
160_31d
Нов коридор на десната страна од Коридорот I со мин R = 1.500m.
Карактеристиките на овој коридор доминираат со многу долги тунели и затоа Консултантот се воздржа од понатамошна анализа на сценариото со брзина од 120 km/h едноколосечна пруга, бидејќи нема да се постигне намалување на големите трошоци во однос на брзини од 160 km/h.

Еве и некои информации за избраната опција, со 120 km/h:



Следи слика од трите предложени коридори.
Зелениот уште од старт отпадна, затоа што е целиот во тунел и затоа што неговата изградба ќе чинеше дупло повеќе од останатите.


Сега и избраниот коридор, 120_24s:
1.


2.

Добредојде на форумов и благодарност за сликите!    

Тоа повеќето колосеци се на станицата Куманово ?
Зашто не се реновирани и тие ?

Edited by Bube - 10-May-2014 at 15:52

Мислам дека на обновениот дел Табановци/Куманово се можни брзини и поголеми од 120км/ч, тој дел е во одлична состојба....на жалост станицата во Куманово не е предвидена за реконструкција...најголема општина во МК со голем патнички потенцијал....чудно...

Фотографиите не се искористени за добивање на никаква финансијска корист така да и одобрувањето на авторот не е потребно доколку тоа стриктно не е наведено на хостингот каде е поставена и од каде е превземена фотографијата.

Многу фотографии после поставувањето на некој хостинг или сл. cе сопственост на тој хостинг и хостингот уредува како и на кој начин истите ќе се превземаат а не авторот.

Лично многу ми е мило да имаме слики од нашите возила. Да имамвме заљубеници фотографи во минатото сега ќе имавме многу подобра фото-евиденција за нашата железничка историја.

Edited by mon - 02-Jan-2014 at 11:48