Општинска зграда Аеродром

Кој предлог проект ви се допаѓа од трите погоре презентирани?

Ова со прозорите во коцкастиот дел (не полукружниот) сум сигурен дека сум го видел некаде. Незнам дали е стандардно архитектонски решение, или е само тука копирано мазнато од некаде. Ама сигурен сум дека сум го видел кај некои слики од свет примери бруталистички.

Инаку решение изгледа фино, пристојно, нормално.

Административна зграда за Општина Аеродром / ШаркА







Анализирајќи го севкупниот скопски контекст на моментална урбана состојба и актуелната хиперурбанизација, овој тим зема поголема слобода, (секако, на сметка на успешноста на проектот на конкурсот) пред се со цел да го покаже својот став и насоката како би требало да изгледа не само зададената локација, туку и односот кон/во градот! Проектот се јавува како реакција на урбанистичките планови кои ја минимизираат важноста на објектите од јавен интерес и јавниот простор, додека приоритет даваат на станбен, комерцијален и деловен простор.

Општинската зграда би требало да има отворен јавен простор (мал плоштад) кој би можел да се користи за повеќе намени, би го олеснувал и подобрувал пешачкиот пристапот кон општината, би создавал врска со околината и би ги акцентрал и зголемил граѓанските, демократските вредности. Овој проект претставува коментар за планот на локацијата и го акцентира како приоритетно општото добро преку создавање не само на општинска зграда, туку и препознатливо место кое поттикнува позитивни вредности. Затоа, проектот „ШаркА“ се протега на моментално целото неизградено земјиште: на државното земјиште предвидено за општинската зграда и просторот зад неа, предвиден за деловни намени. Просторот за деловниот објект со својата издолжена форма и дозволена височина од 28 метри, има потенцијал да се изгради во крут масивен блок, кој изграден во иднина би ги спречил воздушните струења и би создал дополнителна непријатна и клаустофобична атмосфера, за која дадената локација, а и градот немаат капацитет! Со оглед на непосредната близина на деловни и трговски центри, и дехуманизираната армосфера на локацијата, потребата за паркови и зеленило во градот и покрај булеварите; новите урбанистички трендови и секако почитта на околниот контекст и архитектонскиот континум, овој тим својот проект свесно го постави на моментално целиот неизграден простор.

ПРОЕКТ | КОНЦЕПТ



Проектот „ШаркА“ претставува јавен објект, односно административна зграда на Општина Аеродром. Името на проектот „ШаркА“ произлегува од зборовите: шума (алудирајќи на моменталниот светски тренд – урбани шуми), парк (тоа што е потребно за граѓаните на градот Скопје) и „А“ како името на општината – Аеродром. Лоциран на агол на крстосница, во локација опкружена со висококатници и булевари, се појавува потребата од креирање на зелен, одржлив, инклузивен, социјален и повеќенаменски простор, кој не би бил наменет само за вработените во општината, туку и за сите граѓани.

Приземјето и партерното решение се обединети во еден и единствен течен простор, низ кој граѓаните лесно би можеле да се движат и да поминуваат. На овој начин движењето не се ограничува само преку тротоарите и влезовите, туку е флуидно (слободно тече) низ целата локација, која истовремено преставува и јавен социјален простор, отворен за движење и комуникацијата. Партерот содржи локално високо зеленило, кое го намалува звучното и воздушното загадување од околните булевари. Решението се повикува на концептот на слободно пешачко движење, типичен за плочниците помеѓу станбените згради во општината изведени при оригиналните планови за населбата Аеродром. На тој начин, концептот на проектот „ШаркА“ произлегува од локалната архитектура и моменталните потреби на општината и истите ги обединува во ново решение, креирано според светските принципи на одржлива, хумана и зелена архитектура. Овој проект го истражува концептот на симбиоза помеѓу објектот и потенцијалното содзавање на урбана шума, како современ концепт за заштита на животната средина и борба против климатските промени.

ФОРМА | ПРОГРАМА



Објектот е поделен во два, меѓусебно поврзани делови. Првиот е издолжен блок со слободно призмје, кој преку ходник се спојува со вториот дел составен од три меѓусебно поврзани кубуси. Ваквата форма произлегува од природната зададеност на локацијата, односно од потребата оптимално да се искористи сончевата светлина.

Просторите кои ги создаваат кубусите во приземјето се обликувани да создаваат мали и разнолики градини, кои го подобруваат биодиверзитетот на самата локација и би претставувале и интимни катчиња за релаксирање на вработените во општината, како и граѓаните и минувачите. Во таа смисла, целта е овој објект да не е само административна зграда, туку да претставува активен простор за сите граѓани во текот на целиот ден, со содржини кои би ја гарантирале безбедноста и социјализацијата и во вечерните часови (како на пример: кино проекции, скејт парк, дневна детска грижа).

За таа цел објектот преку слободното приземје и партерното уредување, ослободува простор за различни социјални активност, како на пример кино-проекции на отворено во летно време, шетање, одмарање, детска игра, рекреација.

Слободниот покрив на објектот и корвната градина ги продолжува истите функции само на повисоко ниво до кое лесно се пристигнува преку надворешните, вертикални комуникации кои овозможуваат пристапност до било кое ниво, без притоа да се влегува во самиот објект. Истиот нуди можност и за социјална активност на отворено, рекреација, како и урбано градинарство и слични одржливи концепти.

Внатрешното решение претставува јасен и едноставен економичен простор со природна светлина и вентилација и ги вклучува сите содржини побарани во проектната програма.

https://marh.mk/administrativna-zgrada-za-opshtina-aerodrom-sharka/

За урбанистичките аспекти на локацијата за новата административна зграда на Општина Аеродром



Општината Аеродром, на крајот на минатата година распиша конкурс за нова административна зграда за свои потреби. Повикот траеше до 1ви март, 2021 година и на истиот пристигнаа 22 идејни решенија, што е одличен одзив.

Post festum ја коментираме локацијата и урбанистичките аспекти на истата, која е производ на таканаречениот македонски урбанизам со сите негови контрадикторности.

Локацијата во однос на поширокото опкружување е на позиција, која е атрактивна, визуелно достапна и сообраќајно пристапна. Се наоѓа на јужниот агол од раскрсницата на бул. „ Видео Смилевски Бато“ и бул, „Србија“ креирајќи фасадна крива на фронтот со што ја омекнува својата појавност. Просторот е жив и раздвижен и на прифатливо растојание од општинскиот центар ( Т.Ц Бисер ). До тука е се како треба, но…



Од катастар на РМ

Предвидена е мала градежна површина која опфаќа доминантен дел од парцелата. Од тука не е возможно да создадете претпростор, пјацета, зеленило т.е партерно уредување кое соодветно ќе го третира идниот објект со достојна и урамнотежена атрактивност. Во случај да се обидете ќе морате да создадете компромис во проектната задача и со тоа автоматски да не ги исполните докрај бараните услови.

Вкупно дадените просторни побарувања ( околу 4000 м2 корисна површина ) бараа максимално окупирање на габаритот предвиден од урбанистите, влијаејќи безкомпромисно врз архитектонското решение. Тоа е типично за македонскиот тековен урбанизам, кој нема посебен третман кон објекти со општествено значење, одземајќи ги условите за визионерско делување.

Општината одлучила да ја препоплови оригиналната парцела и да ја откине од утробата, создавајќи две од кои помалата парцела е со максимални параметри. Очигледно државните институции и кога работат за себе не покажуваат до крај респектабилен однос кој ќе е исчекор кон повисок квалитет.



Од детален урбанистички план / Reonski Centar UE A Blok 1 i 2

Како производ на ова, соседната парцела е со намена – трговски содржини (иако во соседството има веќе неколку). Предвидената површина за градба го деградира постоењето на новата општина, наметнувајќи и се да создаде неразбирлив полублок.



3D модел на максима според ДУП

Нелогичноста на ваквата организираност е крунисана со различните височини каде општината е П+3, додека комерцијалниот објект доминира со П+7. Зар не беше логично овој сосед, да биде со иста височина?! … Особено засегнува фактот дека надвишувањето не смее да се случува на југот, бидејќи со тоа го одземате природното осончување на северот, додека секоја логика на урбанизмот доминантата би ја сместил на аголот ( обратно од предвиденото).

Обликувањето на површината за градба на општинската зграда отстапува и од фронтот на соседниот објект блокирајќи го природното движење и наметнува заокружување. Знаејќи ја набиеноста на програмата, создавањето на природен трем во приземјето беше невозможна мисија.

Она што остава простор за поинакво делување е сопственоста на оваа соседна парцела ( државен посед ) и нејзината неизграденост. Од тука можеме да се надеваме дека пред изработката на основиот проект ќе може да се извршат урбанистички промени како објектот на општината би добил соодветен третман.



Анализа на возможни промени во габарит / Прима Инженеринг

Постојат три возможни позитивни ситуации:

да се корегира урбанистичкиот план и да се изедначат височините на соседниот објект;
доколку се инсистира на поголема височина на трговскиот објект, тогаш да се ревидира градежната линија и истиот да се повлече во правилна правоаголна основа;
да се избриши оваа намена и да се предвиди јавен простор кој ќе се интегрира со општинската зграда.
Поентата на ова пишување сепак не е со цел да го деградира архитектонскиот дел од конкурсот, туку да укаже на урбанистичките нелогичности и можноста истите да се корегираат.

Архитектурата сепак претставува најдобар можен одговор во рамките дефинирани помеѓу барањата на инвеститорот, урбанистичките параметри и личниот авторски сензибилитет.



Овој конкурс многу веројатно дека продуцирал интересни и добри решенија согласно параметрите, но сега треба да се остави простор победничкиот проект да се реализира во неговата оригиналност. Да не се дозволи импровизација како со лошиот пример на Општина Карпош.

Објектите не може да се набљудуваат одделно, туку во контекст на околината, затоа овој конкурс може да покаже легитимитет на овој процес и да донесе позитивен урбанистички заклучок – да ја корегира соседната парцела и целосно промени во позитивен наратив кон новата општинска зграда!

Автор на статија: Filip Koneski

https://marh.mk/za-urbanicistickite-na-lokacijata-za-nova-zgrada-aerodrom/?fbclid=IwAR1ceiNg_epsd1Kc35Wwgi6ZTPdTS-GLltx7xbOCKwDYSNtts3rKgKWZmTA

Ок,фала ти сум имал сосем грешна претстава за позицијата на објектот.

Ова беше локацијата за зградата,долго време стои оградена со тараби мислев дека е за нешто друго?

ПРИСТИГНАА 22 ИДЕЈНИ РЕШЕНИЈА ЗА НОВА ОПШТИНСКА ЗГРАДА



Пристигнаа вкупно 22 идејни решенија за проектирање управна зграда на Општина Аеродром по објавениот анонимен конкурс. Оценувањето на трудовите ќе го врши стручно жири, а Општината ќе додели и парични награди за трите најдобри идејни решенија за нова општинска зграда, и тоа 300 000, 100 000 и 50 000 денари. Право на учество на конкурсот имаа правни и физички лица од областа на архитектурата, а покрај задолжителните критериуми за проектирање соодветни работни простории, како и простории за прием на граѓани, во конкурсот се бараше да се предвидат и современи технологии на градење со материјали и решенија што ќе овозможат висок степен на енергетска ефикасност. Со изградбата на општинската зграда ќе се создаде можност за поефикасна соработка со граѓаните и ќе се рационализираат издатоците од буџетот на Општината.

https://www.facebook.com/OpstinaAerodrom

Аеродром ќе гради нова општинска зграда, другите општини сѐ уште во старите објекти

Реонскиот центар во Аеродром е локацијата на која наскоро, според најавите, ќе започне изградбата на новата административна зграда на Општина Аеродром. За таа цел, оваа скопска општина деновиве објави меѓународен анонимен конкурс за избор на идејно архитектонско решение.

– Предвидено е општинската зграда да се гради во Реонски центар – Аеродром, поточно на аголот меѓу булевар „Србија“ и булевар „Видое Смилевски-Бато“. Во тек е меѓународен анонимен конкурс за избор на идејно архитектонско решение за проектирање на управна зградата, по што ќе се премине во втората фаза од реализацијата на овој проект – велат од Општина Аеродром.

Оттаму објаснуваат дека со изградбата на општинската зграда ќе се создаде можност за поефикасна соработка со граѓаните и ќе се рационализираат издатоците од буџетот на Општината.

– Покрај задолжителните критериуми за проектирање соодветни работни простории, како и простории за прием на граѓани, во конкурсот се бара да се предвидат и современи технологии на градење со материјали и решенија што ќе овозможат висок степен на енергетска ефикасност – информираат од Општина Аеродром.

Право на учество на конкурсот имаат правни и физички лица од областа на архитектурата, а крајниот рок за предавање на трудовите е 1 март. Оценувањето на трудовите ќе го врши стручно жири, а Општината ќе додели и парични награди за најдоброто идејно решение за нова општинска зграда, и тоа 300.000, 100.000 и 50.000 денари. Сепак, надлежните од оваа скопска општина, не прецизираат кога точно ќе биде завршена изградбата на општинската зграда и конечно селење на општинската администрација во новиот објект.

Иако во моментов само Општина Аеродром работи на реализација на проектот за изградба на нова општинска зграда, сепак и останатите скопски општини настојуваат да ги подобрат условите за работа на вработените.

Работна група од Општина Карпош во моментов прави проверка на целата документација во врска со општинската зграда која започна да се гради за време на претходната општинска администрација.

Во врска со изградбата на општинската зграда, Државниот завод за ревизија во својот редовен извештај за материјално-финансиското работење на Општина Карпош констатираше дека новата општинска зграда е изградена спротивно на избраниот проект и одобрението за градење. Како Општина Карпош формиравме работна група од стручните служби (од Секторот за урбанизам), кои во моментов прават проверка на целата документација во врска со општинската зграда, со цел можно откочување на процесот – информираат од Општина Карпош.

Оттаму велат дека, во оваа фаза во која е изграден објектот, сè уште не може да се посочи колку средства ќе бидат потребни за нејзино завршување. Олеснителна околност за карпошани е и тоа што, во моментов, од касата на оваа скопска општина не се издвојуваат финансиски средства за закупнина на работниот простор бидејќи Општина Карпош не плаќа закупнина (кирија) за користењето на постојните општински бараки и простории.

Од скопската Општина Кисела Вода, пак, велат дека иако и тие во моментов не плаќаат кирија за просториите кои во моментов ги користи општинската администрација, сепак во иднина планираат изградба на нова општинска зграда.

– Во иднина е планирана изградба на нова општинска зграда. Во моментов, Општина Кисела Вода не плаќа надоместок за користењето на општинските канцеларии, затоа што тие се во нејзина сопственост, а дел од општинските канцеларии ги користат и други државни институции – информираат од Кисела Вода.

Од Општина Центар, пак, велат дека во моментов на планираат изградба на нова општинска зграда и потсетуваат дека тие не плаќаат кирија за користење на општински канцеларии бидејќи бараките во кои се наоѓа општинската администрација се во сопственост на општината.

https://www.slobodenpecat.mk/aerodrom-ke-gradi-nova-opshtinska-zgrada-drugite-opshtini-sѐ-ushte-vo-starite-objekti/

ОПШТИНА АЕРОДРОМ ЌЕ ГРАДИ ОПШТИНСКА ЗГРАДА, РАСПИШАН КОНКУРС ЗА ИДЕЈНО РЕШЕНИЕ

Општина Аеродром ќе гради општинска зграда за повеќе да не дава пари за кирија. Деновиве објавен е конкурс за избор на идејно архитектонско решение за проектирање на управна зграда. Зградата ќе се гради во населбата Ново Лисиче, на просторот после крстосницата со булевар Србија и ќе биде со површина од 4.500 квадратни метри.

Градоначалникот на Општина Аеродром Златко Марин вели дека сè уште не се дефинирано финансирањето на објектот и кога би стартувале градежните работи.

„Се решивме за овој чекор бидејќи од формирањето на Општината во 2005 година ние даваме пари за кирија. Месечниот трошок за кирија ни е 8.000 евра или 96.000 евра годишно. Доколку се решиме сами да ја градиме без помош од Владата тогаш ќе земеме кредит од домашна комерцијална банка“, вели Марин.

Конкурсот трае до 1 март. Во него покрај задолжителните критериуми за проектирање соодветни работни простории, како и простории за прием на граѓани, се бара да се предвидат и современи технологии на градење со материјали и решенија што ќе овозможат висок степен на енергетска ефикасност.

Оценувањето на трудовите ќе го врши стручно жири, а Општината ќе додели и парични награди за најдоброто идејно решение за нова општинска зграда, и тоа 300 000, 100 000 и 50 000 денари.


https://sdk.mk/index.php/dopisna-mrezha/opshtina-aerodrom-ke-gradi-opshtinska-zgrada-raspishan-konkurs-za-idejno-reshenie/

Значи освен школото што веројатно се кофинансира, апсолутно ништо. Кои капитални проекти?