Подземна улица (К.Ј.Питу - Илинденска)

Mene, pak, me interesura kako ke se finansira izgradbata na ovaa ulica?

Edited by Denko - 26-Feb-2014 at 12:18

Нека само биде вака и нека пропадне ова што побрзо...

Да се надеваме дека ќе пропаѓаат тендерите, па барем Скопје да се спаси од оваа глупост.

Градежниците бараат од 67 до 90 милиони евра за подземната сообраќајница во Скопје

Втор тендер, повторно високи финансиски понуди за изградба на тунелот под плоштадот „Македонија“. Во просториите на Град Скопје денеска се отворија доставените понуди од осум градежни компании и конзорциуми, јавува телевизија „Телма“. Најниска понуда има бугарско – македонскиот конзорциум „Обединувањето Македонија 2014“, кој би го реализирал проектот за сума од 66,9 милиони евра. Најмногу финансиски средства во висина од 90,1 милиони евра за изградба на подземната сообраќајница побара конзорциумот составен од македонските градежни компании „Бетон“ од Скопје, „Гранит“ и „Жикол“. Добиените понуди од вториот по ред тендер се речиси во целост идентични на оние од првиот повик, кога најповолна понуда во износ од 67.227.284 евра достави конзорциумот од скопската компанија „Бауер БГ“ и италијански „Вианини лавори“.

 

Доставените понуди од градежните компании не се конечни бидејќи допрва треба да се спроведе електронско јавно наддавање како втора фаза од изборот на најповолен понудувач, во чии рамки субјектите ќе треба повторно да достават најниска понуда. Сепак, очекувањата на скопскиот градоначалник Коце Трајановски за намалување на висината на цената за 10 до 20% не се остварија во реалноста. Според проекциите на Град Скопје, градежниот зафат за тунел под плоштадот „Македонија“ треба да чини околу 51 милион евра, што е за цели 15 милиони евра помалку од она што го нуди бугарско – македонскиот конзорциум. Поради прескапите понуди од компаниите, градската управа во септември лани го поништи првиот тендер за остварување на овој проект.

 

Сообраќајницата на потегот од булеварите „Илинден“ и „ВМРО“ до булеварот „Кузман Јосифовски – Питу“ ќе биде долга 1.300 метри, од кои 900 метри е предвидено да бидат под земја, во делот кај плоштадот „Македонија“ и долж Кејот „13 Ноември“. Со проектот е зацртано да се изгради по една коловозна лента во секој правец.

http://www.build.mk/?p=32946

Добро е ова ќе биде повторен пропаднат тендер, имало аир од оваа глупост.

Edited by daci92 - 21-Feb-2014 at 21:18

Градоначалникот Трајановски вели дека по проширувањето ќе се смени и режимот на сообраќај во центарот.

- Решен сум оваа улица (Даме Груев) да стане двонасочна, а „Димитрија Чуповски“, каде што е станицата „Рекорд“, да биде пешачка зона. Таму ќе се движи само трамвајот бидејќи на таа улица поминува неговата траса, а автобускиот сообраќај ќе се префрли на „Даме Груев“ – изјави за „Дневник“ скопскиот градоначалник.


Edited by phenomenon - 03-Feb-2014 at 11:27

Поентата е давање предност на јавниот транспорт пред индивидуалниот.
Рекорд е автобуска станица низ која поминуваат голем број на линии затоа си бара простор и немешање со останатиот патнички сообраќај за да го зголеми својот проток. Во принцип секое одвојување на јавниот транспорт без разлика дали е само на мали делници или на подолги делници по сопствена инфраструктура придонесува до поефикасен јавен транспорт. Еве на пример во Бризбен, Австралија има три долги делници на резервирани само за автобуси на јавен транспорт (Busway). Пред две недели беше многу дождливо и повеќето автобуси кои ги делат улиците со приватните патнички возила каснеа, дури и на моменти побрзо беше да се излезе од автобус и да се пешачи. Но сите линии кои се движат по патиштата резервирани за автобуси беа на време и времето на патување беше како и секој нормалне ден.

Мислам викаа дека по Чуповски ќе одат само автобуси кога ќе биде пешачка па нема тука да се пренасочат и нема да се прави тесно грло.

Коце кажа дека се пазареле со фирмата што ја има зградата за обештетување да се сечи тоа парче што надвиснува

Originally posted by kultuzin Што и да е. Подземните улици се скапи решенија особено на места каде што има згради и неможе да се оди со површински коп. Имам информација за Градот Карлсруе (Karlsruhe) во Германија каде што за околу 2 километра подземна инфраструктура за трамваи и автомобили ќе се потроши приближно една милијарда евра. Градежните работи отпочнаа пред четири години и уште се работи на подготовка на теренот за бушење, а со бушење ќе се почне во октомври. Целиот проект е планирано да заврши некаде 2018 година, но не е за чудо да се пробие рокот. Затоа мислам дека како решение за Скопје многу подобро е да се прошири Даме Груев а Димитрија Чуповски да се затвори. Исто така треба да се форсира проектот за спуштање под земја на дел од Јужниот Булевар онака како што стои во договорот со фирмата која сака да го гради комплексот позади старата железничка.

Даме Груев изобилува со широчина, особено кај раскрсницата со улица Македонија. Ако земеме во предвид дека сакаат и автобусите да ги пренасочат на оваа траса, тогаш ќе се создаде тесно грло многу полошо отколку што е сега кај Рекорд.

Не е проблем изградбата на подземната улица (кеј), проблем е доколку е со вкупно 2 ленти.