Булевар Митрополит Теодосиј Гологанов

Originally posted by alexsend сите шахти се видно пропаднати...

И да се кладиме дека ќе го изгребат асфалтот, ќе ја асфалтираат и нема да ги погодат шахтите и потоа околу шахите како коцка поново ќе го изгребат асфалтот за да ги нивелираат

Е де бе, во 2013 ја проширија, толку брзо се уништи асфалтот? Се надевам ќе ги прошират тротоарите, ќе ги тргнат трафиките пред млечен, и ќе направат велосипедски патеки на двете страни - има повеќе од доволно место!

Црвената лента на тротоарот ми е омилена. ЗА КОГО БРЕ? Да не има случајно велосипедска патека на тротоарчето?

Уште една промашена и уништена траса од страна на режимот која се одолговлекуваше до немај каде. Наместо брза сообраќајница во замена за Јужен или булевар со целосен профил и средишно зеленило со кружни текови добивме картинг патена налево-надесно вртење по целата траса и семафори...

Состојба од Сабота - 16.05.2015

Трета фаза „Теодосиј Гологанов“

- Должина: 1.600 метри
- Ленти: две нови во секоја насока
- Површина на тротоари: 9.550 квадратни метри
- Атмосферска канализација: 1.493 метри
- Реконструкција на фекална мрежа: 226 метри
- Цена: 81 милион денари- Осветление: 82 столба по цена од 11,6 милиони денари

http://www.dnevnik.mk/?ItemID=37C02326F78BDD4CA7679C2EC848CF60

9.


10.


11.

1.


2.


3.


4.

НА УЛИЦАТА „ГОЛОГАНОВ“ ПАК СЕ КОПА



Наместо нов асфалт, како што сите очекуваа, деновиве повторно се интервенира на подземните инсталации

Пак се копа на улицата „Митрополит Теодосиј Гологанов“. Од завчера повторно е затворена првата лента од коловозот веднаш пред „Алумина“. Овој потег и претходно, во неколку наврати, беше раскопуван и долго време се интервенираше на подземните инсталации и приклучоци. Токму ваквите непредвидени зафати, како што рекоа од Градот Скопје, беа главна причина за одолжувањето на реконструкцијата. И кога сите очекуваа конечно да почне асфалтирањето, откако на почетокот од неделава стариот асфалт беше целосно изгребан, сега пак се појави проблем. На истиот потег повторно има ископување, се гледаат цевки, полно е со работници, механизација. Финиширањето на улицата очигледно ќе се пролонгира уште еднаш.

„Кај ’Алумина‘ се појави технички проблем со инсталирањето на фекалната канализација. Во моментов се работи на негово отстранување и се очекува тоа да биде регулирано деновиве. На отстранувањето на проблемот се работи темелно, затоа што не смее истиот проблем да се појави и по завршувањето на комплетната реконструкција на коловозната површина. Истовремено се реализираат последните подготовки за завршното асфалтирање“, велат од Одделението за односи со јавност на Град Скопје и потенцираат дека третата и завршна фаза на проширувањето на булеварот „Митрополит Теодосиј Гологанов“ се очекува да заврши во текот на мај.

Со претходните две фази, 4,2 километра од градската сообраќајница се трансформирани во булевар со четири коловозни ленти. Булеварот започнува со кружниот тек кај Католичката црква, а завршува кај раскрсницата со улицата „Московска“, пред студентскиот дом „Гоце Делчев“.

„Покрај булеварот се уредени пешачко-велосипедски патеки, сите раскрсници имаат нова семафорска опрема, со нови канделабри и енергетски ефикасно осветлување“, појаснуваат од Градот.

Истовремено се работи и на уредување на паркот покрај булеварот. Паркот ќе има ново зеленило, листопадни и зимзелени садници, хидрантска мрежа, а ќе биде опремен и со нова урбана опрема, клупи и канти за отпадоци.

http://utrinski.mk/default.asp?ItemID=81A263A5E5A9A44DB60D6325EAFFB910