Надградба на Министерството за транспорт

8 ГОДИНИ СЕ ДОГРАДУВАAТ ДВА КАТА НА ЗГРАДАТА НА МИНИСТЕРСТВОТО ЗА ТРАНСПОРТ, УШТЕ НЕМА ТЕХНИЧКИ ПРИЕМ

Зградата на Министерството за транспорт и врски која почна да се доградува во ноември 2011 година, сѐ уште не е готова. Објектот 8 години после почетокот на градежните работи за доградба на два ката, нема технички прием.

Министерот за транспорт и врски Горан Сугарески на прашање на САКАМДАКАЖАМ.МК зошто министерството уште не е вселено во објектот на плоштадот Филип Втори, вели дека техничката документација не е во целост готова, но не појасни зошто е тоа така и каде е проблемот што зградата уште нема технички прием.

„Можеби пред извесен период требаше да се вселиме во зградата, но додека техничката документација не биде во целост завршена, тоа нема да се случи. Очекуваме во најбрз можен рок изведбената состојба да биде завршена. Во моментот зградата сѐ уште нема технички прием“, изјави министерот Сугарески.

Обновата на објектот со најава за надградба за уште два ката почна во ноември 2011 година. Првиот рок за завршување на градежните активности беше една година, но тој беше поместен неколку месеци откако почна градењето на барање на Институтот за земјотресно инженерство и инженерска сеизмологија бидејќи не беше во согласност со сеизмичките стандарди.

Првиот проект за обнова на зградата предвидуваше рамен покрив со градина во која требаше да бидат поставени украсни скулптури, а просторот беше најавен како место за одмор на вработените, но изведениот покрив не е рамен, а скулптурите место на покривот, ставени се како украси на фасадата.

За доградба за два ката на зградата потрошени се 5,7 милиони евра. Експертите забележуваат дека оваа доградба е прескапа. Со истите пари Министерството, место да прави надградба и доградба, можело од темел да изгради сосема нов објект. За споредба, од истиот проект „Скопје 2014“, целосната изградба на зградата во се смести Агенцијата за аудиовизуалени услуги, пред некогашниот хотел „Бристол“, спроти Музејот на Град Скопје, чини 4,7 милиони евра. Зградата има приземје, осум ката и поткровје чија изградбата е поевтина од доградбата на Министерството за транспорт и врски.

А. АНТЕВСКА

https://sdk.mk/index.php/dopisna-mrezha/8-godini-se-dograduvaat-dva-kata-na-zgradata-na-ministerstvoto-za-transport-ushte-nema-tehnichki-priem/

Odamna nemam pominato odovde,sto stana so objektov,staven li e vo funkcija??

Фасадата нема допирни точки со барок, ама нека им е...

Барокот проблем Транспорт да се всели во реновираната зграда

Реконструкцијата на зградата на Министерството за транспорт и врски кое траеше седум години е во завршна фаза. Од Министерството велат дека зградата е завршена и опремена, но за да биде вселена е потребно уште да се изврши технички преглед и да се добие одобрение за употреба. Дополнителен проблем е одлуката на општина Центар за стопирање на сите досега донесени Детални урбанистички планови (ДУП) меѓу кои и оној за Мал ринг.

-Согласно законските прописи, ќе се завршат сите потребни процедури па откако ќе се даде одобрение за употреба, ќе се изврши и вселување во реновираната зграда – велат од Министерството за транспорт.

Одобрение за употреба, според Законот за градење, треба да издаде посебна комисија која ја формира министерот за транспорт и врски од повеќе ресори. Кога ќе се формира комисијата, од Министерството за транспорт не откриваат.

Дополнителен проблем е и одлуката на Советот на општина Центар со која се стопираат сите детални урбанистички планови во општината, меѓу кои и оној за Мал ринг, во кој се изградени и планирани сите објекти од проектот „Скопје 2014“. За оваа одлука во меѓувреме е поднесена иницијатива до Уставниот суд.

Од Министерството за транспорт велат дека ќе се почека и на одлуката на Уставен за да бидат целосно задоволени законските барања.

Реновирањето на зградата на Министерството за транспорт и врски започна на крајот на 2011 година и требаше да биде завршено за една година, но поради низа измени во текот на изведување на работите траеше до сега. Претходното раководство на Министерството за транспорт, неколкупати се правдаше дека реконструкцијата доцни поради проблем со статиката и поради проблеми со темелите на објектот.

Во план е покрај Министерството за транспорт и врски, во старо-новата зграда да се смести и Државниот инспекторат за градежништво и урбанизам, Државниот инспекторат за транспорт, Државниот комунален инспекторат и Агенцијата за сигурност во железничкиот систем.

На овој начин, како што беше првично планирано, ќе се овозможи сите сектори и органи на ресорот транспорт и врски да бидат на едно место, наместо како што е сега на повеќе локации во Скопје.

Реконструкцијата на зградата ја изврши градежната компанија „Бетон“ и до сега за тоа се потрошени речиси 6 милиони евра. Зградата беше темелно реконструирана и доградена со два ката во барок стил. Доградениот објект се простира на површина од 4.580 квадратни метри.

http://www.plusinfo.mk/vest/139065/barokot-problem-transport-da-se-vseli-vo-renoviranata-zgrada

Originally posted by mr bombastic Зошто сеуште не се тргнати скелињата долу, нели требаше уште јуни да биде се готово, не ми е јасно како може толку години да се влечкаат со објектов и пак крај му нема

Искривена била трасата на скелињата и тоа ќе сакало дополнителни сериозни зафати.....

фото: tom s (flickr)

Генијално решение е билбордов преку прозорци.

A portal to an alternate reality........

Ова со екраните на плоштадите е класичен вид за ширење на мизерна пропаганда. Не знам колку е познато но слична идеја имал Хитлер своевремено, само што тогаш технолошки не било баш изводливо.

Секое утро ја гледам истава глетка:



фото: Џото (твитер)

Originally posted by Џоле Ова што блеска е екранот, не знам зошто фоткава излезе вака, иако сликав со мобилен телефон што има добра камера.

Добро, ако веќе морало и тука да има дисплеј, нели можеше да го постават на тоа кршот десно, каде што нема прозорци?
Ај на некој му текнуваат вакви работи, ама до толку осет да се немало.