Археологија

МАКЕДОНИЈА СО НОВА ТУРИСТИЧКА АТРАКЦИЈА


Прв археолошки парк со владетелска гробница


На локалитетот Градиште во селото Бразда (општина Чучер-Сандево) од вчера е отворен прв македонски археолошки парк на површина од околу 1000 квадратни метри. Во централниот дел на паркот се наоѓа објект за кој се смета дека е владетелска гробница од крајот на 5 век пред.н.е.

Во подножјето на Скопска Црна Гора, на локалитетот Градиште во селото Бразда, (општина Чучер-Сандево) од вчера е отворен првиот македонски археолошки парк. Археопаркот Бразда се простира на површина од околу 1000 метри квадратни и во централниот дел се наоѓа владетелска гробница за која се смета дека потекнува од крајот на петиот век пред нашата ера. Од здружението Археологика и Музејот на Македонија, партнери во проектот, велат дека ова е само прв дел од активностите кои се преземени со цел да се промовира еден археолошки локалитет и да се доближи до јавноста.

Проектот го започнавме минатата година. На овој дел од локалитетот кој е многу поголем, е откриена гробницата која претставува уникатен објект токму поради архитектурата и материјалот што е користен. Камените блокови од кои е изградена гробницата се обработени на посебен начин и тешки се и по неколку тона. Таков камен нема во близина и се смета дека е донесен од оддалеченоста од над 20 километри, што укажува дека се работи за битно семејство", вели археологот Радомир Ивановиќ од Археологика".

Пред гробницата е направен плоштад кој е хортикултурно уреден, со пристапен пат и два моста, а поставени се и клупи, информативни табли и патокази. Според Ивановиќ од денеска ќе биде поставен и веб сајтот на паркотwww.arheoparkbrazda.mkна кој се наоѓа и мапа за полесно да се стаса до локалитетот.

Локалитетот Градиште, с. Бразда е познат од 1986 година и од тогаш се истражува со поголеми или помали прекини. Паркот е само дел од локалитетот на кој е откриена оваа гробница. Иако е таа ограбена можеби уште во античко време, сепак, претставува уникатен објект со скали и приод кон влезот, има и интересна околина во која се наоѓаат и други гробници, што укажува и на други можности, дека објектот е светилиште, или дел од градскиот бедем, што понатаму ќе се открива при ископувањата. Затоа сакавме овој дел да го уредиме за посетителите и нормално да влезе во туристичката понуда на Македонија, а понатаму да уредиме и други делови од локалитетот", вели археолог и виш кустос во Музејот на Македонија, Горан Санев. Проектот според археолозите Ивановиќ и Санев е реализиран со финансиска поддршка на АД ЕЛЕМ.

(Д.Т.)

http://www.vecer.com.mk/default.asp?ItemID=77C42AA7480210479CCA71E9EC18490D

3D визуелизација на објект во Стоби

Ова село бразда би требало да биде некаде близу Скупи ако не е лажам ?

Во прилепско пронајдена мермерна скулптура од 2 век

Во обид да се откријат темелите и да се возобнови стара црква напуштена пред повеќе од 200 години мештани од прилепското село Тополчани пронајдоа мермерна скулптура, која потекнува од вториот век и преставува препознатлив белег на античкиот град Стибера близу Чепигово, оддалечен само неколку километри од ова село.

Струшкиот Музеј пронајде 25 вековна некропола во Ташмаруништа
Четврток, 26 Јули 2012 17:39

Споделете ја веста со Вашите пријатели
Природнонаучниот музеј „Д-р Никола Незлобински“ од Струга изминатите два месеца интензивно работи на археолошкиот локалитет во селото Ташмаруништа.

Истражувањата, според директорот на Музејот Сашо Цветковски, покажале дека се работи за некропола која датира од VII, односно VI век пред нашата ера, која е распространета на местата на сегашните приватни имоти.

-Оваа година ја завршивме целината на некрополата. Тоа е голема некропола која со тек на времето се декомпозирала, во смисла на тоа што луѓето ги изнесувале камењата, зошто се работи за приватни дворови, односно парцели и незнаејќи ги ваделе и ги фрлале. Сега, факт е целината, а пред се обемот и периметарот останаа проблематични, истакна Цветковски.

Првичните податоци од истражувањата, рече, ги потврдуваат претпоставките на археолошкото одделение на Струшкиот музеј дека овој локалитет континуирано опстојувал речиси дваесет и пет века.

-Наодите потврдуваат еден континуитет од седмиот век. Тоа се многу реалистични и убави наоди кои говорат дека тука се опстојувало повеќе векови, информира директорот на Музејот во Струга.

Тој додаде дека жители на селото Ташмаруништа пројавиле голем интерес за анимација на овој интересен археолошки локалитет.

http://kurir.mk/republika/opstini/79205-Struskiot-Muzej-pronajde-25-vekovna-nekropola-vo-Tasmarunista

ФОТО: Фрескоживописот од базиликата во Стоби изложен во НБРМ
Петок, 18 Мај 2012 14:15
Сподели

Споделете ја веста со Вашите пријатели
Во Народната банка на Република Македонија денеска беше отворена изложба на која првпат пред јавноста се претставени 20 уникатни фрагменти од 4 век од нашата ера, кои биле дел од внатрешните ѕидови од епископската базилика во Стоби. Тоа е најстар зачуван фрескоживопис во Македонија и меѓу најстарите во светот.


За зачувување на фреските во најстарото христијанско светилиште во Македонија, во базиликата во античкиот римски град Стоби, Амбасадата на САД обезбеди 72.600 долари преку Амбасадорскиот фонд за заштита на културното наследство од посебната програма на Стејт департментот. Со помошта на САД фреските беа конзервирани и делумно реставрирани.

Отворајќи ја изложбата со наслов „Ранохристијанското ѕидно сликарство од Епископската базилика во Стоби“, министерката за култура Елизабета Канческа-Милевска истакна дека во изминатите неколку години интензивно и систематски се истражувал археолошкиот локалитет и дека се откриени остатоци од храмови и илјадници движни предмети.

- Посебно богатство на локалитетот Стоби се фреските од фрескоживописот кој ги красел ѕидовите на базиликата и крстилницата, како и фрагментите од подниот мозаик и прекрасниот мермерен кантарос во кој во текот на 6 век било вршено крштавање. Уште од времето на нивното откривање од американскиот професор, археологот Џејмс Вајсман во 1970-тите години, па се до денес, со своето непроценливо значење овие фрески и нивните делови кои чудесно опстанале под пластовите на земјата одолевајќи му на времето цели 17 векови, се предмет на научен интерес на многу македонски и странски истражувачи, истакна Канческа-Милевска.

Американскиот амбасадор Пол Волерс рече дека Стоби е пример за богатата историја и култура на Македонија, за чие зачувување Амбасадата на САД во Скопје обезбеди два гранта преку Американскиот фонд за заштита на културното наследство. Покрај овој за базиликата, во 2003-та беше финансирано и ископувањето на Римскиот форум во Стоби.

- САД се гордеат со партнерството што го имаме со Македонија за зачувување и заштита на културното богатство, какво што е ова, бидејќи имаме заедничка цел, а тоа е да им овозможиме на идните генерации од целиот свет да ја ценат нивната убавина и историја, рече Волерс.

Гувернерот Димитар Богов истакна дека преку работата на својот музеј Народната банка на РМ, по примерот на централните банки во светот, постепено се етаблира и како значаен трезор на нумизматичката културна оставнина на цивилизациите што егзистирале на оваа почва. За изложениот фрескоживопис од Стоби, пак, рече дека историјата на уметноста ги смета за ексклузивитет од огромно значење и оти овој вид уметничко творештво го нема во поширокиот ареал на европското копно.

- Народната банка е почестена од укажаната доверба да биде домаќин на оваа изложба која, се надевам, во текот на следниот месец ќе претставува интригантен културен настан за пошироката јавност, рече Богов.

Изложбата е отворена на Светскиот ден на музеите - 18 Мај, а галеријата во НБРМ е избрана за нејзин простор поради 20 години од монетарното осамостојување на државата. Токму фрагмент од локалитетот Стоби - паунот на подниот мозаик - е претставен на банкнотата од 10 денари, дизајнирана од уметницата Билјана Унковска. НБРМ е поврзана со Стоби и по тоа што на локалитетот е откриена и најстарата ковачница на пари во регионот.

http://kurir.mk/makedonija/vesti/71394-FOTO-Freskozivopisot-od-bazilikata-vo-Stobi-izlozen-vo-NBRM

Скулптура стара 19 века откриена во Стоби
Петок, 20 Април 2012 16:00
Сподели
291

Споделете ја веста со Вашите пријатели
Националната установа Стоби известува дека изминатава седмица во рамките на археолошките истражувања на храмот во Стоби е откриена мермерна скулптура од 2-от век н.е. со претстава на божицата Изида.

Скулптурата со височина од преку 2 метри е ремек дело на античката уметност, но нејзиното значење е уште поголемо поради фактот што конечно после четири години истражувања, со сигурност е определено божеството на кого му бил посветен сакралниот објект. За постоењето на храм на Изида во Стоби сведочеше еден натпис, откриен во 1977 година, но се до 2008 година не беше позната неговата локација.

Изида е египетско божество чиј култ се проширува во Македонија и Медитеранот во текот на хеленистичкиот период и е актуелен до почетокот на доцната антика и доминацијата на христијанството. Во хеленистичкиот и римскиот период нејзиниот мистериски култ е синкретички и вклучува елементи и атрибути од други познати божици во грчко-римскиот пантеон. Таа најчесто е почитувана заедно со богот Серапис како мајка на целата природа, божица на небото, морето и подземјето. Култот на Серапис е исто така потврден во Стоби.

Досега во Р. Македонија се познати две мермерни скулптури на Изида, откриени во Охрид. Храмот во Стоби е единствениот истражуван објект во Република Македонија во кој бил негуван култот на оваа божица.

Археолошките доистражувања на храмот и конзерваторските зафати се финансирани од Министерство за култура во рамки на годишната програма за остварување на националниот интерес во културата за 2012 година.

http://www.kurir.mk/makedonija/kultura/68405-Skulptura-stara-19-veka-otkriena-vo-Stobi

Овој шлем кај нас ли е пронајден? 

МОЖНОСТИ ЗА МАKЕДОНИЈА ДА ГО ВРАТИ ВРЕДНИОТ ЕKСПОНАТ ДОМА

Ќе се бориме за двојна сопственост врз кратерот



Постои двојство во чувањето такви вредности. Три години да биде изложен во колекцијата „Леви/Вајт“, три години да биде на местото каде што е пронајден кратерот. Да го имаме на располагање толку време, и со тоа би бил пресреќен, вели Паско Kузман, директор на Управата за заштита на културното наследство

Три години во Соединетите Американски Држави, па три години во Македонија може да биде изложен бронзениот кратер од демиркапиското село Kорешница, кој бил диво ископан и изнесен од земјава пред петнаесетина години, а денес се наоѓа во приватната колекција „Леви/Вајт“ во Њујорк. Ова е една од можностите што може да се разгледува ако Македонија не успее да го врати вредниот експонат од 5 век пред новата ера дома, информираат експертите за заштита на културното наследство. Директорот на Управата за заштита на културното наследство Паско Kузман има контакт со адвокати од Италија што добиле неколку судски спора за спорни артефакти од истата колекција. Неколку од нив ~ биле вратени на Италија. Сепак, поизвесно е дека првиот чекор на Македонија до Шелби Вајт, сопственичка на кратерот, ќе биде пријателски.

- Никогаш не сме добиле некој предмет на реституција. Но, постои двојство во чувањето такви вредности. Три години да биде изложен во колекцијата „Леви/Вајт“, три години да го даде на местото каде што е пронајден кратерот. Да го имаме на располагање толку време, и со тоа би бил пресреќен - вели Kузман.

„Дневник“ го истражува случајот со вредниот артефакт од архајски период за кој јавноста пред неколку години дозна дека е пронајден во Kорешница и по тајни канали е пренесен во Белград, па во Швајцарија, каде што неофицијално бил „испран“. „Дневник“ објави како се одвивал патот до Белград, но нејасно е на кој начин предметот добил документи и бил продаден во приватната колекција во САД.



Странците се информирани

за случајот

Kузман повеќе се надева на варијантата двојна сопственост. Ако Американците го купиле кратерот неколку милиони долари, тешко е дека лесно ќе го отстапат.

- Да го имаме кратерот три години во Археолошкиот музеј... тоа е фантазија! Ќе го видат сите, потоа три години нека биде во САД и таму ќе го гледаат. Не е ништо страшно, туку е една прекрасна соработка. Таа форма на двојна сопственост со добра волја може да се реализира. Најдобро е прво пријателски да се пристапи - вели Kузман.

Првпат слушнал за кратерот пред околу пет години кога бил назначен за директор на Управата. Го посетиле двајца струмичани кои детаљно го информирале за ограбувањето на гробницата во Kорешница. Десетина дена подоцна му се јавил човек од Лондон, по потекло од Холандија, кој тврдел дека знае каде е кратерот и дека има намера да работи на негово враќање во нашата земја.

- Ме заинтересира целата работа. Почнаа археолошки ископувања, беа откриени фантастични предмети што останале таму - вели Kузман.



Има уште гробници

Случајот со кратерот е пријавен во нашата канцеларија на Интерпол во Скопје, за да бидат во тек и да знаат за што се работи. Тие лани доставиле допис дека кратерот е вратен во Грција.

- Тоа беше погрешна информација. На Грција ~ беа вратени два други картера. Во Солун се, ги видов неодамна. Ниту еден од нив не е кратерот од Kорешница - вели Kузман.

По археолошките ископувања Управата за заштита ангажирала фирма од Охрид кои направиле длабински истражувања со недеструктивни, геомагнетни методи, за да ги детектираат промените на релјефот.

- Доставија податоци за четири гробници на истиот простор. Бев таму и археолозите работеа на посочените места. Немаше ништо, секаде стигнуваа до здравица, наидоа само на еден средновековен гроб - раскажува Kузман.

Годинава на локацијата работеше и фирмата „Геоархео“ од Хрватска. Според Kузман, тие мереле до 1,5 метар длабочина, а кратерот бил 3 метри длабоко закопан во земјата.

- Нивната работа е добра за ископување на археолозите, но подлабоки истражувања тешко може да се направат со таква опрема - вели Kузман.

Весна И. Илиевска
http://www.time.mk/read/NONE/830457b80c/index.html

Провав неколкупати да звонам да ги побарам но никој не одговара на телефонот нешто мајл за порака да им пишам или пак ако знаете точно кај се наоѓа и од колку до колку е отворено....поЗ