Не е грешка натписот... Намерно е така обратно напишан, за кога ќе возиш кола и во ретровизор ќе го видиш комбето, да можеш да го прочиташ.

Истото е направено и со новите противпожарни камиони. Само, кај нив натписот е на македонски јазик - пишува „Пожарникари“. Овде никако неможам да разберам што е поентата со текстот "Ambulance"?! Да беа донација - ајде, ама сами си ги купуваме, сами си го лепиме натписот и тој е на англиски јазик.

Чек.... Не разбирам... 69 или 80?

Како и да е... Еве како изгледаат...

Не знам дали има посебна тема за амбулантниве возила,прочепкав малку низ интернет последна што најдов беше информацијата од alfa tv која е објавена на 15 март во која фирмата има обрвска за 6 месеци да ги достави возилата.Некој нешто да слушнал?

„Automotive Group“ ќе ги набавува 80-те амбулантни возила 15 март 2012, 19:09 Компанијата Аутомотив Груп го доби тендерот за набавка на 80 амбулантни возила, обелодени министерот за здравство Никола Тодоров. Возилата ќе бидат од марката Рено. Договорот вреден околу 3,6 милиони евра, според Тодоров, ќе биде потпишан откако ќе заврши правната процедура. Тој тврди дека и во победничката понуда е пресметана акцизата – факт кој за второрангираната АутоМакедонија беше сомнителен, бидејќи цената беше двојно помала од нивната. „На електронската аукција победи компанијата, Аутомотив Груп, мислам дека се вика, за возила Рено, со понуда од околу 220 милиони денари плус акциза и ДДВ-то. Второрангираната понуда – износот и беше околу 420 милиони. Акцизата е околу 40 милиони. Значи разликата не е во акциза“, вели меѓу другото министерот за здравство, Никола Тодоров. 80-те амбулантни возила во земјава треба да стигнат најдоцна 6 месеци по потпишувањето на договорот, а државата ќе ги отплаќа во следните 3 години. Најновите амбулантни возила во земјава се стари над 10 години. Меѓу возилата со кои секојдневно се превезуваат пациенти во тешка здравствена состојба има и такви кои се произведени во раните 80-ти години.

http://www.vesti.alfa.mk/default.aspx?eventId=47411&mId=36