На новиот болид на Форс `Индија`од Ф1,Сахара е повторно главен спонзор,а сепак се работи за тим одма зад најдобрите во Ф1.Таму немаат никакви проблеми со финансирањето,уште и одат нанапред во секоја година.Плус имаат договор со мерцедес за мотори....


Се надевам дека и кај нас приказната ќе биди успешна

благодарам за информациите OCB

Мој роднина работи во земјоделието(нешто е по субвенциите) ми кажа дека тоа полето кај Св.Николе што сахарајан го превзеде од пропаднатиот ЗК било комплетно обработено есенва,што значи дека барем таму нешто ќе вложи овој како да го наречам белосветски бизнисмен(мангуп)

беше ли комисијата во Охрид?

Сме пропуштиле да ја евидентираме оваа значајна вест од пред 10 дена. И не е ниту чудно затоа што освен само 3, пропуштиле да ја евидентираат и илјадниците копи-пејст медиуми во Македонија, кои сепак не пропуштаат да ги копи-пастираат и евидентираат сите кавги и пцости на „Фарма“, или шознам, секој твит на Ким Кардашиан и нејзе сличните. Веројатно статусот на Охрид и Охридското езеро на листите на светско културно и природно наследство на УНЕСКО не ни е многу битен... во секој случај далеку понебитен од спомнатите малоумни информации со кои не бомбардираат и трујат секој ден.

За жал веста е прилично штура и без детали... Тешко е да се оцени дали навистина има основа за тврдењето дека и Св. Климентовиот Универзитет (кој секако е мегаломанско ѓубре од проект) ќе биде на мета не УНЕСКО, како што се вели во веста, или алармот е запален само за братот Субрата.

01.10.2013

УНЕСКО доаѓа месецов-ќе го скенираат планот на Субрата Рој Петок, 01 Ноември 2013 УНЕСКО на крајот од ноември треба да дојде во Охрид за да ја скенира состојбата по најавите за изградбата на Свети Климентовиот универзитет на Плаошник и плановите на Субрата Рој да гради хотелски комплекс во Љубаништа. Преставниците на УНЕСКО при посетата на Охрид планираат да го скенираат иствремено целото Охридско крајбрежје, пренесува А1он. Оваа вест за А1 ја потврди и Аријан Мероли од Билатералниот комитет за заштита на Охридското езеро. -Тие ќе го разгледаат целиот простор околу Охридското езеро. Станува збор за површина некаде од 3.500 квадратни километри. Мислам дека ќе дојдат и на двете страни од Охридското езеро, па и во Струга. Сакаме да дојдат експертите од Унеско за да имаат визија што се случува на терен, како функционираме и да дадат насоки што може и што треба да се гради. Од канцеларијата на УНЕСКО во Венеција доаѓаат 12 луѓе, рече Мероли за А1он. Директорката на Завод и музеј во Охрид, Тања Паскали Бунташевска кажа дека нема информација кога точно ќе дојдат претставници на УНЕСКО во Охрид.

http://a1on.mk/wordpress/archives/230000





Еве поткрепа за претходното во уште една, малку постара и повторно маргинализирана вест:

22.10.2013

Слободен печат: УНЕСКО загрижен од планот на Субрата да прави Лас Вегас во Охрид Центарот за светско културно наследство при УНЕСКО е сериозно загрижен за тоа што планира да гради индискиот бизнисмен Субрата Рој на крајбрежјето и водите на Охридското езеро, пишува во денешниот број дневниот весник Слободен печат. Советодавна мисија се подготвува да замине во Македонија за да го провери нивото на зачуваност на Охрид како град на УНЕСКО и пред се да ги испита новите проекти, изјавила за весникот Петја Тотчарова која од Париз го раководи одделот за Европа и северна Америка. Таа изјавува дека во нивниот оддел сеуште немаат добиено никакви конкретни детали и затоа се оневозможени во оваа фаза да дадат оценка дали проектот на Субрата ке преставува закана за исклучителната универзална вредност на имотот, поради кој тој е внесен во Листата на светското културно наследство. Секако, вели Тотчарова, генералните информации за димензиите и за локацијата на проектот се причина за сериозна загриженост и изгледа речиси невозможно таков огромен проект да нема ефект врз постоечките вредности. Таа, како што пишува во весникот потенцира дека „препораките на мисијата и советите ке придонесат за спречување можни штетни случувања во Охрид. Според неа, евентуалното бришење на Охрид од Листата на светски културни наследства е крајна мерка што Комитетот на УНЕСКО ја применува во многу ретки случаи. За идејата на Субрата во комплексот Љубаништа кај Свети Наум ( земјиште поголем дел на МПЦ и на мештани) Субрата да прави коцкарници и туристички комплекс во стилот на, како што најави, Лас Вегас, енергично се противат владиката Тимотеј како надлежен архиереј на епархијата и месното население на Љубаништа. Земјиштето кое го одбрал Субрата и добил ветување од владата дека ќе му го даде е рангирано како културно историско наоѓалиште од прв ранг.

http://libertas.mk/слободен-печат-унеско-загрижен-од-пла/

Edited by Cloverstack - 10-Nov-2013 at 17:51

Па, дај нека ги преименуваат во „духовни“ зони

Edited by Џоле - 04-Nov-2013 at 17:32

Во Љубаништа ќе се гради најмалку 1 туристичка развојна зона, мештаните прашуваат дали ќе има уште и каде?

На најатрактивниот простор на охридската ривиера, во близина на селото Љубаништа на источното крајбрежје, ќе се гради најмалку една туристичко - развојна зона. Урбанистичко планската документација за туристичко развојната зона Љубаништа 1 денеска беше презентирана од страна на комисија составена од експерти од министерството за транспорт и врски, Агенцијата за просторно планирање, на локалната самоуправа и други институции. Но тие немаа одговор на бројните прашања на мештаните на колкав простор ќе се протега туристичката развојна зона во Љубаништа, каде според најавите голем сместувачки комплекс сака да гради индискиот бизнисмен Субрата Рој. Дополнително, како што рекоа, збунува фактот што презентираната урбанистичко планска документација е насловена како Љубаништа 1, што логично наметнува заклучок дека нејзиниот опфат може да се прошири.

-Не збунивте, ако има Љубаништа 1, дали ќе има 2, 3?-запраша жител на Љубаништа.
-Ние немаме мандат да одговориме дали ќе има втора или трета развојна зона. И овој опфат кој го презентираме е само предлог-одговори Комисијата.



Туристичката развојна зона Љубаништа 1 се протега на површина од 26,8 хектари каде е предвидена изградба на сместувачки капацитети, спортски терени и друга пропратна инфраструктура, што е значително помалку од првично презентираниот предлог проект.

-Во дописот што го добивме од Министерството за култура, Управата за заштита на културното наследство и Музејот Охрид, ни беше укажано дека на локацијата има споменична целина манастирски комплекс Св. Наум и таа е доставена со своите граници и контактни зони. Тоа е заштитен појас кој мора да се почитува и ние пристапивме така како што ни беше наметнато да ја повлечеме границата да се поклопи со граничната зона на Св. Наум.-објасни Иван Арсовски од Агенцијата за просторно планирање.



Во најголем дел туристичката развојна зона Љубаништа 1 опфаќа земјоделско земјиште, како и имот вратен со денационализација на Црквата чии претставници не присуствуваа на денешната презентација. Ова земјиште се наоѓа под селото, а околу него има приватни имоти, што го отвора прашањето како ќе биде поврзана туристичката зона, посочија мештаните.

-Не е почнато од почеток или крај туку од средина, како може да стигнете до средина ако немате инфраструктура?-запраша сопственик на имот во Љубаништа.
- За пристап до локацијата покрај постојниот регионален пат е изработен план за изградба на експресен пат кој што понатаму ќе ја поврзува туристичката зона Љубаништа1-објасни Иван Арсовски од Агенцијата за просторно планирање.



Мештаните чии имоти граничат со зоната се пожалија дека од промовирањето на идејата за изградба на луксузен туристички комплекс во Љубаништа, живеат во неизвесност, бидејќи не знаат што ќе биде со нивното земјиште и веќе изградените куќи затоа што никој не им кажува кој и што ќе гради во Љубанишко поле.

-Ланска година од кога излезе дека ќе се прави нешто, вие знаете шетевте цела влада со тој белосветски мангуп, ние сме закочени не можеме да ги обработуваме нивите, а доколку дојдете во Љубаништа ќе видите дека љубаништани и се вратија на земјата, кажете ни или ќе се прави нешто или не ќе се прави - истакна жител на Љубаништа.
-Ние имаме викендички таму и направивме елаборат, како што ни беше кажано, но немаме никаков одговор и не можеме ништо да планираме, дали ќе сме тука нема да сме, дојдоа геометри ни кажуваат ќе ни се одземе имотот, па нема да ни се одземе, се разболевме од неизвесност-рече сопственичка на викендичка во Љубаништа.



Забелешки упати и директорот на Земјоделската задруга „Горица“ Митко Кузманоски. Тој посочи дека три објекти во сопственост на задругата изградени во средината на минатиот век влегуваат во опфатот на туристичко развојната зона Љубаништа 1, а за тоа нема соодветна одлука.

-Во одлуката што ја имате од владата не се внесени тие парцели, ќе треба да ја корегирате таа одлуката, односно да и укажете на владата дека тие три објекти не се внесени во овој плански опсег што го презентирате врз основа на владината одлука.-појасни Кузманоски.



Туристичката зона Љубаништа 1 опфаќа голем крајбрежен појас, кој влегува во заштитената зона на Националниот парк Галичица, каде согласно законот не смее да се гради, освен доколку за тоа не биде дадено одобрение од надлежни државни институции.

-Согласно законот за води, доколку нешто се гради во заштитен појас во вода или покрај вода има постапка која се спроведува во министерството за животна средина - сектор за води којшто дава дозвола или не. Тоа е заштитен појас каде сега не смее да се гради. Меѓутоа има еден член кој вели дека доколку треба да се гради си има посебна дозвола за тоа, инаку тоа е појас каде не треба да се гради ништо.-истакна Соња Ѓорѓиева од Агенцијата за просторно планирање.

Увидот на Урбанистичко планската документација за туристичко развојната зона Љубаништа 1 ќе трае до 5-ти ноември во просториите на локалната самоуправа во Охрид, до кога заинтересираните граѓани ќе можат да ги изнесат своите забелешки кои понатаму ќе ги разгледуваат надлежните државни институции. Неодамна во Љубанишко поле започнаа и археолошки истражувања на просторот, кој според претходни наоди содржи исклучитечно значајно културно историско наследство кое треба да биде истражено.


http://www.ohridnews.com/vesti/61847

Сахара Груп: “Работите на терен ќе почнат годинава”

Индиската компанија Сахара Индија Паривар наскоро ќе започне со реализација на најавените проекти. Мултимилјардерот Субрата Рој кој од вчера е вчера е во посета на Охрид заедно со менаџерскиот тим од неговата компанија Сахара Индија Паривар денеска го посети Заливот на коските кај Градиште а останатиот дел од денот го искористи за прошетки околу градот и охридското езеро и разгледување на културно историските знаменитости со оглед на тоа дека од утре му започнуваат владините средби со вицепремиерот Зоран Ставрески, премиерот Никола Груевски и претседателот Иванов средба на која ќе се дискутира околу инвестициите во Македонија. Сушанто Рој синот на Субрата истакна дека плановите за инвестирање во Македонија се огромни затоа очекуваат подршка од државата и народот. Бизнисменот Субрата Рој најави изградба на туристички комплекс Сахарјан Македонија кај Љубаништа кој опфаѓа изградба на хотели на вода,апартмани,бунгалови ,марина,казина ,голф трени и други пропратни содржини.

http://www.sitel.com.mk/mk/sahara-grup-rabotite-na-teren-kje-pochnat-godinava



И ќе биде ова или?

„Сахара Индија Паривар“ бара уште 17 хектари земјиште во Љубаништа

Градоналалникот на Охрид Никола Бакрачески денеска оствари средба со претставници на компанијата „Сахара Индија Паривар“ на индискиот милијардер Субрата Рој, на која од нивна страна било изнесено барање до локалната самоуправа да обезбеди дополнителни 17 хектари земјиште на локацијата на која е предвидена изградбата на луксузниот туристички комплекс.

Градоналалникот на Охрид Никола Бакрачески денеска оствари средба со претставници на компанијата „Сахара Индија Паривар“ на индискиот милијардер Субрата Рој, на која од нивна страна било изнесено барање до локалната самоуправа да обезбеди дополнителни 17 хектари земјиште на локацијата на која е предвидена изградбата на луксузниот туристички комплекс.

Притоа како објаснување било посочено дека дополнителните 17 хектари се потребни за изградба на сместувачки капацитети наменети за сместување на персоналот што е предвидено да го опслужува комплексот.

Бакрачески најави дека на 11-ти јули во Охрид ќе пристигне и сопственикот на групацијата Субрата Рој, со очекување дека на средбите ќе бидат соопштени поединости околу текот на подготовките за реализација на проектот „Сахарјан Македонија“.

- Верувам дека сите активности ќе се одвиваат во најдобар ред и дека до 2020 комплексот ќе биде изграден, рече Бакрачески.

Според најавите, на 12. јули во Охрид индискиот мултимилионер ќе организира свечена вечера на која ќе присуствуваат премиерот Никола Груевски, министри од министерствата инволвирани во реализцијата на проектот, како и членови на дипломатскиот кор во Македонија.

Милијардерот Субрата Рој најави голема инвестиција во Македонија, вредна стотици милиони евра, преку изградба на суперлуксузен туристички комплекс „Сахаријан Македонија“ на локација кај автокампот „Љубаништа“, на површина од 240 хектари.

Комплексот предвидува повеќе содржини, луксузен хотел на вода и апартмани од највисока класа, вили, бунгалови, марина, приватни плажи, казина и голф-терени. Проектот е на проектантската куќа „Аткинс“ од Лондон.

http://www.alfa.mk/News.aspx?ID=59217#.UdLWfdjcDso

Ова беше сосема очекувано, уште пред 3-4 месеци се пишуваше за тоа дека неговиот имот ќе биде конфискуван и сл.
Искрено и не знам кои би бил толку луд/глуп да инвестира во Охрид. Не дека Охрид нема убавита туку затоа што постојат мал милион алтернативи каде би можеле да се инвестираат тие пари.
Прв предуслов за некој да инвестриа во Охрид потребно е да има соодветна инфраструктура, а Охрид има се само тоа (за жал) нема.
Кога ќе се изгради железничка пруга Кичево-ОХрид и автопат Гостивар-Охрид тогаш ќе можеме да се надеваме дека во Охрид туризмот ќе заживее.
... Се друго е само солење на паметот на луѓето, се друго е само за потребите на политичките партии.