Luxembourg City

Луксембург е најмалата држава во ЕУ, држава во која 50% од населението се имигранти и една од трите најбогати држави во светот. Интересен податок кога станува збор за БДП на државата е дека скоро половина од работниците во државата секојдневно доаѓаат од Германија, Франција или Белгија, односно креираат богатство во државата, но не живеат таму. Токму затоа кога ќе го поделиме БДП-от на Луксембург со бројот на жители добиваме толку големи бројки. Но и покрај ова, жителите на Луксембург сепак се премногу богати

Познати и како "кралевите на челикот", Луксембуржани растот на нивната економија најмногу го базирале на земјоделството и челичната индустрија. Најголемите компании во светот за челик се наоѓаат токму таму, меѓу кои и ArcelorMittal, една од најголемите компании во Македонија. Но, она по што се најмногу познати во поново време се нивните даночни закони за холдинг компании, стратегија за развој на нивната економија што предизвикала силен бум на нивниот БДП.

Во нивната сребрена декада од крајот на '80ти - почеток на '90ти години, Луксембург успеал да го дуплира нивниот БДП за помалку од 6 години. Кога ќе го земете ова во предвид, растот на Кина и Сингапур се мачкина кашлица ) Но, овој раст не бил ништо во споредба со она што следувало. Нивната златна декада била на почетокот од 2000ти години, кога за 5 години нивниот БДП пораснал од 50.000 долари на преку 100.000 долари по жител.

Визионерството на Луксембург нема крај, па во 2017 владата донесе нов сет на закони со коишто го регулира функционирањето на вселенски компании, или со други зборови тие се "обложуваат" на вселенската индустрија (поконкретно вселенско рударење), надевајќи се дека можеби ќе следува и платинска декада за нивната економија.

Доста е зборување, еве фотки од Luxembourg City.