Копер и Пиран, Словенија

Кон крајот на август престојував 5-6 дена во Копер, а еден ден го посетив и Пиран. И двете гратчиња се сместени на Јадранско Море, па преку низа фотографии ќе се обидам да ги претставам нивните убавини, а ќе ја коментирам и нивната инфраструктура (посебно онаа на Копер).

Копер е град со околу 25.000 жители и е главно товарно пристаниште на Словенија. Има добро зачуван стар град (се чувствува влијанието на Венецијанската Република), посетуван е од туристи, има и нов дел, има сѐ што еден мал град во развиена држава би требало да има (стадион, неколку трговски центри, убаво среден кеј, неверојатна велосипедска инфраструктура, негувано зеленило итн. итн.).

Да почнеме со ред. Бев сместен во стариот град, речиси во центарот.

Поглед од мојот хостел:



Ова е еден неверојатно добро уреден плоштад со подна фонтана. Тие денови, кога температурата дење стигаше и до 34 степени, бев сведок како мештаните се разладуваа трчајќи меѓу млазовите вода од фонтаната.



Пристаништето за товарни бродови:



Прошетка низ стариот град: