Црна хроника

Недај боже да се случи нешто СИТЕ ЌЕ РИПНАТ ДА ЛАЈАТ требало ова требало она...

*** ТРЕБА ДА СЕ ДЕЈСВУВА ***

И повторно и повторно .... ќе висли ли веќе некој ???

Карпи и дрва на пругата кај тетовското с.Ратае Зоран Јованоски 21.05.2010 18:30 Некој упорно се обидува да предизвика железничка несреќа, поставувајќи дрва и карпи на пругата во близина на тетовското село Ратае. Изминативе неколку денови, возот кој се движел на релација Скопје - Кичево двапати удрил во слична пречка, поставена во близина еден див премин, на два километри од Ратае кон Тетово. Во двата инциденти за среќа нема повредени, но е причинета значителна штета на локомотивата. Возот кој се движи на оваа релација често е каменуван, а годинава двапати удри и во одрон од карпи. Вкупно деветмина беа повредени. Некогаш на железницата имало вработено луѓе чија што одговорност била да му сигнализираат на машиновозачот доколку има било каква препрека на патот. Денес овој правец речиси никој и не го контролира. Покрај ваквата безбедност и денес на тетовската железничка станица превоз чекаа многу патници. „Под тунел се поминува, таму има планина и може да се случат одрони. -Секој ден камења ставаат по пругата, нема никаква безбедност. -Да не заплашат да не одиме со воз, друго ништо“, велат патници. Полицијата најави засилени мерки за пронаоѓање на оние кои ја загрозуваат безбедноста во железничкиот сообраќај. Со закон е предвидена парична и казна затвор до три години. Не се исклучува можноста ваквите инциденти да се случуваат поради бизнис интереси на дивите таксисти, кои за да заработат повеќе се обидуваат возот да го прикажат како небезбеден начин за патување. http://www.a1.com.mk/vesti/default.aspx?VestID=123416

Дали веќе кон овие ако можат да се наречат суштества - креатури ќе најде власта една установа за сместување да може науката темелно да ги проучи.

Патнички воз удрил во пречка од камења Патнички воз, кој сообраќал на линијата Скопје - Кичево, удрил во пречка од камења завчера на пругата во близина на тетовското село Ратае. Случајот во полицијата го пријавил управникот на железничката станица Тетово, каде што возот застанал за да се утврдат оштетувањата на локомотивата. Полицијата трага по лицата што ја поставиле пречката. Од СВР Тетово информираат дека поставувањето пречки и каменувања возови годинава се многу поретки отколку во претходните години. Полицијата изминативе пет месеци регистрирала само едно каменување воз на потегот помеѓу Гостивар и кичевски Зајас. Во 2009 година имаше еден случај на поставување камени пречки и едно каменување. Најмногу попречувања и оштетувања на железничките композиции имаше во 2007 и 2008 година, кога на пругата Кичево-Скопје годишно се регистрираа и по 20-ина случаи на каменувања и поставувањата на разни видови пречки. Во неколку случаи имаше и повредени патници. Како „црни точки“ беа посочувани влезовите во Гостивар и во Тетово, местата во близина на гостиварската населба Циглана, тетовско Брвеница, и Џепчиште. По истрагите било утврдено дека во нив најчесто се вклучени малолетници. http://www.dnevnik.com.mk/?ItemID=4BD7CB56415BEF4DAB4425F2DA7EF5A3

Воз налета на куп камења и железа ТЕТОВО - На отворена пруга на два километра пред железничката станица Тетово, патнички воз налетал на куп камења и железа поставени меѓу двете шини на коловозот. Среќна околност е што нема повредени, иако ударот создал паника меѓу патниците. Настанот се случил во вторникот по 18 часот во атарот на селата Порој и Џепчиште. СВР Тетово информира дека патничкиот воз 6904 се движел на релација Скопје - Кичево. Од ударот во купот камења и железа, кои биле намерно поставени, оштетен бил предниот дел од локомотивата. Бесник Јусуфи, шеф на железничката станица Тетово, ни рече дека немало прекин во железничкиот сообраќај, а при ударот машината само ја намалила брзината. Тој вели дека годишно десетина пати се случува да бидат поставувани камења и други тврди предмети, каменувања по возовите и слично, на релација Скопје-Кичево, особено во тетовскиот крај. Во неколку случаи се забележани и повреди на патници. http://www.utrinski.com.mk/?ItemID=2A8F69D3F0199B419F187500AC226264

...

Воз прегази човек во Лисиче

Воз прегази 75 годишен старец на пругата во скопската населба Лисиче. Луѓето кои живеат блиску до пругата велат дека околу 15 часот и 30 минути слушнале нагло кочење на возот кој се движел од Велес кон Скопје.

Од железницата одбија да дадат изјава за несреќата, но очевидец вели дека го видел човекот како со дигнати раце застанал пред возот.

Според очевидци кои сакаат да останат анонимни, старецот одеднаш излегол пред возот, она што може да се види е дека нема никаков премин, а од другата страна на пругата има зграда и да ја преминел патот не водел нигде.

Соседите велат дека човекот не живеел на таа улица туку неколку улици подалеку. Надлежните велат дека е рано да се каже која е причината за несреќата, резултатите од увидот треба да ги прегледа истражниот судија.

На камерата на А1 не и беше дозволено да се приближи поблиску до местото на несреќата со објаснување дека се прави увид, иако на местото имаше претставници на железницата, како и повеќе набљудувачи меѓу кои и деца кои на полицијата очигледно не им пречеа.

 

Повреден патник при каменување на воз

	Коментари (0)

11.05.2010 11:55

Еден патник е повреден при каменување на патнички воз кој сообраќај на патниот правец Скопје - Битола.

Двајца непознати сторители вчера околу 15 часот го каменувале возот од железничката станица Зелениково кон Велес, кај железничкиот мост кај Кадина река.

Од каменувањето со повреди се здобил М.И. (62) од Битола, а бил скршен и еден прозорец од вагон. Полицијата трага по напаѓачите.

http://www.a1.com.mk/vesti/default.aspx?VestID=123017

Не можам да кажам дека сум изненаден од локацијата.

Edited by pbanks - 11-May-2010 at 14:26

Не знам за вас, но јас сум поборник да се врати повторно забраната за откуп на старо железо и воопшто на вакви складишта.

Едноставно, кога нема можност да се спречи кражбата на овие делови, само ваква забрана му е мајката.

Неодамна зборував со еден Англичанец од предградијата на Лондон, и кога му кажав колку за никаде држава сме и што се прави кај нас, тој рече: Ами кај нас секоја втора шахта е украдена, а се случува и луѓе во работнички одела и со камиони да блокираат пат демек работат, а тие всушност го крадат секој метал што е од вредност.

Така што не сме биле само ние заебани Макаршто мислам дека со забрана на откуп на старо железо ќе се реши голем дел од овој проблем.

Отказ за работникот на железница кој предупреди на безбедноста

Отказ за машиновозачот Ристо Пејовски кој предупреди дека состојбите во железницата се алармантни. Отстранет е од работа и во меѓувреме го чека отказното решение. Неговиот синдикат не бил репрезентативен, а со изјавите нанел материјална штета и го нарушил угледот на железницата.

Но и без ова МЖ е во незавидна позиција, за само десетина дена се соочи со три железнички несреќи. Но тоа за раководството биле само вонредни настани. Менаџментот не чувствува, а Владата од нив не побара одговорност.

„Јас жалам за тие инциденти и не се чувствувам баш пријатно за истите, зашто бев повикуван, а јас неможам да кажам дека ние како транспортна компанија и јас лично како прв човек на транспортната компанија би чувствувал некаква одговорност, ако се најдат некакви пропусти, на пример во инфраструктурата“, рече Благоја Крстевски, директор на МЖ Транспорт.

Возовите доцнат, се расипуваат на пола пат, состојбата внатре застрашувачка. Ладни и дотраени вагони, стари повеќе од 40 години се уште сообраќаат. Владата засега нема намера да купи нови патнички вагони, но убедува - сообраќајот бил безбеден.

Синдикалецот кој предупреди дека ситуацијата е алармантна експресно е отстранет од работа - но изостана експресна реакција во утврдувањето на одговорноста за несреќите.

Владата и по неколку недели откако вагоните полни со патници излета од пругите се уште ги чека извештаите за несреќите за да каже ќе побара ли одговорност од раководството.

http://www.a1.com.mk/vesti/default.aspx?VestID=121817

Edited by zookisk - 07-Apr-2010 at 23:57

И кога сме кај новинарите, еве уште еден бисер од новинарите којшто е подвлечен подолу. За километар и пол ќе закочи носачот на авиони "Роналд Реган", а камоли локомотива, освен доколку машиновозачот не забележал дека не е во ред нешто со вагоните.

СО ПРИСЕБНОСТА НА МАШИНОВОЗАЧОТ

Избегната катастрофа на патничкиот воз 4905

Благодарение на машиновозачот, кој успеал по еден и пол километар, откако настанал дефектот, да го сопре возот, не дошло до голема катастрофа

Претпоследниот вагон од патничкиот воз 4905, што завчеравечер се лизна од шините во близина на железничката станица Чашка, веќе се наоѓа во депото на Македонски железници во скопско Лисиче. Стручните екипи на МЖ веќе вршат технички преглед и точно ќе ја утврдат причината за неговото исклизнување од шините.

По извршеното вештачење ќе се знае зошто се лизнале двете тркала на вагонот од шините", изјави директорот на МЖ Транспорт, Благоја Крстевски.

Дефектот на претпоследниот, од вкупно петте вагони на патничкиот воз, што завчера вечер сообраќаше од Скопје кон Битола се појави на километар и пол пред железничката станица во Чашка во 20,30 часот. Во возот имало повеќе од шеесет патници, а во вагонот што се лизнал биле 15 патници. Благодарение на присебноста на машиновозачот, кој успеал по еден и пол километар откако настанал дефектот да го сопре возот, не дошло до голема катастрофа. Никој од патниците не е повреденн, ни рече Тодорче Најдовски од железничката станица во Велес. Лизгањето предизвикало паника кај патниците. За голема среќа е што возот брзо бил запрен и што вагонот се лизнал на левата страна. Доколку пак лизгањето на вагонот било на десната страна, можело вагонот да падне во провалијата и во водите на реката Тополка. Македонски железници веднаш по несреќата интервенирале и екипи пристигнале на самото место. На патниците кои патувале кон Битола, им бил обезбеден превоз. Подоцна тие го продолжиле патувањето со воз што во Чашка пристигнл од Битола. Откако вагонот бил отстранет и довезен до железничката станица Чашка, сообраќајот по нешто повеќе од два часа бил нормализиран. Увидната екипа на Македонски железници на самото место првично соопшти дека вагонот се лизнал поради пукната осовина на две тркала. Тоа било причина што тркалата се лизнале од шините и околу половина километар се движеле по дрвените прагови. Сепак, во железничката станица во Велес ни рекоа дека експертите на дежурна комисија на МЖ, која веќе врши испитување, точно ќе каже која била причината за лизгањето на претпоследниот од петте вагони на патничкиот воз 4905.

Извор: Вечер, http://www.vecer.com.mk/?ItemID=5BB5A3B8EC5DEF4F91012FF9E3B6BDD3

среќа што нема жртви и не ми се верува дека некој може уште да наоѓа оправдувања, па треба ли да загинат луѓе за да се превземе нешто..