Булевар АСНОМ / АВНОЈ (+изградба на нов мост)

„Останува да се довршат вело патеките и да се постават семафори на раскрсницата. Средишното и странично зеленило, мислам дека се подразбираат.“

Чисто од идеолошко-стремешки причини (кои би можеле да потпаднат и под популизам) - поставување на инфраструктурата по принципот пешак > велосипед > јавен превоз > автомобил, мислам дека најдобро би било булеварите официјално да се пуштаат во употреба кога и пешачките и велосипедските патеки ќе бидат сосема готови, а градоначалникот, соработниците, работниците итн. да го пропешачат или повозат велосипед наместо да возат кола. Новите улици (по кои и онака веќе се вози и пред да бидат пуштени во употреба) да се „сефтосаат“ пешки и на точак, а дури потоа со кола.

Градоначалникот вика при крај е делот во Ново Лисиче; многу се развлечка колекторот таму. Готово ли е на терен?

Бидејќи не може да се оправат излезите од паркинзите, треба да биде обележан некојси ред на чекање и да се тргнат средишно паркираните возила веднаш до влезовите/излезите.



facebook.com/petreshilegov

ГОТОВА ПРВАТА ДЕЛНИЦА ОД БУЛЕВАРОТ АСНОМ ВО АЕРОДРОМ, ПРЕКУ НОВИОТ МОСТ КОЈ СЕ ГРАДИ ЌЕ ИЗЛЕГУВА КАЈ СКОПСКИ САЕМ

Град Скопје заврши со проширувањето на улицата АСНОМ во булевар, како дел од проектот за поврзување на општините Аеродром и Гази Баба со нов мост преку Вардар. Реконструиран е потегот од крстосницата со улица Васко Карангелевски до крстосницата со булевар Србија кај мостот Близнак. Булеварот има по 3 коловозни ленти во двете насоки, пешачки и велосипедски патеки од двете страни и средишно зеленило.

„По завршувањето на оваа фаза, булеварот преку новиот мост, којшто е веќе во изградба, треба да се поврзе со населбата Керамидница во Oпштина Гази Баба, а оттука и Аеродром ќе добие нова сообраќајна релација кон Центар кај поранешен Скопски саем“, велат од Град Скопје.

Во коритото на реката Вардар во моментов се работи на поставување на темелите за мостот кон Керамидница. Со градежна механизација се копаат ископи со поставување на темели за мостот кој ќе биде долг 150 метри и ќе има 6 коловозни ленти, по три во двата правци.

Изградбата на мостот чини 6 милиони евра, а вкупно вредноста на проектот е 16 милиони евра, бидејќи околу 8 милиони евра се потребни за експропријација на куќите кои се наоѓаат на трасата во населбата Керамидница.

По изградбата на овој мост и пробивањето на новиот коридор, од Ново Лисиче до Судската палата со автомобил ќе се стигнува за 5 минути, со автобус за 10 минути, со велосипед за 18 минути, а со пешачење за 35 минути. Од Градот врлат дека граѓаните на овие три општини можат да заштедат и до 20 минути од времето поминато во сообраќај доколку ја изберат оваа рута.

А. АНТЕВСКА

https://sdk.mk/index.php/dopisna-mrezha/gotova-prvata-delnitsa-od-bulevarot-asnom-vo-aerodrom-preku-noviot-most-koj-se-gradi-ke-izleguva-kaj-skopski-saem/

https://www.facebook.com/petreshilegov

Шо стискаш за ова? Или сам боеше?

Ако објектите не се откупени, цела парцела ја сметам за „црвена“ оти очигледно таму не е завршена постапката за експропријација.

Да не трошам пост во Скопски сообраќај, колку што гледам многу мал дел од трасата, ако не и ич, за Љубљанска е откупен, иако некаде се гледаат парцели формирани според ГУП-от.

За приватизацијата многу пати досега истекоа роковите и колку што знам не се дозволуваше ниту приватизација ниту денационализација особено за она што лежеше на траса на булевари туку во случаевите на денационализација на пример парично обештетуваа. Не ми е јасно од каде сега ова прави "сосптсвеници", кога никогаш немале тие парцели. Тоа што успеале своевремено да узурпираат кој до каде стигнал како на диви запад, не ги менува фактите дека и после децении земјиштето е сеуште државно. По кој основ трае приватизација на траса за булевар по ГУП, не ми е јасно, и ако се дозволувало минатите години приватизација на некое од дворовите. Тоа едноставно требало, и така и беше, да си висат ни вамо ни тамо во некоја нејасна лимбо зона случаевите додека дојде моментот за реализација на булеварите. Освен ако па некој има решение некакво старо за некоја парцела па да не е прокнижено низ катастар.

Стварно не сакам да мешам како сакам да биде и како е, ако имаш информации за такви комлицирани случаеви те молам сподели.

Еве на пример најголемата парцела одма ми одзема внимание, веднаш испод 1741 на мапата, тоа е цело државно според катастар. Одма првата кај тебе е жолта и следната црвена, а двете се сега државни, само на едната има објект, на друга нема.

Јанчев преку сопствените компании на своја сметка работеше на почетокот на мандатот некои инфрастурктурни проекти, патот за Конопиште и мостот нов уште пред манадатот. Ок ова е малку настрана од темата

Во однос намапава што е "неприватизирани парцели"? Зарем се дозволува сеуште да приватизира некој во среде експропријација повикувајќи се на некое стекнато право со куќа што лежи на булевар?? Државата ќе му дозволи да го откупи и веднаш потоа да го продава назад по поголема цена, кое е тоа пукање во нога од институциите??

Мислам дека мапава не е нешто ажурна, има парцели кои се државни а се бележани со црвено.

Можда неможе градоначалникот да го направи тоа, ама параполитички структури наместо да се користат за деконструктивна дејност (лажење граѓани дека они кога ќе дојдат на власт ќе им дадат повеќе), може од другата партија "добронамерни бизнисмени" да го прават тоа. Кога веќе институционалниот пат не дава резултати, или па дава многу споро. Мора да се биде креативен. Јас стварно го поздравувам таквиот начин на решавање на тревникот кај Шпански Скали. Да не збориме дека една форма на вакво делување дава одлични резултати во Кавадарци, каде градоначлникот на сосема позитивен начин изнудува резултати за некои ситуации, дали тоа било лични донации за инфраструктурни проекти кога веќе буџетски преку општина неможе да ги реализира или па и за случаеви кои воопшто и не ги знаеме јавно, а знам како пизитивно се завршени. Што да праи, да плаче по телевизија за ингереции до кај му биле и да објаснуе на просто население за физибилити студии и ебрд грејс период?! Не, напротив конкретна акција на терен. Да не збориме и за многуте позитивни примери во руралните средини низ Македонија, претежно Албански каде има локална организација за оние улици од бекатон што ги гледаме насекаде, тоа сигурно не е општински проект, ама резултати дава. Експропријацијата е типичен пример кајшто многу лесно може да навлезе вакво делување, ако не во Скопје ќе се појави на друго место. Ако институциите не ги убрзаат постапките, едноставно немаме ние 100 животи за да чекаме некој "стар скопјанец" да обезбеди 7 стана за цело поколение до 3то колено, и све тоа на сметка на гулабарник у маџар маало, како оние што јавно прокламираа дека "нејќеле булевар, сакале станови за децата". Ова мора да се прекрати у корен! Во Ќерамидница колку што знам, им се нуди 800евра по станбен простор плус дворно земјиште за она што е приватно. Епа сега незнам што повеќе, јебига има Ѓорче, има Маџари има Бутел има Илинден каде е поефтин квадрат. Сосема разбирам дека некаде не е доволно една станбена единица да биде заемената за една и тоа треба да биде на разбирање на градските власт, ама само 1/3 спогодби е премал одзив.

Edited by user8642 - 22-May-2020 at 20:54

Многу го имаш политички опишано, а не е ова до толку политичко прашање, иако го прават такво партиите. Мене од секогаш ме, како да кажам, вознемирувало тоа што ова е така тешко прашање за Македонија и што тие постапки се водат вечно, а некаде за жал на многу примери во Скопје и неславно властите дигаат раце или се прилагодуваат на поединци кои треба во нормални услови да влезат во институционална немилост, у некоја база каде што кај да мрдне на проблеми ќе наиде, ќе биде малтретиран за лични документи, за прости работи маткан по институции, ќе биде општествено шиканиран, ќе бидат бојкотирани бизниси на такви адреси во нормално општество, пожарна да не интервенира на дивоградби, нелегални објекти и вакви објекти. На памет ми оди оној со куќата кај мостот кај транспортен центар. Кај ја злоупотреби позицијата, па уште заработува пари од билборд на куќата диектно со реклама врз мостот. Тоа бре не треба да може државна работа да најде, да неможе лична карта да извади, а не па уште пари да заработува од таквата злоупотребена позиција, ама тоа е, останатиот колективитет општествен наместо да биде свесен за ова, јавноста уште па обратно, сочуствува со ваквите случаеви. Да не зборувам за куќата на Водњанска, авто-сервисите на Првомајска, дуќаните на Пластичарска и ЦветанДимов, деловниот објект на ДамеГруев кај Бристол. Мора да има некоја форма на crowd-sourced бојкот и јавен блам на таквите бизниси, јавноста да биде свесна дека тој и тој поединец на некој начин го оштетува колективниот интерес и да сноси јавен срам за тоа. Треба јавен бојкот на целокупно стопанство у такви објекти.


Во прилог правилник за утврдување на цена на вакви имоти, можда е постара верзија, огласен на стариот портал на Град Скопје:
http://starportal.skopje.gov.mk/uploads/%D0%97%D0%B0%D0%BA%D0%BE%D0%BD%D0%B8/Metodologija%20za%20procena%20na%20%20pazarnata%20vrednost%20na%20nedvizen%20imot.pdf

Edited by user8642 - 22-May-2020 at 19:47

Еднаш му искоментирав на сликите ама не добив одговор. Нели дронот беше за ловење на загадувачи, не за сликање? Океј е во слободно време да го користат за вакви активности, ама нешто слабо со загадувачите во последно?