Авиокомпании и линии

„Би можело“ е клучот. Дали ќе има заинтересирани ќе видиме. Од тие 9.000 туристи колку дошле тука со автомобил, и дали истите би избрале да дојдат со авион (па да изнајмуваат автомобил)? Колку од нив биле тука во летниот период, колку во зимскиот (важно ако линијата е сезонска)? Колку од нив биле од catchment area на Загреб? Тешко дека некој од Сплит, Осијек или Пула ќе фати трансфер во Загреб за лет до Охрид.

Како и да е, не сум во финансии во авијација, но сум забележал доста варијабли кои на крајот пресудуваат дали линијата ќе биде успешна или не.

Охрид-Загреб, како дестинација за понатаму кон други европски дестинации. Излез за поширокиот Охридски регион и околината кон светот, влез за туристи од Европа према Охрид. Линијата нема ништо заедничко ни со туризмот во Хрватска, ни со Хрватите каде патуваат како дестинации.

Изи џет“ одбил понуда за преземање од „Визер“

Британската нискобуџетна авиокомпанија „Изи џет“ („EasyJet“) објави дека ја одбила понудата за преземање и дека средствата во износ од 1,7 милијарди долари, кои и се потребни за да ја зајакне својата позиција на европскиот воздухопловен пазар, ќе се соберат со продажба на акции со првенствено право на купување.

Компанијата не објави кога добила понуда за преземање, но соопшти дека понудената цена за преземање на сите акции во основа ја потценила нејзината вредност, и дека потенцијалниот купувач тогаш рекол дека повеќе не е заинтересиран за зделката.

Ројтерс наведува дека дознал од добро информирани извори дека понудата ја поднела унгарската нискобуџетна авиокомпанија „Визер“, која одбила да коментира, пренесува Банкар.ме.

Извршниот директор на британскиот авиопревозник, Јохан Лундгрен, им рече на новинарите дека понудата е многу условена по својата природа, што ја прави многу неизвесна во однос на изводливоста.

Авиокомпанијата, исто така, објави издавање акции со цел да се зајакне билансот на состојба доколку продолжи негативното влијание на „Ковид 19“ врз бизнисот, а средствата ќе бидат искористени за подобрување на конкурентноста при очекуваното закрепнување на европскиот воздушен сообраќај во наредните години, на пример, со проширување на присуство на клучните аеродроми со купување повеќе слотови.

https://nezavisen.mk/izi-dzhet-ja-odbil-ponudata-za-prezemanje-na-vizer/

Рути се бараат, ама муштерии малку потешко ќе најдат. Имаше лет од Скопје до Сплит пред 10-тина години, се сеќавам летав на него, но беше прекинат многу брзо бидејќи продажбата на билети беше ужасна. Сега со развојот на пазарот можно е еднаш два пати неделно до Сплит во летниот период Скопје да успее, ама летови од Хрватска до Охрид - зошто побогу Хрват би одел во Охрид на толкаво море?

Originally posted by Obedineta Makedonija Originally posted by stef4o Секој вторник ќе има лет од Скопје до Санкт Петербург Скопје се поврзува со рускиот град Санкт Петербург со директна авиолинија. Авиопревозник „Нордвинд ерлајнс“ ќе отвори нова авиолинија од Скопје за Санкт Петербург месецов. По авиолинијата Скопје-Москва, ова ќе биде втора редовна линија, а летовите за Санкт Петербург ќе стартуваат на 21 септември и ќе се реализираат еднаш неделно, секој вторник. Летот на оваа релација ќе трае 3 часа и 25 минути. https://faktor.mk/sekoj-vtornik-kje-ima-let-od-skopje-do-sankt-peterburg Другар не го разбирам моментот на реобјавување на секоја една вест што го правиш од после 10 дена кога веќе сме ја споделиле, извони ама морав да ти пишам… ако ти е за статистика само бројот на објави да го бичдаш - ок

Не сум ја приметил веста дека била објавена погоре секако дека не се работи за билдање објави. Ако смета слободно може да ја избришам не е никаков проблем.

Секој вторник ќе има лет од Скопје до Санкт Петербург

Скопје се поврзува со рускиот град Санкт Петербург со директна авиолинија.

Авиопревозник „Нордвинд ерлајнс“ ќе отвори нова авиолинија од Скопје за Санкт Петербург месецов. По авиолинијата Скопје-Москва, ова ќе биде втора редовна линија, а летовите за Санкт Петербург ќе стартуваат на 21 септември и ќе се реализираат еднаш неделно, секој вторник. Летот на оваа релација ќе трае 3 часа и 25 минути.

https://faktor.mk/sekoj-vtornik-kje-ima-let-od-skopje-do-sankt-peterburg

nordwindairlines.ru/en biletite se veke pusteni vo prodazba

За само 1.229 денари со „Виз Ер“ од декември може да летате до Болоња, Торино, Фридрихсхафен и Билунд

Нискобуџетната авиокомпанија „Виз Ер“ денеска најави четири нови рути од Северна Македонија до Италија, Германија и Данска. Станува збор за дестинациите од Скопје до Болоња и Торино – Италија, од Скопје до Билунд – Данска и од Охрид до Фридрихсхафен – Германија. Првите летови до новите дестинации ќе бидат во декември годинава.

– Новите линии ќе ги надополнат постојните услуги што веќе се користат од скопскиот и охридскиот аеродром и ќе ја потврдат заложбата на авиокомпанијата да им понуди на македонските патници летови до различни дестинации. Новите рути до Болоња, Торино, Фридрихсхафен и Билунд ќе започнат со работа благодарение на распределбата на 5 -тиот авион на Wizz Air базата во Скопје, соопшти денеска Виз Ер.

Новите дестинации, појаснуваат, се познати по нивната култура, природа и гостопримство. Позната по своите кули, цркви и долги порти, Болоња е еден од најпопуларните градови во Италија. Градот има голема студентска популација што му дава космополитски карактер. Торино од друга страна е познат по својата префинета архитектура и кујна. Градот Билунд е дом на вториот по големина аеродром во Данска и е забавно жариште во Европа, обезбедувајќи атракции за сите членови на семејството, особено за малите благодарение на познатиот Леголенд. Сместен директно на брегот на езерото Констанца, Фридрихсхафен е познат по својата природа, како и по тоа што нуди акција и забава во, околу и на вода, велат од Виз Ер.

Оттаму ги советуваат патниците да ги проверат рестрикциите за патување пред да го започнат своето патување. Со Мапата за планирање на патување, патниците можат да ги проверат рестрикциите за патување низ мрежата на WIZZ. Веб-страницата со кодови во боја прикажува сеопфатна карта на можни дестинации, со соодветни линкови до владини веб-страници, страници за патувања и сите формулари што треба да се пополнат пред поаѓање.

Картите за новите рути се веќе во продажба на wizzair.com или на мобилната апликација со цени од 1229 денари / 19.99 евра

https://nezavisen.mk/za-samo-1-229-denari-so-viz-er-od-dekemvri-mozhe-da-letate-do-bolonja-torino-fridrihshafen-i-bilund/