Толерабилно се` додека трае изградбата... а ова нели треба да биде уличка, меѓу двата блока згради?

Да е некој паметен ќе стави тотален бан за градење на нови високи згради низ Дебар Маало. Бар нешто да се спаси од Д Маало. Иако уништено е веќе оддавна.

За Гринго знам дека од пред некој ден продолжија со градба на уште тие два ката плус па најверојатно после ќе продолжат и со тој другиот дел кој по се мислам дека треба да биде станбен.

Багерите на Пеце Наумоски побрзи од администрацијата

Пред речиси еден месец, општината Центар и фирмата ЦДМ „Комин Душко“ во три часот по полноќ им ја сруши бараката на семејството Ризови во Дебар Маало, за дури вчера од Министерството за транспорт и врски да информираат дека поднеле иницијатива за раскинување на купопродажниот договор за земјиштето
Сопствениците на урнатата барака на улицата Наум Наумовски -Борче, семејството Ризови останаа на улицата, а причината за тоа е што нивниот имот се наоѓал на државно земјиште што државата без да ги извести во 2002 година го продала на фирмата ЦДМ „Комин Душко“, чии сопственици се поранешниот пратеник од редовите на ВМРО-ДПМНЕ, Петар Наумоски и неговиот татко. Фирмата што го купила земјиштето во купопродажниот договор се обврзала да набави градежна дозвола и да почне со градење во рок од една и пол година. Семејството Ризови веднаш штом дознале дека земјиштето каде што се наоѓа нивниот дом е продадено, поднеле пријава во суд. Со фирмата се суделе од 2002 до 2008 година, па затоа ЦДМ „Комин“ не можеле да почнат со градење, но во 2008 година судот донел пресуда дека фирмата легално си го купила земјиштето и затоа има право да гради на таа локација. Но оттогаш, па до денес се поминати две години, а од локацијата наместо голем деловен објект, сé уште зјае дупка, што значи дека фирмата не го почитувала купопродажниот договор и според законот земјиштето треба да и биде одземено. Од Министерството за транспорт велат дека веќе поднеле иницијатива за раскинување на договорот, но за тоа не била известена ниту општината Центар ниту, пак, фирмата- сопственик на земјиштето. - Министерството поведе иницијатива до Државното правобранителство за да се раскине купопродажниот договор со фирмата ЦДМ „Комин Душко“ по пат на судска постапка, а државното правобранителство веќе ја покрена постапката за еднострано раскинување на договорот - информираа од Министерството. Семејството Ризови се револтирани од начинот на кој државата се однесувала со нив. Тие велат дека неколку пати оделе во општината и го молеле градежниот инспектор Милан Пижула да не ја руши бараката, но тој иако им ветил дека ќе им дозволи сами да си ја отстранат конструкцијата дошол со екипи и во три часот по полноќ им ја срушил бараката. - Ни го одзедоа домот во кој живеевме, ни направија плус трошоци со рушењето, за сега да дознаеме дека Министерството за транспорт и врски ќе го раскине договорот со сопственикот на земјиштето. Во секој случај ова е добра вест за нас затоа што ние не планираме да се откажеме од тоа што е наше. Се надевам дека ќе добиеме барем некакво обесштетување за тоа што ни го направија - револтирано објаснуваше Соња Ризова. Од фирмата „ЦДМ Комин“ не беа достапни да кажат зашто не го почитувале договорот и дали ќе преземат нешто за да си го задржат имотот. Од општината Центар, ниту денеска не сакаа да одговорат на нашите прашања со образложение дека раководителката на секторот за урбанизам имала премногу состаноци.

http://www.novamakedonija.com.mk/NewsDetal.asp?vest=9710109216&id=14&prilog=0&setIzdanie=22078

Коректен новинарски напис. Со исклучок на правниот спор на г-дата Наумовски vs. Ризов за споменатата „барака”, што е работа на судовите, сé друго е целосен недостаток на административен капацитет, со напомена дека фактичкото премолчување на состојбата на терен, дава оправдани сомнежи за некаква латентна корумпираност на општинските служби.
Несфатливо е дека некој може да биде толку дрзок во центарот на Скопје, 100% да игнорира Закон за градење.
Ете, тоа се дел од нуспојавите предизвикани од државното „газење” по легалните процедури за ДУП и градење, однесување општо присутно при носење на последните градежни планови.


Edited by OKA - 06-Sep-2010 at 14:13

Името на нишката е сменето во „Луна - Дебар Маало“ бидејќи именувањето според парцела беше несоодветно. До евентуално добивање на некое официјално име ќе стои вака.

Бидејќи е во изградба, додадов кранче.

1.


2.


3.

4.

WOW!

И покрај сите лоши работи што ги навде ОКА, главната вест практично засенува се друго. На крај памет не би ми паднало дека некогаш во Дебар Маало ќе се гради објект со ваква големина (70 метри должина). Дури си велам и да не е преголем за амбиентот, но и тој впечаток во огромна мерка ќе зависи од надворешниот изглед, па ми останува да се надевам на проект кој ќе биде радикален позитивен помак каков што помак е и самото ова окрупнување на маркиците. Во секој случај подобро од фрагментираните микро маркички кои доминираа досега. Ваљда ќе дувнат нови ветришта во Дебар Маало и ќе се воспостават нови трендови. А ако тргне посериозно натака работата, тогаш тешко дека ќе се запре, бидејќи премногу очигледна ќе биде разликата, пред се во бенефитот за самите станари и корисници на идните градби. Мислам дека не е се изгубено и дека сеуште постои голем потенцијал за значителна позитивна трансформација во Дебар Маало.




Edited by Cloverstack - 24-Aug-2010 at 22:31

Ова е некако ипланирано и тука позади зградиве измеѓу двата реда не е планирана никава уличка, а слободно може да се вцрта некоја сервисна слепа уличка, backdoor за зградиве или некој паркинг за вработените и жителите во овие згради. Мислам како продолжение на паркингчето мало на крајот на улица Пиринска. И така ќе остане неискористен простор.

1. "Ground zero" во Дебар Маало 2
Сé уште нема табла...



2. Кон Grawe, Cubus и Соборна
Според ДУП-от, објектот во левата маргина е дивоградба... Со години...




3. Ромите го чистат 14.19.
Сé си е според Законот, еколошко превозно средство, згора на сé...


Edited by OKA - 24-Aug-2010 at 18:45