Црна хроника

Македонски железници најавија штрајк

	Коментари (0)

Македонската јавност нема да биде изненадена ако наскоро се случи тешка железничка сообраќајна несреќа, затоа што постојат сите основни предуслови за такво нешто, со оглед на влошената безбедност во сообраќајот.

Ова беше истакнато на денешната прес конференција на Синдикатот на машинскиот персонал на Македонски железници АД „Транспорт“, на која беше најавено дека од денеска започнува процес за организирање на штрајк, што ќе стапи во сила доколку во следните денови не се одржат преговори со надлежните.

Според претседателот на синдикатот, Ристо Пејовски, одроните што се случија на пругата Скопје-Кичево, не се случајност, туку е последица на тоа што вработените, кои се задолжени за одржување на безбедноста на пругите, биле испратени на принуден одмор.

„Што се однесува до безбедноста на локомотивите, најдобар показател е тоа што кај нас локомотивите не се осигурани, а мерило за нивна техничка исправност е дали е таа осигурана“, рече Пејовски.

Тој се пожали дека и минималното животно осигурување кое што претпријатието е должно да го плати за секој машиновозач не се подмирени, а не се води грижа ниту за заштитни средства за работа, како што се облеката, чевлите и помошните помагала.

Пејовски укажа дека безбедноста на сообраќајот нема цена, бидејќи таа е најзначајна и за вработените и за граѓаните.

„Јавноста во Македонија нека не биде изненадена доколку се случи тоа што се случи во Хрватска и во Црна Гора каде што имаше слизнување на вагони со човечки жртви. Одговорно укажуваме на недостатоците и неисправностите на возилата. Ако одговорните не ги засега оваа ситуација, нека не ве чуди ако се случи нешто и во Македонија“, рече Пејовски, додавајќи дека за инвестиции во безбедноста не смее да се штети.

Покрај ова, синдикатот на машинскиот персонал на железницата бара на оваа група на вработени да им се уважи правото на бенефициран работен стаж.

Пејовски истакна дека за овие состојби синдикатот му укажал на раководството на претпријатието и на ресорното министерство, но засега нема конкретни резултати.

„Вработените во железница донесовме одлука од денеска започнуваме процес за организација на штрајк, доколку во следните денови немаме директни и конкретни разговори, кои ќе дадат резултат, ние ќе го започнеме штрајкот“, изјави Пејовски.

Воедно, вработените во железница сметаат дека им припаѓа правото и на акции од компанијата, бидејќи со години давале придонес во издигање на инфраструктурата.

„Ние сме акционерско друштво со државен капитал, во кое владата се декларира дека е стопостотен сопственик и треба да бидеме обесштетени со одреден процент на капиталот од компанијата“, изјави машиновозачот Зоран Цветановски, додавајќи дека вработените би требало да добија околу 30 отсто од акциите на компанијата.

Синдикатот на машинскиот персонал на Македонски железници АД „Транспорт“ сепак изрази надеж дека раководството на компанијата, која брои околу 1.500 вработени, во наредните денови ќе излезе во пресрет на нивните барања.

Izvor: http://www.a1.com.mk/vesti/default.aspx?VestID=121390

Навистина очекуван потег, само беше прашање на време кога ќе излезат железничарите со ваква реакција.

ИЗБЕГНАТА КАТАСТРОФА ПО ОДРОН НА КАРПИ НА ПРУГАТА СКОП­ЈЕ - КИЧЕВО

Возот со патници за малку ќе паднел во бездна

Осум­ми­на патници од Кичево завчера беа полесно повредени, при удар на пат­нич­ки­от воз на релацијата Скопје - Кичево, кај гостиварското село Ла­ка­ви­ца, во одрон од камења и земја.
По 18 часот, машиновозачот Љ.Р. (46) од Скопје, додека управувал со ло­ко­мо­ти­ва­та и со двата вагона, во кои имало 60 патници, на излезот од селото Ла­ка­ви­ца, на 7. километар од Гостиварската железничка станица видел пад­на­ти дрвја на пругата. Тој почнал да кочи, но не можел да го избегне уда­рот во земјата и големите карпи кои се стркалале од падините на Сува Го­ра. Локомотивата, тешка 120 тони, се изместила од шините и паднала настра­на. Железничарите велат: "Патниците имаа голема среќа бидејќи лесно мо­же­ше да се случи катастрофа со жртво, ако дел од големите камења се стру­по­ле­а кон лакавичкиот железнички мост, кој се наоѓа 40 - 50 метри по­да­ле­ку од местото каде што локомотивата излета од шините. Во тој случај, ло­ко­мо­ти­ва­та наместо настрана на земјата, можеше да падне во бездна дла­бо­ка повеќе од 50 метри. Затоа најитно мора да се санира ридот над пру­га­та за да не се случат нови одрони".
Пат­ни­ци­те што биле во вториот вагон добиле набиеници и модринки по но­зе­те и по телата. Со медицински возила биле префрлени во Гостиварската бол­ни­ца. По укажаната лекарска помош биле пуштени на домашна нега. Дру­ги­те патници од вагоните, со автобус биле превезени за Кичево. Же­лез­нич­ки­от сообраќај меѓу Скопје и Кичево и вчера беше во прекин. Ло­ко­мо­ти­ва­та и вагоните беа вратени на Железничката станица во Гостивар. Еки­пи на "Македонски железници" вчера работеа на расчистување на од­ро­нот. (С.Т.)

http://www.vest.com.mk/?ItemID=63ECDBDC5156554DA2777AC6C3933EB4