Луна Корпорација

Имам сватови кои се сопственици на една од маркиците споени во новава голема. Од информациите кои ги имам од пред неколку месеци, објектот ќе варира во висина, бидејќи 14.20 е објект заштитен со закон. Таму ќе се оди со помалата висина од 19,2, а на другата половина ќе има 26 метри. Рендер немам видено, незнам дали ќе биде продолжение на Гринго. Ако добијам информации ќе споделам.

Во однос на Гринго, рендерот кажува дека половина од објектот ќе се гради на местото на некогашната обложувалница, а таа маркица (14.13 ако не се лажам, 14.12 е постојното изградено) е споена во големава исто така. Дали целиот објект ќе биде продолжение на Гринго? Малку веројатно, земајќи предвид дека веќе има ѕид од западната страна на Гринго (иако и тој ѕид може да се руши нормално).

Уште нешто кога проаѓав на 14.19 немаше ништо срушено, сакаш да кажеш дека и таму рушеле ??? Ако е така тогаш е стварно замашен објектов

По речиси двегодишно натегање со сопствениците, деновиве отпочнаа подготвителни работи на окрупнетиот градежен терен, со несвојствени димензии, барем кога станува збор за Дебар Маало 2. Припоени се 3 поголеми градежни парцели (14.13. 14.14 и 14.19), со нивелациски висини од 19,2 до 26 м, лоцирани наспроти и паралелно со северниот влез и фасада на деловно-станбената зграда (на Форумов позната како) Гема 2.



Неофицијално, како инвеститор на проектот фигурира „легендарната” тета Мира, алијас Луна корпорација, проект „Корнер”. Исто така неофицијално, проектот во својот состав ќе опфати широк недвижен спектар: локали, хотел, деловни канцеларии, подземни паркиралишта и станови.



Инаку, неодамна медиумите пишуваа за „проблематичноста” на една од градежните парцели кои влегоа во проектот и вмешаноста на екс-кошаркарот Пеце Наумовски во наводна афера со незаконско преземање на земјиштето.

Како и да е, теренот интензивно се расчистува, во еден изненадувачки субстандарден и би рекол незаконски манир. Мегапарцелата е делумно оградена со лошо поставени лимени плочи, без информативна табла, но со мноштво групи на Роми, кои деноноќно се тепаат (неколкупати интервенира и МВР) која група ќе дрпне што е можно повеќе секундарен метал, тули, дограма... На градилиштето нема надзор, но е преполно со малолетни лица, никој не носи заштитна облека, за багерите, копачите и камионите не се презема ништо против прашината и валкање на сообрајќајниците, се работи вон работно време, околината е преполна со отпад од расчистувањето... Новиот Закон е добар, најверојатно ќе треба време капацитетот на администрацијата, а и менталитетот на граѓаните да зајакнат.

Во секој случај, проектов е исклучително важен, затоа што, според мене, претставува пример како ќе еволуира Дебар Маало, преку проекти кои ќе бидат се покомплексни и интегрално одржливоголеми, наспроти досегашниот тренд, секој, кадар-некадар, да си го реализира меракот, градејќи ситна зградичка, со двеипол паркинг места (и тоа преку пасаж) и една „пиљара” до влезот.

П.С. Топиков може да си добие и поконкретно име кога ќе имаме подетална слика, бидејќи проектов е сепак само дел од Блокот 14.





Edited by OKA - 24-Aug-2010 at 16:29