Осум лица со полесни повреди при железничката несреќa кај Лакавица

Гостивар, 16 март (МИА) -  Осум лица се полесно повредени при синоќешната железничка несреќа, во која  локомотивата од патничкиот воз  што сообраќаше на релацијата Скопје – Кичево, се измести од шините поради одрон од земја на пругата во близина на гостиварското село Лакавица.

На повредените патници им е укажана мединска помош во гостиварската општа болница, по што веднаш се пуштени на домашно лекување. Останатите патници во возот се сместени во автобус и испратени за Кичево. Во возот патувале повеќе од 40 лица.

Екипи на „Македонски железници“ работат на расчистување на одронот и се очекува оспособување на тој дел од железницата за еден до два дена. Двата вагона од возот чија локомотива, тешка 120 тони, се измести, веќе се вратени на железничката станица во Гостивар.

Според кажувањето на машиновозачот, на седмиот километар од станицата Гостивар кон Кичево забележал паднати дрва на пругата и почнал да кочи, но ударот во одронот односно наносот од земја не можел да се избегне.згм/лв/9:57

http://www.mia.com.mk/default.aspx?vId=72326339&lId=1

П.С. Според видеото на А1 и последната вест на МИА за 8 повредени очигледно е дека за влакно се избегнала несреќа со човечки жртви. Министерството за транспорт и врски сакаше да го минимализира случајот, но новинарите го престигнаа.

Не сум стручњак од оваа област, но знам дека попладневниот воз за Кичево редовно треба да го покрие Шпанецот, но за среќа вчера не било така. Доколку Шпанецот налетал на овие големи одрони мислам дека состојбата ќе беше многу полоша.

Исто така, среќа што било понеделник, па немало многу патници во возот. Обично од големи гужви помеѓу Гостивар и Кичево многу патници во возот стојат, така што од силината на ударот сигурно ќе имало поголеми последици од настанот. 

Важно добро се заврши.

Се лизнав на сензационализмот на А1 телевизија, навистина не е во ред да оди посебен телоп за излетување на воз во текот на програмата, создава паника.

Почитувани,

 

Ве информираме дека попладнево локомотива од возот со бр. 6904 кој сообраќал на релацијата Скопје – Кичево се изместила од пругата заради настанат одрон во близина на населеното место Лакавица, гостиварско. Никој од триесетте патници и персоналот кој се наоѓале во возот не е повреден, а причинета е помала материјална штета на локомотивата.

Стручни екипи од ЈП „МЖ Инфраструктура“ и АД „МЖ Транспорт“ во моментот се на лице место со цел да извршат увид во настаната состојба.

 

 

Со почит,

Министерство за транспорт и врски

Извор: Интернет портал на министерство за транспорт и врски,
http://mtc.gov.mk/new_site/mk/storija.asp?id=2393

Патнички воз излета од шини кај Лакавица 15.03.2010 19:45 Едно лице е полесно повредено кога патничкиот воз кој се обраќа на линија Скопје - Кичево излета од шините во близина на гостиварското село Лакавица. Според првичните информации, на излетувањето на дел од патничката композиција, му претходел удар во одрон од камења, кој се нашол на пругата, известува МИА. Случајот бил пријавен во полициската станица Гостивар во 18:30, а полициски екипи се упатени на местото на настанот. http://www.a1.com.mk/vesti/default.aspx?VestID=121012

si frlal nekad topki sneg po koli?!?!?!? taa e poentata, samo so ovie malku zabegale

Деца го каменувале возот Скопје - Кичево Кичево, 27. февруари (ИНПРЕС) Вчера, околу 19,00 часот во Кичево на 200 метри пред влезниот сигнал во железничката станица, четири малолетни лица извршиле каменување на патничкиот воз бр.6904, кој сообраќал на релација Скопје - Кичево. Во инцидентот напагачите скршиле едно прозорско стакло, а повредени лица нема. Од страна на УПС од ПС Кичево излезено е на лице место, при што се затекнати децата А.Т.(1999) и А.Т.(1998) од Кичево, со кои се обавени разговори, при што помалата сестра кажала дека таа фрлила тврд предмет кон возот. http://www.inpress.com.mk/default.asp?ItemID=E29B285D2F13674B96BBBC739E19CAFA&arc=1

А еве и какви идеи се развиваат  поединци со цел да се уништи патничкиот сообраќај во овој регион. Ме интересира која гарнитура е сега оштетена. Веќе еден Шпанец не работи поради оштетен мотор, дали можеби новата гарнитура е оштетена?!?

17.01.2010 - Од попречно поставена блокада од лим наполнет со камења и друг цврст матерјал на пругата крај полскиот пат Тетово - Требош, синоќа е оштетен патничкиот моторен воз на релација Скопје- Кичево

Синоќа патничкиот моторен воз што сообраќа на релацијата Скоопје - Кичево од железничката станица во Тетово, појде со извесно задоцнување.

Единствена причина за доценењето на моторниот патнички воз број 69О4 е попречната бариера од лим исполнет со камен и друг цврст матерјал била поставена на железничката пруга во близина на полскиот пат Џепчиште - Треботш во близина на Тетово, соопшти шефот на железничката станица во Тетово, Бесник Јусуфи.

Машиновозачот Садула Шабедини со намалување на брзината во управувањето со возот се обидел да ги ублажи последиците од барикадата на отворената пруга. Притоа дошло до оштетување на дизел моторнарната гарнетура, односно на нејзините инсталации, а целосно бил уништен еден од двата мотори. Среќна околност е што нема повредени патници.

Така оштетениот моторен воз успеал да пристигне во тетовската железничка станица каде бил извршен детален преглед на исправноста и на причинетата матерјална штета. Потоа само со еден мотор, патничкиот воз го продолжил патот кон Гостивар и Кичево. Увид на местото на поставената блокада на пругата и на оштетениот воз извршиле екипи од СВР Тетово, од Оперативната служба на Македонски железници и од Полициската станица за придружба на возови, кои непрекинато работат на откривање и идентификување на сторителите и нивно повикување на кривична одговорност.

Поставувањето барикади со цврсти предмети на пругата во околината Тетово, како и каменување на возовите во кои минатата година од камен беше повредена студентка од Кичево е зачестена појава во тетовскиот крај. Според најновите информации од Јавното претпријатие Македонски железници никој од поставувачите на барикадите и од каменувачите во Тетово и околината не е откриен.

Во услови на економска ктриза, возот претставува најекономично превозно средство поради што бројот на патниците, особено на учениците и студентите постојано се зголемува. Со цел да се прилагоди возниот ред спрема започнувањето на часовите во средните училишта и на факултетите во состав на Универзитетите во Тетово и Скопје изготвен е нов возен ред кој веќе се применува.

Првиот воз од Тетово за Скопје тргнува во 6 часот и 33 , а последниот во 2О часот и 18 минути. Првиот воз од Скопје за Тетово-Гостивар и Кичево тргнува во 2 часот и 5О минути по полноќ , а последниот во 16 часот и 5О минути.

http://www.kiss.com.mk/mak/novosti1.asp?id=8820, ТВ КИСС, ТЕТОВО

Покрај тоа што можат да се фрлаат под воз, сега можи и да скокаат од воз. Вчера се враќав со воз за битола, - Вагоните катастрофа: Сијалици искршени, седишта искинати и што е најлошо некои врати се ширум отворени - слободно за скокање

Edited by Danielbtmk - 16-Feb-2010 at 00:24

Редовна состојба на линијата Скопје-Кичево...  

Полицијата како и секогаш, претпоставувам дека ќе го евидентира случајот и толку 

Шпорет оштетил воз   Патнички воз што сообраќал на железничката пруга Скопје-Кичево во саботата доцна попладне удрил во остатоци од шпорет поставени на шините и за малку не излетал од шините       Според полицијата, патничкиот воз со бројот 6.904 пред влезот во тетовската станица удрил во остатоците од шпоретот околу 18 часот. Локомотивата, за среќа, останала на шините, но од ударот бил оштетен еден од моторите на возилото. Во инцидентот нема повредени, а материјална штета дополнително ќе биде утврдена. Полицијата презема мерки за расчистување на настанот и идентификување на лицето што го ставило шпоретот на шините.

http://www.novamakedonija.com.mk/NewsDetal.asp?vest=118101041357&id=12&prilog=0&setIzdanie=21887

Има доволно простор ако човекот е легнат, и нема нешто што го повредило

Но не би го препорачал никому тоа да го проба