Интернет и телекомуникации

Грчката компанија ОТЕ почна со подготовките за продажба на мобилниот оператор во Македонија, "Космофон". Медиуми од Грција вчера јавија дека "Космоте", ќерката-фирма на грчката компанија ОТЕ, избрала два финансиски советника за процесот на продажба на "Космофон". Консултантските куќи "НМ Ротчајлд анд санс лимитид" и "ЕФГ Телесис фајнанс" ќе ја советуваат грчката компанија во продажниот процес.
Во вчерашното издание на грчкиот весник "Та неа", пак, пишува дека "Космофон" ќе биде првата жртва на договорот за стратешко партнерство меѓу грчкиот ОТЕ и "Дојче телеком". Според весникот, во договорот за стратешко партнерство, фирмата-ќерка на ОТЕ во Македонија била исклучена од "трнливите прашања", за кои грчката Влада има право на вето.
"'Дојче телеком' е присутен во Македонија преку својата фирма-ќерка 'Т-Мобиле', факт што го принуди ОТЕ да ја убие својата компанија во Македонија", пишува "Та неа".
Претседателот на Комисијата за заштита на конкуренцијата, Чедомир Краљевски, вели дека се уште се во тек обработката и анализата на податоците што им се потребни за да донесат одлука како да се спречи потенцијалниот монопол на македонскиот телекомуникациски пазар.
"Космофон" има лиценци за ГСМ мобилна телефонија, за 3Г мобилна телефонија и за вајмакс безжична телефонија, а веќе на пазарот нуди и безжична фиксна телефонија. Во јавноста веќе се шпекулира дека компанијата ќе се продава топтан со сите лиценци. Се шпекулира и со повеќе имиња на заинтересирани купувачи, меѓу кои и третиот мобилен "Вип оператор", словенечкиот "Телеком", турскиот оператор "Туркчел" и "Теленор", кој е присутен во Србија.
"Дојче телеком" во Македонија управува со "Т-Мобиле Македонија" и со фиксниот оператор "Македонски телеком", а ОТЕ со "Космофон". "Т-Мобиле" и "Космофон", пак, покриваат над 90 насто од пазарот на мобилна телефонија во земјава, а единствената конкуренција е третиот оператор "Вип". (Т.Ј.)

ВТОРИОТ МОБИЛЕН ОПЕРАТОР ЌЕ СЕ ПРОДАВА

Космофон пикиран од Мобилком и Телеком Словенија

Проценките се дека Космофон вреди околу 300 милиони евра и дека продажбата би завршила за девет до 12 месеци

Мобилниот оператор Космофон ќе се продава откако ќе се официјализира влезот на Дојче Телеком во грчки ОТЕ. Тоа значи дека германската компанија ќе учествува во управувањето во ОТЕ и на тој начин настанува и директно учество, односно контрола и врз Космофон, кој поседува 33 проценти од мобилниот пазар во Македонија. Ваков можен развој на настаните најави Панагис Вурлумис, претседателот на Управниот одбор на ОТЕ. Според него, продажбата на Космофон мора да се случи бидејќи фирма-ќерка на Дојче Телеком во земјава (Т-Мобиле Македонија) контролира околу 55 проценти од пазарот и поради регулативата еден од двата оператора ќе мора да се продаде.

Сепак, Вурлумис најави дека ОТЕ нема да брза со продажбата на Космофон. Прво, влезот на Дојче Телеком во ОТЕ треба да се официјализира откако ќе биде одобрен од ЕК со што германската компанија ќе има управувачко мнозинство во ОТЕ. Тој момент ќе предизвика нов монопол во мобилната телефонија во Македонија што е предмет на анализа на Комисијата за заштита на конкуренцијата која има рок од 90 дена да се произнесе во врска со концентрацијата што ќе настане.

Космофон вреди 300 милиони евра
Извори на ВЕЧЕР велат дека во Космофон веќе се подготвуваат да бидат продадени. Проценките се дека за тоа ќе бидат потребни од девет до 12 месеци. Како потенцијални купувачи се спомнуваат австриски Мобилком кој е газда на операторот ВИП, како и Телеком Словенија. На Мобилком би му одговарало да го купи Космофон кој се проценува дека вреди меѓу 250 и 300 милиони евра бидејќи ќе наследи приближно 650.000 активни телефонски линии, плус фиксна телефонија, вајмакс и 3-Г лиценца со чии услуги од компанијата најавуваат дека ќе стартуваат деновиве. Одличен залак Космофон би бил и за Телеком Словенија. Кога различните телекомуникациски услуги на оваа компанија би се споиле со интернет услугата што ја нуди неговиот Он.нет, би можел да стане вистинска конкуренција на Дојче Телеком на македонскиот пазар.

Дојче рашири чадор на Балканот
Договорот овозможува Дојче телеком да ја купи целата компанија ОТЕ, но со согласност од следните грчки влади. Зделката треба да биде одобрена од парламентот и од Европската комисија за конкуренција. До 2011 година Германците можат да докупат уште 15 отсто. За Дојче Телеком, преземањето на ОТЕ значи пристап до пазари како Бугарија, Романија, Србија и Албанија, проширувајќи ја дејноста во Централна и Источна Европа - од Балтичко до Средоземно Море.

Originally posted by UrbanFreak Да не ти е Пепи пријател или роднина што вака ги фалиш Далеку од тоа дека имаат најстабилен интернет Он Нет и далеку од тоа дека имаат 40 Gbps линк према Словенија. Сите наши ИСПа заедно немаат ни приближно толку. Можеби е точно е следново: Сопствениците на Оннет Словенси Телеком имаат од Словенија према горе на располагање толкав линк. Колку од тоа понатака они им оставаат на Косовскиот провајдер кој го имаат и ОННЕт е голем прашалник.

абе фалењето оди од лично задоволство, веќе некое време сум на нивниот адсл и работите и летаат и се доста стабилни, инаку веќе он.нет не одат преку мт.нет линковите откако ги презедоа словенците нормално кабелот одма го пуштија од горе па сега директно сме врзани на портот за виена а дека им оставаат цела цевка на нашиве тоа е сигурно, само е спорно дали системот е сеуште оној 40ката или како што вели пепи дека е сега 100, ова го кажа во емисија кај јанко кога со трендо го промовираа он.тел, можеби е само маркетинг но треба да се провери, па од таа стотка една третина да е ослободена за земјава по реципроцитет и тоа би било ептен екстра дали?! 

околу IP адресите најверојатно тоа било случај на почетокот додека да направат компактна затворена мрежа на која  ќе се поврзува на бугарскиот порт?!

додека за големината на портовите на кејблтел незнам ништо поконкретно освен дека се преку Бугарија, и повторно е прашање на капацитетот на оптиката што ја имааат поставено кај нас. инаку како најстабилни во моментов се он.нет кои влечат оптика од словенскиот Т-2 кој е колку што можам да најдам на нет на 40 Gbit/s WDM канали , иако директорот на он.нет Предраг Чемерикиќ кај Јанко во јади бурек последниот пат спомна нешто дека од 2008 се на 100  Gbit/s WDM канали од Словенија, но ништо поконкретно и официјално нема на нет...